Bu səhifədə iş davam etməkdədir. |
Əbülfəz Adəm oğlu Qurbanlı (15 sentyabr 1982; Xəlfəli, İmişli rayonu)— azərbaycanlı insan hüquqları fəalı; Azərbaycan Xalq Cəbhəsi Partiyasının sədr müavini (2013–2015); NİDA Vətəndaş Hərəkatı İdarə Heyətinin üzvü (2017-2018); “Article 54” İctimai Birliyinin təsisçisi və rəhbəri (2021-).
| Əbülfəz Qurbanlı | |
|---|---|
 Əbülfəz Qurbanlı 2024-cü ildə | |
| Doğum tarixi | |
| Doğum yeri | İmişli rayonu, Azərbaycan SSR |
| Vətəndaşlığı | Azərbaycan |
| Təhsili | Bakı Dövlət Universiteti |
| Fəaliyyəti | insan hüquqları fəalı |
| Fəaliyyət illəri | 2003— |
Əbülfəz Qurbanlı 1982-ci il sentyabrın 15-də İmişli rayonunun Xəlfəli kəndində anadan olub. 1999-cu ildə Q. Mərdəliyev adına Xəlfəli kənd orta məkbətindən məzun olub. 2000-2004-cü illərdə Bakı Dövlət Universitetinin (BDU) Kitabxanaçılıq-İnformasiya fakültəsində təhsil alıb. 2004-2006-cı illərdə həmin univetsitetdə magistr dərəcəsi alıb.
Ailəlidir, 2 övladı var.
Əbülfəz Qurbanlı 20 yaşından ictimai-siyasi proseslərə qoşulub. 2003-cü ildə Azərbaycan Xalq Cəbhəsi Partiyasının (AXCP) sıralarına üzv olub. 2009-cu ildə AXCP Gənclər Komitəsinin sədri seçilib. Komitənin sədri olduğu müddətdə gənclərin siyasi proseslərə cəlb edilməsi, Gənclər Komitəsinin yenidən formalaşması və sıralarının böyüməsi istiqamətində önəmli pay sahibi olub, bir sıra genişmiqyaslı mitinqlərin və kütləvi etiraz aksiyalarının təşkilatçısı olub.
2013-cü il dekabrın 22-də AXCP Gənclər Komitəsinin I Respublika Konfransında dörd il sədri olduğu və formalaşmasında önəmli pay sahibi olduğu AXCP Gənclər Komitəsinin sədri vəzifəsindən ayrılaraq AXCP sədr müavini vəzifəsinə təyin ediıib.
2010-2013-cü illərdə "Azadlıq" qəzetində müəllif yazıları ilə çıxış edib.
2010-cu il parlament seçimlərində AXCP-Müsavat siyasi partiyalar blokunun, 2013-cü il prezident seçimlərində isə Milli Şuranın vahid namizədi Cəmil Həsənlinin səlahiyyətli nümayəndəsi olub.
Əbülfəz Qurbanlı ictimai-siyasi fəaliyyəti ərzində dəfələrlə polislər tərəfindən saxlanılmış, inzibati qaydada azadlıqdan məhrumetmə cəzaları almışdı.
- 2009-cu il mayın 8-də gənclərin «Gül bayramı»na etirazı ərəfəsində, metronun «28 May» stansiyasının yaxınlığında saxlanılaraq naməlum istiqamətə aparılıb.[1] Mayın 9-da İnzibati Xətalar Məcəlləsinin 310-cu (polis işçisinin qanuni tələbinə qəsdən tabe olmama) maddəsinə əsasən Nəsimi Rayon Məhkəməsinin qərarı ilə barəsində 10 gün müddətətə inzibati həbs cəzası seçilib.[2]
- 2010-cu il mayın 15-də Azadlıq blokunun «Nərimanov» kinoteatrının qarşısında seçkiqabağı demokratik şəraitin yaradılması tələbilə baş tutan aksiyası zamanı saxlanılıb[3] və Nərimanov Rayon Məhkəməsinin qərarı ilə barəsində 5 gün müddətətə inzibati həbs cəzası seçilib.[4][5]
- 2010-cu il iyunun 10-da Demokratiya Uğrunda İttifaqın (DUİ) metronun «Elmlər Akademiyası» stansiyasının qarşısında seçkiqabağı demokratik şəraitin yaradılması, seçki qanunvericiliyində islahatların aparılması tələbilə baş tutan aksiyası zamanı saxlanılıb və Nəsimi Rayon Məhkəməsinin qərarı ilə barəsində 10 gün müddətətə inzibati həbs cəzası seçilib.[6][7]
- 2013-cü il yanvarın 26-da Sahil bağında gənclərin “Silahları üstümüzdən çəkin!” aksiyası zamanı saxlanılıb və İnzibati Xətalar Məcəlləsinin 298.2-ci (toplantıların təşkili və keçirilməsi qaydasının pozulması) Nəsimi Rayon Məhkəməsinin qərarı ilə barəsində 13 gün müddətətə inzibati həbs cəzası seçilib.[8][9]
- ↑ Фаик Меджид. "В Баку задерживают активистов молодежи, требующих отмены Праздника цветов". Кавказский Узел (rus). 12 may 2025. İstifadə tarixi: 12 may 2025.
- ↑ Фаик Меджид. "В Азербайджане арестованы активисты, протестующие против праздника цветов". Кавказский Узел (rus). 12 may 2025. İstifadə tarixi: 12 may 2025.
- ↑ Фаик Меджид. "В Баку полиция разогнала пикет оппозиционного блока «Азадлыг»". Кавказский Узел (rus). 12 may 2025. İstifadə tarixi: 12 may 2025.
- ↑ "Участники субботней акции протеста арестованы на 5-7 суток". Azerbaijani Service Radio Free Europe/Radio Liberty (RFE/RL) (rus). 12 may 2025. İstifadə tarixi: 12 may 2025.
- ↑ Фаик Меджид. "В Азербайджане арестованы 10 участников акции протеста оппозиции". Кавказский Узел (rus). 12 may 2025. İstifadə tarixi: 12 may 2025.
- ↑ "В Баку арестованы двое участников акции протеста оппозиции". Кавказский Узел (rus). 12 may 2025. İstifadə tarixi: 12 may 2025.
- ↑ Фаик Меджид. "В Азербайджане два оппозиционера арестованы на 10 суток, два - оштрафованы". Кавказский Узел (rus). 12 may 2025. İstifadə tarixi: 12 may 2025.
- ↑ Фаик Меджид. "В Баку арестованы трое участников акции в поддержку жителей Исмаиллы". Кавказский Узел (rus). 12 may 2025. İstifadə tarixi: 12 may 2025.
- ↑ "В отношении участников незаконной акции в Баку применены административные наказания". Trend İnformasiya Agentliyi (rus). 12 may 2025. İstifadə tarixi: 12 may 2025.