Şirməmməd Əli (1 iyul 1997; Hotan, Çin) hazırda Çin Super Liqasında "Henan Cianye" komandasında oynayan Uyğur-Çinli yarımmüdafiəçi futbolçu.
| Şirməmməd Əli | |
|---|---|
| Ümumi məlumatlar | |
| Doğum tarixi | 1 iyul 1997[1] (27 yaş) |
| Doğum yeri | |
| Vətəndaşlığı | |
| Mövqeyi | yarımmüdafiəçi |
Şirməmməd 1 iyul 1997-ci ildə Çinin Hotan şəhərində anadan olmuşdur. Əslən uyğurdur. Şirməmməd karyerasına 1 yanvar 2015-ci ildə "Henan Reserves" komandasına transfer olunmaqla başlamışdır. 1 iyul 2016-cı ildə komandadan ayrılan Şirməmməd tam 1 il ərzində sərbəst futbolçu olaraq fəaliyyət göstərmiş, heç bir komandada oynamamışdır. Peşəkar karyerasına isə 1 iyul 2017-ci ildə Portuqaliyanın "Qondomar" klubunun ilk komandasına yüksəldikdən sonra başladı. 27 fevral 2018-ci ildə Çin Super Liqasının təmsilçisi "Henan Cianye" komandasına qayıtdı. 2 mart 2018-ci ildə Şirməmməd klubdakı debütünü 89-cu dəqiqədə Qu Caonun əvəzedicisi olaraq "Tyancin Quancian"-a qarşı 4:0 hesabı ilə qalibiyyətində etdi. Həmin mövsümdə 1 sarı kart almışdır. Ona yeganə sarı kart 19 may 2018-ci ildə keçirilən "Henan Cianye" və "Quanju RF" oyununda verilmişdir. Həmin oyunda komanda mövsümdə yeganə bərabərliyi əldə etmişdir. Əli futbol oyunlarında yarımmüdafiəçi olaraq çıxış edir. 20 nömrəli forma ilə oyunlarda iştirak edir. 2019-cu ildəki müqaviləsinə əsasən, onun maaşı 25 min avrodur.[2] Şirməmməd Əlinin hazırkı müqavilə müddəti 31 dekabr 2022-ci ilə qədərdir.
Şirməmməd Super Liqada 4 oyunda, Çin FA Kubokunda 1 oyunda oynamışdır.
- 31 December 2020 tarixində yenilənib.[3]
| Klub | Mövsüm | Liqa | Ölkə Kuboku | Qitə | Digər | Ümumi | ||||||
|---|---|---|---|---|---|---|---|---|---|---|---|---|
| Bölmə | İştirak | Qol sayı | İştirak | Qol sayı | İştirak | Qol sayı | İştirak | Qol sayı | İştirak | Qol sayı | ||
| Qondomar | 2017-2018 | Portuqaliya Çempionatı | 0 | 0 | 0 | 0 | - | - | 0 | 0 | ||
| Henan Cianye | 2018 | Çin Super Liqası | 4 | 0 | 1 | 0 | - | - | 5 | 0 | ||
| Karyera cəmi | 4 | 0 | 1 | 0 | 0 | 0 | 0 | 0 | 5 | 0 | ||
- ↑ Shirmemet Ali // FBref (çd.).
- ↑ "Şirməmməd Əli - futbolçu "vəsiqəsi"". www.transfermarkt.com.tr (türk). 2021-07-12 tarixində arxivləşdirilib. İstifadə tarixi: 08.07.2021.
- ↑ "希尔麦麦提". sodasoccer.com. 2018-11-16 tarixində orijinalından arxivləşdirilib. İstifadə tarixi: 2018-03-06.