Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞəvnışt (tal. Шәвнышт/Šavnyšt; Gecə yığıncaqları) — 2006-cı ilin martından 2008-ci ilin martına qədər Bakıda nəşr olunan talışdilli qəzeti.
| Şəvnışt | |
|---|---|
| Baş redaktor | |
| Yaranma tarixi | mart 2006 |
| Dil | talış dili |
| Nəşrini dayandırıb | mart 2008 |
| Tiraj | 1.000 |
2005-ci ildə 10 illik mühacirətdən sonra Fəxrəddin Abbasov Azərbaycana qayıdıb və 2006-cı ildə qəzeti nəşr etdirməyə başlayıb. Qəzetin əsas məqsədi Azərbaycandakı talış xalqının sosial, iqtisadi, siyasi və mənəvi vəziyyətini əks etdirən məqalələr dərc etdirmək idi.[1] Qəzetin səhifələrində həm talış dilinin inkişafına, həm talış xalqının tarixinə və mədəniyyətinə, həm də Azərbaycanda talış əhalisinin üzləşdiyi problemlərə geniş yer verilirdi.[2] Qəzetdə çoxsaylı şeirlər, hekayələr və başqa nəsr nümunələri, eləcə də talış folkloru dərc olunurdu.[3][4][5] Qəzet Kahin Əbilov və talış milli hərəkatının digər fəalları tərəfindən maliyyələşdirilirdi.[6]
Qəzetin birinci nömrəsində talış dilində yazılar, milli öz müqəddəratını təyinetmə prinsipi haqqında məqalə, talış dilində şeir, talış milli hərəkatının 70 illik yubileyi münasibətilə təbrik dərc olunmuşdu.[1]
Birinci nömrədən dərhal sonra müxtəlif yollarla qəzetin dərc olunmasının qarşısı alınmağa çalışılıb. Bu üsullardan biri də jurnalistlərin qorxudulması olub. Demək olar ki, bütün heyət hüquq-mühafizə orqanlarına aparılıb və dindirilib.[7]
2007-ci ildə Azərbaycanda talış xadimlərinə qarşı təqiblər yenidən başlayıb. "Şəvnışt" qəzeti Novruzəli Məmmədovun istintaqının və məhkəməsinin gedişini işıqlandırıb, onun müdafiəsində iştirak edib.[6]
Jurnalist Yana Amelina qeyd edib ki, qəzetdə Talış Milli Hərəkatının idarə heyətinin bəyanatı dərc edildiyi üçün baş redaktora qarşı xalq arasında etnik ədavətin qızışdırılması maddəsi ilə cinayət işi açılıb.[8]
2008-ci il oktyabrın 11-də Fəxrəddin Abbaszadə Azərbaycanı tərk edib və "Şəvnışt" qəzeti bağlanıb.[9] 2006-cı ilin martından 2008-ci ilin martına qədər qəzetin 14 nömrəsi işıq üzü görüb.[10]
- ↑ 1 2 "UNPO: Talysh: Talysh Newspaper Shavnisht Launched by TNM". unpo.org. 11 aprel 2021 tarixində arxivləşdirilib. İstifadə tarixi: 27 mart 2021.
- ↑ "Жизнь и смерть Фахраддина Абосзода". regnum.ru. 18 aprel 2021 tarixində arxivləşdirilib. İstifadə tarixi: 24 mart 2021.
- ↑ Гусейнзаде М.Г. "Краткая история развития талышского языка и литературы - 22 Апреля 2011 - Информационный-аналитический портал Талыш". www.talish.org. 22 aprel 2011. 22 oktyabr 2020 tarixində arxivləşdirilib. İstifadə tarixi: 20 oktyabr 2020.
- ↑ "В России арестовали лидера талышского национального движения | Центр Льва Гумилёва" (rus). 12 sentyabr 2018. 9 avqust 2020 tarixində arxivləşdirilib. İstifadə tarixi: 20 oktyabr 2020.
- ↑ Введение в историю и культуру талышского народа. Ереван: Кавказский центр иранистики. 2011. səh. 200. ISBN 978-99930-69-69-0.
- ↑ 1 2 Игбал Абилов. "Памяти Кахина Абилова". regnum.ru. 13 iyun 2020. 15 iyun 2020 tarixində arxivləşdirilib. İstifadə tarixi: 20 oktyabr 2020.
- ↑ "Talysh: Crackdown on Main Editor of Newspaper "Shavnisht"". unpo.org. 10 may 2021 tarixində arxivləşdirilib. İstifadə tarixi: 27 mart 2021.
- ↑ Яна Амелина. "Талыши не у дел / Дипкурьер / Независимая газета". www.ng.ru. 10 sentyabr 2007. 5 avqust 2020 tarixində arxivləşdirilib. İstifadə tarixi: 20 oktyabr 2020.
- ↑ Толышпресс. "Фахраддин Абосзода-62". 25 dekabr 2018. 23 sentyabr 2020 tarixində arxivləşdirilib. İstifadə tarixi: 20 oktyabr 2020.
- ↑ А. Байрами. Справка об истории талышского печатного издания (талышский) // Толышон Садо. — 2012. — 25 февраль (№ 6 (018)). — С. 8.