Şabalıdı torpaqlar və ya kastanozem — Torpaq Resursları üçün Ümumdünya Referans Bazasının (ing. World Reference Base for Soil Resources – WRB) 32 istinad torpaq qrupundan biri. Şabalıdı torpaqlar humusla zəngindir. Onların üzərindəki xarakterik qəhvəyi rəngli təbəqə torpağın üzərində yetişən yerli otlaq bitkilərinin çürümə məhsulundan qaynaqlanır. Şabalıdı torpaqlar illik yağıntı miqdarı 200-450 mm olan nisbətən quru zonalarda yayılmışdır. Torpağın WRB-dəki istinad adı olan "kastanozem" sözünün iki mənşəyi var: rus dilində "каштановые почвы", "каштанозем" — burada "каштановые" sözü "каштан" (şabalıd) sözündən götürülmüşdür və torpağın rənginə işarə edir və termin həmçinin latınca "castanea" (şabalıd) sözündən gəlir.
- IUSS Working Group WRB: World Reference Base for Soil Resources, fourth edition. International Union of Soil Sciences, Vienna 2022. ISBN 979-8-9862451-1-9 ([1]).
- Encyclopædia Britannica, 2012. Kastanozems.
- W. Zech, P. Schad, G. Hintermaier-Erhard: Soils of the World. Springer, Berlin 2022, Chapter 5.3.3. ISBN 978-3-540-30460-9
- Quliyev İ.Ə. Ümumi torpaqşünaslıq və torpaq coğrafiyası Bakı 2014
- profil şəkilləri (təsnifatla) WRB ana səhifəsi
- profil şəkilləri (təsnifatla) IUSS World of Soils