Şakir Həsənov (15 iyun 1947, Boradigah, Masallı rayonu və ya Masallı, Masallı rayonu – 26 mart 2022, Sumqayıt) — Azərbaycan mühəndisi. Beynəlxalq "Sokrat" mükafatı laureatı.
| Şakir Həsənov | |
|---|---|
| Şakir Rəfi oğlu Həsənov | |
 | |
| Doğum tarixi | |
| Doğum yeri | Boradigah, Masallı rayonu, Azərbaycan SSR |
| Vəfat tarixi | |
| Vəfat yeri | Azərbaycan |
| Vətəndaşlığı |
 Azərbaycan |
| Milliyyəti | Azərbaycanlı |
| İxtisası | Mühəndis |
| Təhsili | Azərbaycan Memarlıq və İnşaat Universiteti |
| Fəaliyyəti | Tikinti mühəndisliyi |
| Fəaliyyət illəri | 1969–2022 |
| Mükafatları |
  |
Şakir Həsənov 15 iyun 1947-ci ildə Masallı rayonunun Boradigah kəndində ziyalı ailəsində anadan olmuşdur. 1954-cü ildə Boradigah kənd orta məktəbinin 1-ci sinfinə daxil olmuş və 1965-ci ildə həmin məktəbi bitirmişdir.
Həmin il Azərbaycan Politexnik İnstitutuna (indiki Azərbaycan Memarlıq və İnşaat Universiteti) daxil olmuş, 1976-cı ildə İnşaat mühəndisləri fakültəsini bitirərək tikinti-mühəndis ixtisasına yiyələnmişdir.[1]
1969-cu ildə Azərbaycan Tikinti Sənaye Nazirliyinin 74 saylı Tikinti İdarəsində fəaliyyətə başlamışdır. 1971-ci ildən 12 saylı Tikinti İdarəsinə fəhlə kimi işə qəbul edilmiş, qısa müddətdə usta vəzifəsinə yüksəlmişdir. 1972-ci ildə 18 saylı Tikinti İdarəsinə iş icraçısı təyin olunmuş və Bakı şəhərində Kür su kanalının tikintisində mühəndis kimi çalışmışdır.[2]
1981–1984-cü illərdə 1 №-li trestin MQ İdarəsində baş mühəndis vəzifəsində işləmişdir. 1983-cü ildə Nijni Novqorod şəhərində "Yüksək vəzifəli kadrların hazırlanması" kursunu bitirmişdir.
1984-cü ildə Azərbaycan SSR Kənd Təsərrüfatı Nazirliyinin Təmir Tikinti İdarəsinə sahə rəisi göndərilmiş, Abşeron və Masallı rayonlarının sovxoz və kolxozlarının tikintisində iştirak etmişdir. 1988-ci ildən Azərbaycan SSR "Xüsusi tikintiquraşdırma" Nazirliyinin Sumqayıt "Termoizolyasiya" Qİ-nə rəis təyin olunmuşdur. 2004-cü ildən müəssisə "AzTermoizol" ASC kimi fəaliyyət göstərmişdir. 1990–1995-ci illərdə Sumqayıt şəhər Sovetinin deputatı olmuşdur. Sumqayıtda yaşamış və 26 mart 2022-ci ildə vəfat etmişdir. Sumqayıt şəhərində kücəyə adı verilmişdir.[3]
- 1979–1980 — SSRİ Tikinti Nazirlər Kabineti tərəfindən "Ən yaxşı sahə rəisi" fəxri adı
- 1983 — SSRİ Tikinti Nazirlər Kabineti tərəfindən "Əməkdar mühəndis" fəxri adı
- 2004 — Avropa Nəşr və Mətbuat tərəfindən "İlin ən yaxşı müəssisə rəhbəri" diplomu
- 2009 — Azərbaycan Respublikası "Tərəqqi" medalı
- 2010 — Azərbaycan Respublikası Prezidentinin Sərəncamı ilə "Tərəqqi" medalı
- 2019 — Azərbaycan Respublikası Prezidentinin Sərəncamı ilə 3-cü dərəcəli "Əmək" ordeni.[4]
- 2011 — Madrid, İspaniya: "Rəhbərlərin imicində və keyfiyyətində 38-ci Beynəlxalq mükafat" qızıl medalı, lisenziya və sertifikat
- 2012 — Paris, Fransa: "Mükəmməllik, İdeal, Keyfiyyət performansı Global Mükafatı" sertifikat və medal
- 2013 — London, Böyük Britaniya: "Ən yaxşı müəssisələr" Beynəlxalq Sokrat mükafatı və "İlin meneceri" qızıl medalı
- ↑ "Azərbaycanda sabiq deputat vəfat etdi". Sonxeber.az (az.).
- ↑ "Avropada tanınan sumqayıtlı mühəndis Şakir Həsənov kimdir?".
- ↑ "Sumqayıtda inşaatçı Şakir Həsənovun xatirə lövhəsinin açılışı olub". SumqayitXeber.Com (az.). 16 iyun 2022.
- ↑ "Dünyanın müxtəlif ölkələrində mükafatlara layiq görülən mühəndis Şakir Həsənov". Cenublu.az (az.). 7 iyul 2022.