Şerif Kellinin Vəhşi Qərbi (ing. Seriff Callie's Wild West) — "Disney Junior" telekanalında nümayiş etdirilən ABŞ istehsalı uşaq cizgi serialı. Yaradıcı heyətinə Corc Evelin, Holli Hakins və Denis Morella daxildir. Əsər özündə vestern janrının xarakterik xüsusiyyətlərini ehtiva edir. Süjet xəttində Vəhşi Qərbin kiçik bir şəhərciyində baş verən hadisələr, şerif Kellinin və onun dostlarının gündəlik həyatı, qarşılaşdıqları çətinlikləri birgə səylərlə həll etmələri əks olunur.[1]
| Şerif Kellinin Vəhşi Qərbi | |
|---|---|
| ing. Sheriff Callie's Wild West | |
 | |
| İlk baxış tarixləri | 13 dekabr 2013, 27 fevral 2021 |
| İstehsalçı ölkə | |
| Studiya | Nelvana[d] |
| Dil | ingilis dili |
| Davametmə müddəti | 22 dəq. |
| IMDb | ID2769458 |
| disneyjunior.com/sheriff… | |
Cizgi serialının birinci mövsümünün istehsalçısı "DHX Media Los Angeles" şirkəti, ikinci mövsümün istehsalçısı isə "Wild Canary Animation" şirkəti olmuşdur. Serialın rəsmi premyerası 2014-cü il fevralın 2-də baş tutmuş və iki mövsüm davam etdikdən sonra 2017-ci il fevralın 13-də yekunlaşmışdır.
"Şerif Kellinin Vəhşi Qərbi" serialı tənqidçilər tərəfindən əksərən müsbət dəyərləndirmələr əldə etmişdir. Hazırda serial "Disney+" rəqəmsal yayım platforması vasitəsilə izləyicilərə təqdim edilməkdədir.[2][3]
Vəhşi Qərbin "Qəşəng və mehriban guşələr" adlı məskənində yaşayan heyvanların hamısı ağıllı və şirindir. Bütün əhali bir-biriylə mehriban və dost kimi dolanır. Ancaq hər ailədə olduğu kimi, burda da hərdən xırda söz-söhbət, inciklik düşür. Amma qorxulu heç nə yoxdur, çünki şəhərin keşiyində dayanan möhtəşəm bir komanda var. Bu komandanın başında şəhərin sevimli ala-kaliko pişiyi Şerif Kelli durur. O və üç həmkarı hər gün şəhəri gəzir, camaatın dərdinə-sərinə qulaq asır. Kimsə küsübsə, barışdırırlar. Kimsə çətinliyə düşübsə, əl tuturlar. Ən əsası da odur ki, şəhər əhlinə öyrədirlər ki, problemləri necə həll etmək olar, bir-birini necə başa düşmək lazımdır.
Bu altbaşlığı genişləndirmək lazımdır. |
- ↑ Logan, Michael. "Disney Junior Saddles Up With Sheriff Callie's Wild West". TV Guide. January 20, 2014. February 28, 2014 tarixində arxivləşdirilib. İstifadə tarixi: 2014-02-24.
- ↑ Foutch, Haleigh. "Disney Plus: Every Movie & TV Show Confirmed for the Streaming Service". Collider (ingilis). August 20, 2020. İstifadə tarixi: 2023-08-23.
- ↑ Williams, Janice. "All the Movies and Shows Coming to Disney Plus in December". Newsweek (ingilis). November 26, 2019. İstifadə tarixi: 2023-08-23.