Şirvan şikəstəsi — şikəstə növlərindən biri. Bu şikəstə Şirvan zonasında geniş yayılıbdır.[1]
Bu şikəstənin instrumental və vokal-instrumental variantları olur.[1]
Şirvan şikəstəsi aşıqlar tərəfindən bayatı və qoşma əsasında ifa olunur. Bu şikəstənin məqam əsası segah, musiqi ölçüsü 2/4 (4/4), tempi mülayim olur. Şirvan şikəstəsi sazda baş divani pərdəsindən dilqəmi kökündə ifa olunur.[1]
Şirvan şikəstəsinin instrumental variantı əsasən balabançılar dəstəsi tərəfindən ifa olunur.[1]
Şirvan Şikəstəsinin məşhur ifaçıları kimi Aşıq Şakiri və Alim Qasımovu saymaq olar.[2]
- ↑ 1 2 3 4 Azərbaycan Sovet Ensiklopediyasının Baş Redaksiyası. Azərbaycan Sovet Ensiklopediyası - X Cild (F,X,H,C,Ç,Ş). 1987-01-01. 541.
- ↑ modern.az. ""Şirvan şikəstəsi", Nəsimi, Aşıq Şakir və Alim Qasımovun harayı". modern.az (az.). 2024-02-04 tarixində arxivləşdirilib. İstifadə tarixi: 2025-02-04.