Əbu Cəfər Məhəmməd ibn Osman ibn Məhəmməd ibn Əbu Şeybə İbrahim əl-Əbsi əl-Kufi (ərəb. أبو جعفر ابن أبي شيبة; bilinmir və ya 825[1], Kufə – 909, Bağdad) — hədis hafizi.
| Əbu Cəfər ibn Əbu Şeybə | |
|---|---|
| ərəb. أبو جعفر ابن أبي شيبة | |
| Doğum tarixi | bilinmir və ya 825[1] |
| Doğum yeri | |
| Vəfat tarixi | 909 |
| Vəfat yeri | |
| Atası | Osman ibn Əbu Şeybə |
| Tanınmış yetirmələri | Təbərani |
Hicri 210-cu (825) ildə anadan olub. İlk hədis biliklərini atası Osman və əmisi Əbu Bəkirdən alıb. Digər müəllimləri isə Qasım ibn Əbu Şeybə (digər əmisi), Əhməd ibn Yunus, Əbu Kübeyr əl-Həmdani, Hənnad ibn Səri, Yəhya ibn Məin və Əli ibn Mədəni kimi şəxslərdir.[2]
İbn Səid əl-Haşimi, Əbu Əmr ibn əs-Səmmaq, Əhməd ibn Salman, Cəfər əl-Huldi, Əbu Bəkir əş-Şafii, Əbu Əli əs-Səvvaf, Təbərani, İsmayıli, İbn əl-Bəğandi, Məhəmməd ibn Məhləd və Hüseyn əl-Məhəmili kimi şəxslər isə onun tələbələridir.
Ömrünün axırına yaxın Bağdada köçmüş və hicri 297-ci (909-910) ildə burada da vəfat etmişdir. İbn Həcər onun ölüm tarixinin hicri 287-ci (900) il olduğunu söyləmişdir.[3]
Əbu Cəfər ibn Əbu Şeybə, "Sualatu Məhəmməd ibn Osman ibn Əbi Şeybə li-Əli ibn əl-Mədini" (Riyad 1984), "Kitab əl-Ərş və mə ruviyə fih" (Kuveyt 1986), "Kitab fihi zikru xəlqi-Adəm və xətiətüh və tövbətüh və əbvab fi viladətin-nəbi və qeyri-zalik" adlı əsərlərin müəllifidir. İbn ən-Nədim onun "ət-Tarix" və "əs-Sünən fil-fiqh" adlı əsərlərin də müəllifi olduğunu yazmışdır.[4]
- ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
- ↑ Âşıkkutlu, Emin. "Ebû Ca'fer b. Ebû Şeybe". TDV İslâm Ansiklopedisi. 1999. 17 dekabr 2025 tarixində arxivləşdirilib. İstifadə tarixi: 17 dekabr 2025.
- ↑ əl-Əsqəlani, İbn Həcər. Lisan əl-Mizan (ərəb). V. Heydərabad (Hindistan). 1911–1913. 280–281.
- ↑ İbn ən-Nədim. Fihrist (ərəb). Tehran. tarixsiz. 285.