Şahin Vaqif oğlu Bayramov (4 iyul 1979, Mingəçevir) — iqtisad üzrə fəlsəfə doktoru, Qarabağ Universitetinin rektoru.[1] Mingəçevir Dövlət Universitetinin sabiq rektoru[2][3].
| Şahin Bayramov | |
|---|---|
 | |
Qarabağ Universitetinin rektoru | |
Vəzifədədir | |
| 20 may 2024-cü ildən | |
| 31 iyul 2019 – 20 may 2024 | |
| Şəxsi məlumatlar | |
| Doğum tarixi | 4 iyul 1979 (45 yaş) |
| Doğum yeri | |
| Təhsili | |
| Elmi fəaliyyəti | |
| Elm sahəsi | iqtisadiyyat |
| Elmi dərəcəsi |
|
| Elmi adı | |
|
|
|
| Təltifləri |
  |
Şahin Bayramov 1979-cu il 4 iyul tarixində Mingəçevir şəhərində anadan olub. 2012-ci ildə "Avropa İttifaqının Qonşuluq Siyasəti və Azərbaycanın iqtisadi məkanına inteqrasiyası problemləri" mövzusunda dissertasiyanı müdafiə edərək iqtisad üzrə fəlsəfə doktoru elmi dərəcəsini alıb.[3]
2015-ci ilin sonunda ABŞ-nin Nyu York şəhərində "İcraçılar üçün Qabaqcıl Liderlik Proqramı"nda (Advanced Executive Leadership Program) iştirak edib. Üç gün davam edən intensiv seminarlarda liderlik keyfiyyətləri, vizion, missiya və məqsədlərin müəyyən edilməsi, strateji qərarların qəbulu, heyətin və risklərin idarə olunması, kommunikasiya və danışıqlar aparılması bacarıqları, böhran şəraitində idarəetmə və digər mövzularda praktiki təlimlər keçirilib. Tədbirə Avropa kontinentindən qoşulan yeganə nümayəndə Ş. Bayramov Seminarda aktiv iştirak edib.
2016-cı ilin fevralında ABŞ-nin Mayami şəhərində Şimali Amerika regionu üzrə İkinci Beynəlxalq Universitetlər Şəbəkəsi Konfransında (International Universities Networking Conference – IUNC North America 2016) iştirak edib. Tədbir çərçivəsində ABŞ, Yaponiya, Braziliya, İspaniya, Fransa, İtaliya, Çexiya, Hindistan və digər ölkələri təmsil edən universitetlərin və ali təhsil agentliklərinin nümayəndələri ilə ikitərəfli görüşlər keçirib. Görüşlərdə universitetlərarası əməkdaşlıq imkanları və UNEC-ə xarici tələbə cəlb olunması məsələləri müzakirə olunub.
2016-cı ilin mayında ABŞ-nin Kornell Universitetində keçirilən 2016-cı il III Beynəlmiləlləşmə Simpoziumunda (3rd Internationalization Symposium 2016) iştirak edib.
ABŞ Dövlət Departamentinin Hubert H. Humphrey Təqaüd Proqramının qalibi seçilməklə Amerikada professional inkişaf təlimlərinə qatılmaq imkanı qazanıb. Proqram çərçivəsində 11 avqust 2015-ci il – 10 iyun 2016-cı il tarixlərində ABŞ-də təhsil alaraq, proqramı uğurla başa vurub.[3]
2017-ci ilin aprelinə kimi Azərbaycan Dövlət İqtisad Universitetinin Beynəlxalq əlaqələr və proqramlar üzrə prorektoru vəzifəsində işləyib.
2017-ci il aprelin 17-də Azərbaycan Respublikası Təhsil Nazirliyinin Elm, ali və orta-ixtisas təhsili şöbəsinin müdir müavini vəzifəsinə təyin edilib.[4]
31 iyul 2019-cu ildə Azərbaycan Respublikası Prezidentinin Sərəncamına əsasən Şahin Bayramov Mingəçevir Dövlət Universitetinin rektoru təyin edilib.[5] 20 may 2024-cü ildə Mingəçevir Dövlət Universitetinin rektoru vəzifəsindən azad edlilib.[6]
20 may 2024-cü ildə Qarabağ Universitetinin rektoru təyin olunub.[7]
- ↑ "Ş.V.Bayramovun Qarabağ Universitetinin rektoru təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-05-20 tarixində arxivləşdirilib. İstifadə tarixi: 2024-05-20.
- ↑ "Şahin Bayramov Mingəçevir Dövlət Universitetinin rektoru təyin edildi". 2019-08-01 tarixində arxivləşdirilib. İstifadə tarixi: 2019-08-01.
- ↑ 1 2 3 Prezident İlham Əliyev Mingəçevir Dövlət Universitetinə yeni rektoru təyin edilməsi haqqında sərəncam imzalayıb
- ↑ dos. Şahin Bayramov UNEC NEWS
- ↑ "Azərbaycan Respublikası Prezidentinin Sərəncamı". 2021-07-26 tarixində arxivləşdirilib. İstifadə tarixi: 2019-08-01.
- ↑ "Ş.V.Bayramovun Mingəçevir Dövlət Universitetinin rektoru vəzifəsindən azad edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-05-20 tarixində arxivləşdirilib. İstifadə tarixi: 2024-05-20.
- ↑ "Ş.V.Bayramovun Qarabağ Universitetinin rektoru təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-05-20 tarixində arxivləşdirilib. İstifadə tarixi: 2024-05-20.