Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞahin Həsən oğlu Zəkizadə (5 mart 1978, Bakı – 16 fevral 2017, Bakı) — Azərbaycanlı ssenarist və rejissor.[1]
| Şahin Zəkizadə | |
|---|---|
| Şahin Həsən oğlu Zəkizadə | |
| Doğum tarixi | |
| Doğum yeri | Bakı, SSRİ |
| Vəfat tarixi | |
| Vəfat yeri |
Bakı,  Azərbaycan |
| Vəfat səbəbi | xərçəng xəstəliyi |
| Həyat yoldaşı | Səbinə Allahverdiyeva |
| Uşaqları |
Fatimə Seyyid Əli |
| Fəaliyyəti | rejissor |
Şahin Zəkizadə 5 mart 1978-ci ildə Bakı şəhərində ziyalı ailəsində dünyaya gəlib. Atası Həsən Zəkizadə görkəmli aktyor və rejissor Əlisəttar Məlikovun nəvəsi idi. Həsən Zəkizadə uzun müddət müəllim və məktəb direktoru kimi çalışmışdır. Şahin məktəbi bitirəndən sonra Mədəniyyət və İncəsənət Universitetində təhsil almışdır. Müəllimi Tariyel Vəliyev olmuşdur. Daha sonra təhsilini Moskvada kino üzrə davam etdirmişdir.[2] Rejissor fəaliyyətinə reklam və klip sahəsində başlamışdır. Azərbaycanın ən məşhur ifaçıları üçün kliplər çəkmişdir. Ən məşhurları Röya və Samir Cavadzadənin "Deyin ona", Elariz Məmmədoğlunun "Doroqa", Faiq Ağayevin "Sən elə bilirdin", tamamilə animasiyadan ibarət "Biləydin kaş", Tünzalə Ağayevanın "Gülbahar" mahnısı, Sevda Ələkbərzadənin "Salam Allahım" klipləri idi.[3] Bundan başqa, rejissor Lider TV və Yurd TV televiziyalarında çalışmışdır.[4] Həyatı boyu sosial reklam, siyasi çarx, həmçinin sənədli filmlər çəkən Şahin 2003-cü ildə "Dünənə ehtiramla, sabaha ümidlə" və Əminə Dilbazidən bəhs edən "Tənha bülbülün rəqsi" sənədli filmləri ilə film sektoruna girmişdir. 2015-ci ildə rejissoru və ssenari müəllifi olduğu "100 Kağız" filmi ekranlara çıxmışdır.
Şahin Zəkizadədə 2016-cı il sentyabr ayında ağır xəstəlik — qan xərçəngi xəstəliyi aşkarlandı.[5][6] O zamandan rejissor Azərbaycan Tibb Universitetinin Tədris Terapevtik Klinikasında intensiv müalicə almışdır, amma bir neçə aylıq müalicəyə baxmayaraq, xəstəlik şiddətlənmişdir. İstedadlı rejissor 12 fevral 2017-ci ildə komaya düşmüş, 16 fevralda vəfat etmişdir.[7] Rejissor Maştağada yerləşən "Seyidlər" qəbiristanlığında dəfn olunmuşdur.
Şahin Zəkizadə iki dəfə ailə həyatı qurmuşdur. İlk evliliyindən 2009-cu il təvəllüdlü Fatimə adlı qızı vardır. İkinci dəfə 2014-cü ildə Səbinə Allahverdiyeva ilə evlənən Şahinin 2015-ci il Seyyid Əli adında oğlu vardır.[8][9][10]
- Dünənə ehtiramla, sabaha ümidlə (film, 2003)
- Tənha bülbülün rəqsi (film, 2003)
- 100 kağız (film, 2015)
Bu məqalədəki istinadlar müvafiq istinad şablonları ilə göstərilməlidir. |
- ↑ "Azərbaycanlı rejissor vəfat edib. Tanınmış rejissor uzun sürən xəstəlikdən sonra həyata gözlərini yumub" ( (az.)). 16 fevral 2017. 10 iyun 2018 tarixində arxivləşdirilib. İstifadə tarixi: 10 iyun 2018.
- ↑ "ŞAHİN ZƏKİZADƏ müsahibə". 20 fevral 2018 tarixində arxivləşdirilib. İstifadə tarixi: 16 fevral 2017.
- ↑ "Şahin Zəkizadə ailə, sevgi və xərçənglə mübarizə haqqında: "Tanrı mənə düşünmək üçün vaxt verib... bu, son deyil..."". 23 avqust 2017 tarixində arxivləşdirilib. İstifadə tarixi: 16 fevral 2017.
- ↑ "Rejissor Şahin Zəkizadə ilə söhbət". 17 sentyabr 2018 tarixində arxivləşdirilib. İstifadə tarixi: 16 fevral 2017.
- ↑ "Tanınmış rejissor ağır xəstəliyə tutulub". 9 sentyabr 2017 tarixində arxivləşdirilib. İstifadə tarixi: 16 fevral 2017.
- ↑ "Xərçəng xəstəliyindən əziyyət çəkən Şahin Zəkizadə: "Mən həmişə unudulmaqdan və laqeydlikdən qorxmuşam"". 13 fevral 2017 tarixində arxivləşdirilib. İstifadə tarixi: 16 fevral 2017.
- ↑ "Şahin Zəkizadə vəfat etdi". 15 iyun 2021 tarixində arxivləşdirilib. İstifadə tarixi: 16 fevral 2017.
- ↑ ""Şahin iki dəfə evli olub, bir qızı da var" - müsahibə". 19 iyun 2017 tarixində arxivləşdirilib. İstifadə tarixi: 16 fevral 2017.
- ↑ "Aylar sonra efirə çıxan Şahin Zəkizadənin ailəsi ağladı - video". 23 yanvar 2017 tarixində arxivləşdirilib. İstifadə tarixi: 16 fevral 2017.
- ↑ ""Hər kəsdən uzaq yaşamaq istəyirəm" - Şahinin xanımı Azərbaycandan birdəfəlik getdi". 21 iyul 2021 tarixində arxivləşdirilib. İstifadə tarixi: 21 iyul 2021.