Şeyx Zahid türbəsi — Lənkəranın Şıxəkəran kəndinin qədim qəbiristanlığında yerləşən, Şeyx Zahid Gilaniyə aid edilən türbə. Şeyx Zahid öləndən sonra onun vəsiyyətinə əsasən, o, Lənkəranın Siyavurd kəndində (indiki Siyavar kəndi) dəfn edilmişdir. Onun dəfn olunduğu yerdə Şeyx Heydər Səfəvi tərəfindən türbə ucaldılmışıdır.[1] Sonralar bu abidə dəniz səviyyəsinin qalxması nəticəsində dəfələrlə suyun altında qaldığı üçün I Şah Abbas tərəfindən Hiləkəran kəndinə (indiki Şıxəkəran) köçürülmüşdür.
| Şeyx Zahid türbəsi | |
|---|---|
 | |
 | |
| 38°40′56″ şm. e. 48°49′43″ ş. u.HGYO | |
| Ölkə |
 Azərbaycan |
| Şəhər | Lənkəran |
| Yerləşir | Şıxakəran |
| Aidiyyatı | Sufizm |
| Tikilmə tarixi | XVII əsr |
| İstinad nöm. | 4838 |
| Kateqoriya | Memarlıq abidələri |
| Əhəmiyyəti | Yerli əhəmiyyətli |
1950-ci illərin əvvəllərində bu abidə şıxakəranlı usta Dadaş Nəzər oğlu (1896–1969) tərəfindən türbə kimi yenidən təmir olunub.[2] 2006-cı ildə Lənkəran Şəhər İcra Hakimiyyətinin başçısı Süleyman Mikayılovun tapşırığı ilə ziyarətgahda geniş təmir işləri aparılmış, həmçinin abidənin ətrafı da abadlaşdırılmış və bura yol çəkilmişdir. Əhali və turistlər ətraf ölkə və rayonlardan da bura ziyarətə gəlir.[3] Türbədə Şeyx Zahidin adına başdaşı yoxdur.
- ↑ Ghereghlou, Kioumars. "Chronicling a Dynasty on the Make: New Light on the Early Ṣafavids in Ḥayātī Tabrīzī's Tārīkh (961/1554)". Journal of the American Oriental Society,: 824. 2022-11-19 tarixində orijinalından arxivləşdirilib. (#invalid_param_val)
- ↑ "Şeyx Zahid türbəsi". Azərbaycan (az.). 01 Noyabr 2022. 2024-06-15 tarixində arxivləşdirilib. İstifadə tarixi: 2024-06-15.
- ↑ "Şah İsmayıl Xətainin ziyarət etdiyi Şeyx Zahid türbəsi". Azərtac. 05.01.2023. 2023-03-22 tarixində arxivləşdirilib. İstifadə tarixi: 2024-06-15.