Şahin Hüseynov (1954 – 10 mart 2012) — azərbaycanlı alim, tibb elmləri doktoru, professor, fizioloq. O, Azərbaycan Tibb Universitetinin Normal fiziologiya kafedrasında uzun illər müəllim və professor kimi fəaliyyət göstərmişdir.[1]
| Şahin Hüseynov | |
|---|---|
| Doğum tarixi | 1954 |
| Doğum yeri | |
| Vəfat tarixi | 10 mart 2012 (57–58 yaşında) |
| Vətəndaşlığı | Azərbaycan |
| İxtisası | fizioloq |
| Təhsili | |
| Üzvlüyü | |
Şahin Hüseynov 1954-cü ildə Qazax rayonunun Aşağı Əskipara kəndində müəllim ailəsində anadan olmuşdur. 1971-ci ildə Bakı şəhərində 211 saylı orta məktəbi bitirmişdir. 1972-ci ildə N. Nərimanov adına Azərbaycan Tibb Universitetinin Pediatriya fakültəsinə daxil olmuş, 1978-ci ildə institutu fərqlənmə diplomu ilə bitirmişdir.
1979–1983-cü illərdə akademik A. Qarayev adına Fiziologiya İnstitutunun aspiranturasında təhsil almış, 1983-cü ildə Azərbaycan Dövlət Tibb İnstitutunun İxtisaslaşmış Elmi Şurasında namizədlik dissertasiyasını müdafiə etmişdir.
1983–1987-ci illərdə Azərbaycan Elmlər Akademiyasının A. Qarayev adına Fiziologiya İnstitutunda çalışmışdır. 1987-ci ildə müsabiqə yolu ilə Azərbaycan Tibb Universitetinin Normal fiziologiya kafedrasına assistent vəzifəsinə seçilmişdir.
1990-cı ildə Leninqrad Hərbi Tibb Akademiyasında "Normal fiziologiya" və "Patoloji fiziologiya" ixtisasları üzrə doktorluq dissertasiyasını müdafiə edərək 34 yaşında tibb elmləri doktoru elmi dərəcəsi almışdır.
1991-ci ildə Normal fiziologiya kafedrasının professoru vəzifəsinə seçilmiş və həmin vəzifədə çalışmışdır.
1984-cü ildə elmi nailiyyətlərinə görə Azərbaycan Respublikası Lenin Komsomolu mükafatı laureatı adına layiq görülmüşdür. 1996-cı ildə Nyu-York Elmlər Akademiyasının həqiqi üzvü seçilmişdir. 1999-cu ildə "Who is Who in the World" nəşrinə daxil edilmiş ilk azərbaycanlı həkimdir.
Şahin Hüseynovun elmi məqalələri keçmiş SSRİ ölkələrində, Almaniya, Hollandiya, İsveçrə, Yuqoslaviya, ABŞ, Türkiyə və digər ölkələrin elmi jurnallarında dərc olunmuşdur.
Onun rəhbərliyi altında 10 namizədlik dissertasiyası müdafiə edilmişdir. Elmi tədqiqatları əsasən uşaqlarda timus vəzinin fiziologiyası və patologiyasına həsr olunmuşdur.
Professor Şahin Hüseynov 120-dən çox elmi məqalə, dərslik, metodik vəsait, ixtira və səmərələşdirici təklifin müəllifidir. Azərbaycan Tibb Universitetinin Dissertasiya Şurasının üzvü olmuşdur.
Şahin Hüseynovun vəfat etdiyi barədə xəbər yayımlanmışdır.[2]
Ailəli idi, 3 övladı və 2 nəvəsi var.