Əbdürrəhim əfəndi Çələbizadə
Əbdürrəhim əfəndi Çələbizadə (az.-əski. عبد الرحيم افندى; 1841 – 1921) — Quba qəzasının tanınmış din xadimi,[1] Qubanın müsəlman-sünni əhalisinin dini rəhbəri.[2] Quba qırğınlarının qarşısını almağa çalışan şəxslərdən biri.[3]
| Əbdürrəhim əfəndi Çələbizadə | |
|---|---|
| az.-əski. عبد الرحيم افندى | |
 | |
| Doğum tarixi | |
| Vəfat tarixi | |
| Uşağı | |
| Fəaliyyəti | ruhani |
Məşhur Çələbilər nəslinin nümayəndələrindən olan Əbdürrəhim əfəndi Çələbizadə 1841-ci ildə anadan olmuşdur.[1] Əbdürrəhim əfəndinin mənsub olduğu Çələbilər nəsli, Şamdan Qubaya köçüblər.[4] 1918-ci ildə mart ayında Quba qəzasına soxulan daşnaklara qarşı mübarizəyə qalxan şəxslərdən biri də Qubadakı sünni-müsəlman icmasının rəhbəri, ruhani Əbdürrəhim əfəndidir. O, Quba Cümə məscidinin imamı olmuşdur. Əbdürrəhim əfəndi, ermənilərə silahlı müqavimət göstərməsə də Qubanın azad edilmə planlarının hazırlandığı Güllü Təpə yığıncağında[5] və eləcədə əliyalın əhalinin Qubadan təhlükəsiz ərazilərə təxliyə edilməsin iştirak etmişdir.[3] 1918-ci ilin oktyabr ayında Qubaya gələn Nuru paşanı müşayiət edən şəxslərdən biri də Əbdürrəhim əfəndi idi.[6] Əbdürrəhim əfəndi Əhməd Əfəndi Çələbizadənin atasıdır. Əbdürrəhim əfəndi 1921-ci ildə vəfat etmişdir.[1]
- ↑ 1 2 3 Dünyamalı, Kərim. Bir Soyun Taleyi (az.). Bakı: Mütərcim. 2003. Bakı.
- ↑ Solmaz Rüstəmova, Tohidi. Quba. Aprel-May 1918-ci il. Müsəlman qırğınları sənədlərdə (az.). Bakı. 2013. 301.
- ↑ 1 2 Dünyamalı, Kərim. Bir Soyun Taleyi (az.). Bakı: Mütərcim. 2003. 137.
- ↑ Bakıxanov, Abasqulu ağa. "Şirvanın dahi şəxsiyyətləri fəsli", Gülüstani-İrəm.
- ↑ Dünyamalı, Kərim. Bir Soyun Taleyi (az.). Bakı: Mütərcim. 2003. 140.
- ↑ Dünyamalı, Kərim. Bir Soyun Taleyi (az.). Bakı: Mütərcim. 2003. 147.