Vikipediya ?

Şamil Şahməmmədov — Vikipediya

Şamil Şahməmmədov (tam adı: Şamil Məmməd oğlu Şahməmmədov; d. 1934, Gəncə, Azərbaycan SSR) — Azərbaycan peşəkar jurnalistikasının tanınmış nümayəndəsi, "Şöhrət" ordenli, Prezident təqaüdçüsü Azərbaycan Respublikası Əməkdar mədəniyyət işçisi. "AzərTAc"ın baş direktoru (1995-2002)

Şamil Şahməmmədov
Şamil Məmməd oğlu Şahməmmədov
Şamil Şahməmmədov.gif
Doğum tarixi 1935(1935-Şablondakı doğum və ya ölüm tarixində texniki yanlışlıq var!-00)
Doğum yeri Gəncə
Vətəndaşlığı Azərbaycan AzərbaycanAzərbaycan Azərbaycan
Fəaliyyəti jurnalist
Mükafatları Əməkdar Mədəniyyət İşçisi
"Şöhrət" ordeni

Həyat və fəaliyyəti

Şamil Məmməd oğlu Şahməmmədov 1934-cü ildə anadan olmuşdur. Fəal jurnalist yaradıcılığı ilə XX əsrin 50-ci illərindən Bakı Dövlət Universitetinin jurnalistika şöbəsinin tələbəsi ikən məşğul olmağa başlamışdır. O, əvvəl radio ilə əməkdaşlıq etmiş, 1957-ci ildən isə dördüncü kurs tələbəsi olmasına baxmayaraq, yeni yaradılan paytaxt qəzeti "Bakı"ya işə götürülmüşdür. Burada Şamil Şahməmmədov 30 ildən artıq müddətdə milli jurnalistikamızın görkəmli simalarından olan Nəsir İmanquliyevin rəhbərliyi altında zəngin təcrübə məktəbi keçmişdir. O, əvvəl müxbir, şöbə müdiri, sonra məsul katib işləmiş və nəhayət, baş redaktor vəzifəsinədək yüksəlmişdir. "Kommunist" ("Xalq qəzeti") qəzetində baş redaktor müavini və AzərTAc-da baş direktor olması vəzifəsinədək yüksəlmişdi. Bakıda 1960-1970-ci illərin ən möhtəşəm tikintilərindən olan metro, funikulyor, Yaşıl Teatr, Mərkəzi Univermağın inşası barədə ilk reportajları məhz Şamil Şahməmmədov yazmışdır. Onun Bakı şin zavodunun tikintisindən və Suraxanı neftçilərinin fəaliyyətindən bəhs edən oçerkləri Yazıçılar İttifaqının “Azərbaycan” ədəbi-bədii jurnalında dərc olunmuşdur. Onun iyirmi il ərzində “idman jurnalisti” kimi “Kommunist”, “Ədəbiyyat və incəsənət”, Moskvanın, Kiyevin axşam qəzetlərində, habelə “Ulduz” jurnalında onlarla futbol icmalları dərc olunmuşdur. “İşıq” nəşriyyatı onun “Neftçi” futbol komandasından bəhs edən “Neftçi” kitabını çapdan buraxmışdır.

Mükafatları

Milli mətbuatımızın inkişafında böyük xidmətləri olan Ş.Şahməmmədovun əməyi dəfələrlə yüksək təltiflərlə qiymətləndirilmişdir."Bakı" qəzetində çalışarkən ona respublikanın əməkdar mədəniyyət işçisi adı verilmiş və yüksək jurnalistika mükafatı olan "Qızıl qələm" laureatı olmuşdur. 2002-ci ildə "Şöhrət" ordeni ilə təltif olunan Şamil Şahməmmədov bu yüksək dövlət mükafatını Azərbaycanda alan ilk jurnalist olmuşdur Prezident təqaüdçüsüdür.

Həmçinin bax

İstinadlar

  1. . 15 Nov 2019 tarixində arxivləşdirilib. İstifadə tarixi: 2019-11-15.
  2. . 21 Nov 2019 tarixində arxivləşdirilib. İstifadə tarixi: 2019-11-17. ()
  3. . 21 Nov 2019 tarixində arxivləşdirilib. İstifadə tarixi: 2019-11-17.
  4. . 21 Nov 2019 tarixində arxivləşdirilib. İstifadə tarixi: 2019-11-17.

Xarici keçidlər

Mənbə — ""

Informasiya Melumat Axtar

Anarim.Az

Sayt Rehberliyi ile Elaqe

Saytdan Istifade Qaydalari

Anarim.Az 2004-2019