Bu məqalədə heç bir məlumatın mənbəsi göstərilməmişdir. |
Əbülhəsən xan Musa xan oğlu İqbali Azər (1870, Qəzvin – 5 fevral 1971, Təbriz) — Azərbaycan müğənnisi, Təbriz şəhərinin meri.
| Əbülhəsən xan İqbali Azər | |
|---|---|
| Əbülhəsən xan Musa xan oğlu İqbali Azər | |
 | |
| Ümumi məlumatlar | |
| Doğum tarixi | |
| Doğum yeri | Əlvənd, Qəzvin |
| Vəfat tarixi | |
| Vəfat yeri | Təbriz |
| Musiqiçi məlumatları | |
| Fəaliyyəti | Müğənni |
Əbülhəsən xan Musa xan oğlu 1870-ci ildə Qəzvin vilayətinin Əlvənd kəndində anadan olmuşdu. Mükəmməl mədrəsə təhsili almışdı.
Təbrizdə yaşamış, gənc yaşlarından istedadlı və muğamı dərindən bilən sənətkar kimi tanınmışdır. 1905–1911 illərdə İran inqilabına qoşulmuş, Səttar xan ona "İqbali Azər" adını vermişdir. Əbülhəsən xan gözəl tembrli, məlahətli, güclü səsə malik xanəndə idi. Onun ifasında "Şur", "Çahargah", "Mahur", "Əbu — əta", xüsusilə, "Segah" muğamları yüksək emosional tərzdə səslənmişdir. Özünəməxsus üslubda ifa etdiyi "Segah" muğamı İranda "Əbülhəsənxan segahı" adı ilə məşhurlaşmışdır.
Əbülhəsən xanın səsi 1914-cü ildə Tiflisdə "Qrammofon" şirkəti tərəfindən vala yazılmış, bu şəhərdə konsertləri olmuşdur. Seyid Şuşinski Əbülhəsən xan ilə yaxından dostluq etmiş, onun yaradıcılığından çox bəhrələnmişdir. Əbülhəsən xan vallarından birində "Hümayun" muğamını oxuyaraq, üzərində onu Seyid Şuşinskiyə həsr etdiyini yazdırmışdı.