Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinUrsula Sauteyl[2][3][4][5] (ing. Ursula Southeil), bəzən Ursula Sonthil,[5] daha çox tanınan adı ilə Şipton Ana (ing. Mother Shimton; (1488[1] – 1561[1]) — ingilis falçı qadını və gələcəkdən xəbər verən şəxs olmuşdur. O, guya çoxsaylı qeyri-adi dərəcədə dəqiq proqnozlar vermişdir. Bunlara 1665–1666-cı illərdə Londonda baş verən böyük taun, ispan armadasının hücumu və 1666-cı il Böyük London yanğını da daxil edilir.
| Şipton Ana | |
|---|---|
 | |
| Doğum tarixi | 1488[1] |
| Vəfat tarixi | 1561[1] (72–73 yaşında) |
| Fəaliyyəti | witch |
 Vikianbarda əlaqəli mediafayllar | |
Hazırda hesab olunur ki, Şipton Ana obrazı böyük ölçüdə mifləşdirilmişdir və onun əksər “proqnozları” ölümündən sonra başqaları tərəfindən tərtib edilmişdir. Baxmayaraq ki, onun qeydlərinin bir sıra gündəliklərdə yazıldığı güman edilir, əsərləri onun ölümündən səksən il sonra — yalnız 1641-ci ildə nəşr olunmuşdur. Onun proqnozlarının ən mühüm kitabı isə Riçard Hed tərəfindən tərtib edilmiş və 1684-cü ildə çap olunmuşdur.
Hed sonradan Şipton haqqında mövcud olan demək olar ki, bütün bioqrafik məlumatları tədqiq etdiyini hesab edirdi. Onun iddiasına görə, o, Yorkşirdə, Nersboro qəsəbəsində, hazırda “Şipton Ana mağarası” kimi tanınan yerdə anadan olmuşdur. Ursula olduqca çirkin qadın sayılırdı — hətta “şeytanın qızı” adlandırılırdı. Hedin məlumatına görə, o, 1512-ci ildə York yaxınlığında yerli dülgər Tobi Şiptonla evlənmiş, həyatının sonunadək fala baxmış və proqnozlar vermişdir.
Ana Şiptonun ən məşhur proqnoz nümunələri müasir sivilizasiyanın bir çox cəhətlərini qabaqcadan görür və dünyanın 1881-ci ildə sonunun gələcəyini xəbər verir; lakin indi məlumdur ki, bu, XIX əsrdə uydurulmuş saxtakarlıqdır və 1862-ci ilə qədər çap olunmamışdır:
Atı olmayan arabalar hərəkət edəcək,
Qəzalar isə dünyanı kədərə qərq edəcək.
Fikirlər dünyanı dolaşacaq,
Bir an içində.
Dünya alt-üst olacaq,
Ağac kökündə qızıl tapılacaq.
Adam təpələrdən keçəcək,
Amma onun atı olmayacaq.
Su altında insanlar gəzəcək,
Gedəcək, yatacaq, hətta danışacaq.
İnsanı göydə görəcəklər,
Ağ, qara, hətta yaşıl rəngdə.
Dəmir suda üzəcək,
Taxta gəmilər kimi asanlıqla.
Qızıl tapılacaq və göstəriləcək,
Hələ tanınmayan bir ölkədə.
Od və su möcüzələr yaradacaq,
İngiltərə nəhayət düşməni yaxın buraxacaq.
Dünya sona yaxınlaşacaq,
Min səkkiz yüz səksən birinci ildə.
- ↑ 1 2 3 4 Ursula Southeil // https://womensprinthistoryproject.com/person/4156.
- ↑ Smith, William. Old Yorkshire (ingilis). Longmans, Green & Co. 1883. səh. 191.
- ↑ "Ursula Sontheil (1488-1561)". History and Women. 8 may 2010. 26 dekabr 2018 tarixində arxivləşdirilib. İstifadə tarixi: 6 sentyabr 2012.
- ↑ "The Life and Prophecies of URSULA SONTHEIL Better Known as MOTHER SHIPTON . Knaresborough, Yorkshire: Amazon.co.uk: J.C. Simpson: Books". Amazon.co.uk. 2 yanvar 2011. 26 dekabr 2018 tarixində arxivləşdirilib. İstifadə tarixi: 6 sentyabr 2012.
- ↑ 1 2 Greenwood, Susan Witchcraft & Practical Magic. p.114. ISBN 0-681-10391-4. London: Published by Hermes House for Anness Publishing, 2006.
- Mother Shipton’s Cave (ing.)
- Mother Shipton at the Museum of Hoaxes site (ing.)
- An 1881 Essay about Mother Shipton by William H Harrison (ing.)
- Mother Shipton’s Prophecies (ing.)
- Mother Shipton, Her Life and Prophecies Mysterious Britain & Ireland (ing.)