Əbu Zahid Əbdülfəttah ibn Məhəmməd ibn Bəşir Əbi Quddə əl-Qureyşi əl-Məhzumi[3] (ərəb. عبد الفتاح أبو غدة; 9 may 1917[1], Hələb – 16 fevral 1997[2][1], Ər-Riyad) — XX əsrin görkəmli suriyalı islam alimi, mütəfəkkiri və mücəddidlərindən biri. O, həm fiqh, həm hədis, həm də İslam düşüncə tarixində önəmli iz buraxmış müasir alimlərdən olub. Əsasən sələfi-maturidi düşüncə tərzini təmsil etmiş və ənənəvi İslam elmlərinin dirçəlişinə böyük töhfələr vermişdir.
| Əbdülfəttah Əbu Quddə | |
|---|---|
| ərəb. عبد الفتاح أبو غدة | |
| Doğum tarixi | 9 may 1917[1] |
| Doğum yeri | |
| Vəfat tarixi | 16 fevral 1997[2][1] (79 yaşında) |
| Vəfat yeri |
|
| İş yerləri | |
| Təhsili |
|
| Elmi rəhbəri | Zahid əl-Kövsəri |
Əbdülfəttah Əbu Quddə 1917-ci ildə Suriyanın Hələb şəhərində doğulmuşdur. O, səhabə Xalid ibn Vəlidin nəslindəndir.[3] Hələb və Dəməşqdə klassik İslam elmləri üzrə dərs almışdır. Misirdə Əl-Əzhər Universitetində ali təhsilini davam etdirmişdir. Əsasən hədis, fiqh, sufizm, tərbiyəvi İslam sahələrində ixtisaslaşmışdır.
Elmi və əxlaqi irsi ilə təkcə ərəb dünyasında deyil, bütün İslam dünyasında tanınmışdır. Əbdülfəttah Əbu Quddə İslam elminə ciddi yanaşan, alimlərin həyatını və tərbiyəsini önə çıxaran bir mütəfəkkir idi. Onun tərbiyəvi, mənəvi və elmi irsi bu gün də tələbələr və tədqiqatçılar üçün qiymətli mənbədir. Dərs verdiyi ölkələr arasında Suriya, Misir, Səudiyyə Ərəbistanı və Türkiyə vardır.
O, 1997-ci ildə Səudiyyə Ərəbistanında vəfat etmişdir.
Əbu Quddə həm də Suriya İxvanul-Müslimin hərəkatının aparıcı simalarından biri olub.
Əbu Quddə həm orijinal əsərlər yazmış, həm də onlarla klassik İslam kitablarını şərh və təhqiq edərək yenidən nəşr etdirmişdir. Təhqiq etdiyi "İslam alimlərinin gözü ilə hədis elmində İmam Əbu Hənifə" adlı əsər Azərbaycan dilinə tərcümə edilmişdir.[4] Məşhur əsərlərindən bəziləri:
- Səfahat min səbril-uləma. Alimlərin səbir və əzmkarlığını göstərən gözəl bir motivasiya kitabıdır.
- Rəfaul-minərah. Əbu Hənifəni müdafiə edən əsər.
- əl-İsnad minəd-din (Beyrut 1992).
- Kəlimət fi kəşfi əbatil və iftiraət (Riyad 1974, 1991). Ona yönəlmiş ittihamlara qarşı qələmə alınmış kitabdır.[3]
- ↑ 1 2 3 4 ʿAbd al-Fattaḥ ibn Muḥammad Abū Ġudda // AlKindi.
- ↑ 1 2 Bibliothèque nationale de France ʿAbd al-Fattāḥ ibn Muḥammad Abū Ġuddaẗ // BnF identifikatoru (fr.): açıq məlumat platforması. 2011.
- ↑ 1 2 3 "Abdulfettah Ebu Gudde". TDV İslam Ansiklopedisi. 23.05.2025 tarixində arxivləşdirilib.
- ↑ ən-Numani. İslam alimlərinin gözü ilə hədis elmində İmam Əbu Hənifə (az.). Bakı: İpəkyolu Nəşriyyatı. 2015. ISBN 978-9952-8259-5-4.