Şaiq Qədimov — tibb elmləri namizədi, Azərbaycan portretçisi və ornamentalist rəssamı Mirzə Qədim İrəvaninin nəslindən gəlirdi.

Şaiq Qədimov 1926-cı ildə İrəvanda müəllimlər ailəsində anadan olmuş, orta təhsilini orada almışdır. Sonra o, Bakıya köçmüş və Azərbaycan Dövlət Tibb İnstitutuna daxil olmuşdur. Bakıda o, ailə qurmuş, daha sonra həyat yoldaşı ilə birlikdə yenidən İrəvana köçmüşdür. 1965-ci ildə o, ailəsi ilə birlikdə Bakıya qayıtmış və ömrünün sonunadək orada yaşamışdır.

1974-cü ildə Şaiq Qədimov dissertasiya müdafiə edərək tibb elmləri namizədi adını almışdır. O, "Qan qohumluğu" (1989), "Mustafa Topçubaşov" (1989), "Ailənin intim dünyası" (1990), "İnsanlar üçün bəla" (1990), "Xalq təbabətinin ensiklopediyası" (1997) kimi əsərlərin müəllifi olmaqla yanaşı, bədii və publisistik yaradıcılıqla da məşğul olmuş və müntəzəm olaraq dövrü mətbuatda çıxışlar edib.

2000-ci ildə Azərbaycanda səhiyyənin inkişafındakı xidmətlərinə görə Tərəqqi medalı ilə təltif edilmişdir.