Şivlə

Təqribən XIV əsrin birinci yarısında yaranmışdır. Qədim ərəb mənbələrində Şiblə kimi qeyd olunur. Mənası övliya, müqəddəs deməkdir. 1935-ci ildə kənddə ilk talışdilli məktəb yaradılıb.

Şivlə kəndi Lerikin qədim yaşayış məskənlərindən biridir. Deyilənlərə görə, uzaq keçmişdə hazırkı Şivlə Yuxarı Şivlə və Aşağı Şivlə adlarında iki kənddən ibarət olmuşdur. Məlum olmayan səbəblərə görə Yuxarı Şivlə sonralar Biləvər adı ilə əvəzlənmişdir. İndiki Şivlə və Biləvər kəndlərini kiçik bir təpə ayırır.

Şivlə kəndi Lerik rayonunun kəndləri arasında dini-maarifçiliyin ən çox inkişaf etmiş kəndlərindən biridir. Kənddə ilk dini məktəbin əsasını təqribən XIX əsrin sonu XX əsrin əvvəllərində qoyulmuşdur.

1935-ci ildə kənddə ilk talışdilli məktəb yaradılıb. İkinci Dünya Müharibəsinədək fəaliyyət göstərən bu məktəb müharibə dövründə bağlanmış, müharibə bitdikdən sonra həmin məktəbin əsasında qonşu Biləvər kəndində azərbaycandilli məktəb açılmış və kəndin sakinləri həmin məktəbdə təhsil almışlar. Hazırda Şivlə kəndində dördillik ibtidai məktəb fəaliyyət göstərir.

Kəndin 40-dan çox sakini II Dünya Müharibəsinin iştirakçısı olmuş, onlardan 22 nəfər müharibədən qayıtmamışdır. Şivlə kəndi də Qarabağ müharibəsində 8 şəhid vermişdir. Lerik rayonunun beş milli qəhrəmanından biri də məhz Şivlə kəndindən olan Fərhad İslam oğlu Ağayevdir.

Qəqə Musa ocağı (XIV əsr), Havzava ocağı, Sütə tıbə, Kələndül qəbirəstanlıqları, Diqo, Qəznəlü qədim kənd yerləri, Küp qəbirlər, Qosmoni, Kəqoni, Sardoni, Honiədül qədim bulaq yerləri.^{[mənbə göstərilməlidir]}