Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞərafəddin məscidi (bosn. Šerefudinova Bijela džamija) və ya Ağ məscid ― Bosniya və Herseqovinanın Visoko şəhərində yerləşən məscid. Tikilinin şəhər və ərazi üçün böyük memari əhəmiyyəti var. Məscidin memarı Zlatko Uqlyen, ustası İsmət İmamoviç, podratçısı isə Visokolu Zvezda olmuşdur. Orijinal məscid 1477-ci ildə tikilsə də, daha sonralar tamamilə yenidən qurulmuş və bu iş 1980-ci ildə bitirilmişdir.[1] Məscidin layiq görüldüyü ən diqqətəlayiq mükafat 1983-cü ildə verilmiş Ağa Xan Memarlıq mükafatı olmuşdur.[2] Münsiflər heyəti məscidi dayanıqlılığı, yaradıcılığı və parlaqlığı ilə yanaşı özünəməxsusluğu və yeniliyi üçün də yüksək qiymətləndirmişdi.[3] Məscid 2007-ci ildə Macarıstan memarları tərəfindən Avropanın ən yaxşı dizayn edilmiş üç ibadətgahından biri olduğu üçün mükafat almışdır.[4]
| İslam | |
| Şərafəddin məscidi | |
|---|---|
 | |
 | |
| Ölkə | |
| Memarlıq | |
| İnşa tarixi | ? – 1980 |
| Memarı | Zlatko Uqlyen |
| Üslubu | Osmanlı memarlığı |
 Vikianbarda əlaqəli mediafayllar | |
Məscidin mərkəzi sahəsi həm namaz qılmaq, həm də mühazirələr və müzakirələr kimi digər dini fəaliyyətlər üçün nəzərdə tutulmuşdur. Ərazidə namaz qılmaq üçün qapalı sahənin olduğu əlavə bina da mövcuddur. Bina kiçik auditoriya və ofisdən ibarətdir. Ənənəvi olaraq Bosniya məscidlərində qəbiristanlıqlar məscidlə digər binalar arasında sərhəd rolunu oynayır, lakin bu vəziyyətdə qəbiristanlıq təcrid olunur.
Memar Zlatko Uqlyen Bosniya məscidlərinin namaz qılınan sahəyə aparan və üstündə qübbənin ucaldığı həyətdən ibarət ənənəvi tərtibatını istifadə etmişdir. Məsciddəki beş panelli pəncərələr İslamın beş şərti simvolizə edir və eyni zamanda içərini işıqlandırır. Qübbənin cənub-şərq fasadı Kəbəyə tərəf yönəldilmişdir. Məscidin həm daxili, həm də xarici tərəfi ağ rəngə boyanmış, döşəmə üçün krem, çərçivələr və borular kimi bir neçə metal element üçün isə yaşıl rəng istifadə olunmuşdur. Mərtəbələr yaşıl xalça ilə örtülmüşdür.[5]
- ↑ "Islamic Community of Bosnia and Herzegovina, Visoko". Rijaset. 10 fevral 2012 tarixində orijinalından arxivləşdirilib. İstifadə tarixi: 10 mart 2008.
- ↑ "Sherefudin's White Mosque | Aga Khan Development Network". www.akdn.org. 5 noyabr 2020 tarixində arxivləşdirilib. İstifadə tarixi: 18 oktyabr 2019.
- ↑ "Aga Khan Award for Architecture: The Second Award Cycle, 1981-1983". Aga Khan Development Network. 5 yanvar 2008 tarixində orijinalından arxivləşdirilib. İstifadə tarixi: 8 mart 2008.
- ↑ "Visoko: Počela obnova jednog od tri najljepša sakralna objekta u Evropi". Avaz.ba (bosniya). 11 aprel 2021 tarixində arxivləşdirilib. İstifadə tarixi: 18 oktyabr 2019.
- ↑ "Historicism and religious architecture in the late twentieth century". MIT OpenCourseWare. 16 dekabr 2007 tarixində arxivləşdirilib. İstifadə tarixi: 8 mart 2008.