Vikipediya ?

Əbdülvahab Yurdsevər

Əbdülvahab Yurdsevər (Tam adı: Əbdülvahab Yurdsevər Məmmədzadə; 17 iyul 1898(1898-07-17), Bakı28 yanvar 1976(1976-01-28), Ankara) — Azərbaycan milli istiqlal hərəkatının fəal iştirakçılarından biri, ədəbiyyatşünas, publisist.

Əbdülvahab Yurdsevər
Əbdülvahab Yurdsevər.jpg
Əbdülvahab Yurdsevər Məmmədzadə Türkiyədə, 15 mart 1938 il
Doğum tarixi 17 iyul 1898(1898-07-17).
Doğum yeri Bakı, Azərbaycan Respublikası
Vəfat tarixi 28 yanvar 1976 (77 yaşında)
Vəfat yeri Ankara, Türkiyə Respublikası
Fəaliyyəti yazıçı

Mündəricat

Həyatı

Əbdülvahab Yurdsevər 1911-ci ildə rus litseyinə qəbul edilmiş, 1917-ci ildən siyasi fəaliyyətə başlamış. həyatını bütünlüklə istiqlal hərəkatına həsr edərək, Azərbaycan Xalq Cümhuriyyətinin qurulmasında yaxından iştirak etmiş, 1920-ci ildən sonra Gizli Müsavat partiyasının Bakı komitəsinin sədri və Milli Müqavimət Komitəsinin üzvü olmuşdur. 1923-cü ildə həbs edilərək, əvvəlcə şimali Qafqaza sürgün edilmiş, cəza müddəti bitdikdən az sonra isə Yaroslavl və Saratovda on bir illik sürgün həyatı yaşamışdır. Sürgündən sonra Ə.Yurdsevər bir müddət Daşkənddə qız məktəbində müəllimlik etmiş, daha sonra İrana, oradan isə Varşavaya mühacirət etmiş, əqidə və amalı uğrunda mübarizəsini mühacirətdə davam etdirmişdir.

Fəaliyyəti

İkinci dünya müharibəsinin başlanmasından sonra Türkiyəyə getmiş, burada hüquq təhsili almışdır. Ana dili ilə yanaşı, rus, alman. ərəb və fars dillərini də mükəmməl bilirdi. Bir müddət Ankara radiosunda farsca siyasi xəbərlər proqramının başçısı olmuşdur. Yurdsevər 1959-cu ildən ömrünün sonuna kimi Azərbaycan Milli Mərkəzinə (İstanbul) rəhbərlik etmişdir. Siyasi mübarizə ilə yanaşı, ədəbi fəaliyyətlə də məşğul olmuşdur, Ankarada fəaliyyət göstərən Azərbaycan Kültür Dərnəyinin içində yaxından iştirak etmiş, Azərbaycan ədəbiyyatına dair silsilə əsərlər ["Mirzə Fətəli Axundzadənin həyatı və dram əsərləri" (Ankara, 1950), "Azərbaycan dram ədəbiyyatı" (Ankara, 1951; B.. 2003), "Sabirin Azərbaycan ədəbiyyatındakı yeri" (Ankara, 1951), "Azərbaycan ədəbiyyatında Vidadi və Vaqifin yaradıcılığı" (Ankara, 1952)] yazmışdır.

Mənbə

  • İbrahimli X.. Azərbaycan siyasi mühacirəti (1920-1991). B., 1997;
  • Sultanlı V., Azərbaycan mühacirət ədəbiyyatı. B., 199S.

Həmçinin bax

İstinadlar

  1. "". Azərbaycan Xalq Cümhuriyyəti Ensiklopediyası. II. Bakı: "Lider". 2005. səh. 440. ISBN 9952-417-44-4 (kömək). External link in |chapter= (kömək)
Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019