Ədliyyə qonfalonyeri

1293-cü ildə Florensiya Respublikası Ədliyyə qonfalonyeri vəzifəsini təsis etmişdir. Bu titulun sahibi Sinyoriya (şəhər hökuməti orqanı) rəhbəri olurdu.^[2] Ona "Ədalətin bərqərarı" konstitusiyasının qorunması həvalə edilmişdi. Qonfalonyer qonfalon adlanan müəyyən forma və rəngdə bir bayraq var daşıyırdı. Ədliyyə qonfalonyeri böyük şəhər gildiyalarının üzvlərindən püşkatma yolu ilə 2 ay müddətinə seçilirdi. Tədricən seçim getdikcə daralmış və tezliklə Sinyoriya başçısı Florensiyanın ən nüfuzlu ailələrinin nümayəndələrindən seçilməyə başlamışdır. 1393-cü ildən bəri Ədliyyə qonfalonyerinin ən azı qırx beş yaşı olmalı idi. Şəhərin hərbi qüvvələrinə cavabdeh olan, məclisləri çağırmaq və qanunlar çıxarmaq hüququna malik olan Sinyoriya lideri kimi Ədliyyə qonfalonyeri hökumətin mərkəzində idi. Buna baxmayaraq, onun nüfuzu ən çox bir ay davam edən qısamüddətli səlahiyyət müddəti ilə məhdudlaşmışdı. 1502-ci ildə bu vəzifə respublikanın möhkəmləndirilməsi vasitəsi kimi ömürlük hala gəlmiş və Pyero Soderini Ədliyyə qonfalonyeri seçilmişdir. Mediçi restorasiyası bu vəzifəni öz qısamüddətli xarakterinə qaytarmışdır. 1527-ci ildə qonfalonyer üçün bir il müddətinə seçkilər təyin edilmiş və üç dəfə təkrar seçilmək hüququ verilmişdir. 1532-ci ildə bu vəzifə ləğv edilmiş və dövlətin başında Ədliyyə qonfalonyerinin yerini hersoq tutmuşdur.^[3]

• Franco Cardini, Firenze, la città delle torri, Milano, Fenice, 1995–2000.
• I. Caliari, I protagonisti della civiltà, Edizioni Futuro, 1981.
• Marcello Vannucci, Storia di Firenze, Roma, Newton & Compton, 1992.