Ədəbül-müfti vəl-müstəfti (ərəb. أدب المفتي والمستفتي) — İbn əs-Salahın fiqh sahəsinə aid əsəri.
| Ədəbül-müfti vəl-müstəfti | |
|---|---|
| ərəb. أدب المفتي والمستفتي | |
| Müəllif | İbn əs-Salah |
| Janr | fiqh |
| Mövzu | Üsuli-Fiqh, fətva, əxlaq, məsuliyyət |
| Orijinalın dili | ərəb dili |
"Ədəbül-müfti vəl-müstəfti"nin digər bir adı "Şürut əl-müfti"dir. Əsər müftilərin və müstəftilərin (fətva soruşan, müqəllid) əməl etməli olduğu qayda və prinsiplərdən bəhs edir: fətva verərkən dəlili qeyd etmək, fətvanın dil üslubu, fəta verərkən oxunacaq dualar və s. mövzulara toxunulur, müftülərin səbirli və anlayışlı olmalarının vacibliyi vurğulanır. Əsərdə həmçinin müftilərə kəlam məsələlərində ehtiyatlı olmaq tövsiyə edilir.[1]
"Ədəbül-müfti vəl-müstəfti" müxtəlif əsərlərlə birlikdə və müxtəlif adlar altında dəfələrlə nəşr edilmişdir (Beyrut: 1986; Qahirə; 1992 və s.).[2] Əsərin Mədinə (Məktəbət əl-Ülum vəl-Hikəm: 1986) nəşri 215 səhifə təşkil edir.[3]
- ↑ Çinar, Fatih. "Ibn al-Salah's Opinions About the Adab/Rules that Mufti and Counselee Obey". Mütefekkir. 7 (15). 2020.
- ↑ Kandemir, M. Yaşar. "İbnüs-Salah, eş-Şehrezuri". TDV İslâm Ansiklopedisi. 2000. 6 fevral 2026 tarixində arxivləşdirilib. İstifadə tarixi: 6 fevral 2026.
- ↑ "كتاب أدب المفتي والمستفتي". Əl-Məktəbətü əş-Şamilə. 6 fevral 2026 tarixində arxivləşdirilib. İstifadə tarixi: 6 fevral 2026.