Şəmsiyyə Kərimova (tam adı: Şəmsiyyə Musa qızı Kərimova; d. 24 noyabr 1955, [1] Azərbaycan, Tovuz) — Azərbaycan Jurnalistlər Birliyinin üzvü, Azərbaycan Qızıl Aypara Cəmiyyəti qəzetinin həmtəsisçisi olduğu "Yeni Təfəkkür" qəzetinin baş redaktoru, əməkdar jurnalist. [2] [3] [4]
| Şəmsiyyə Kərimova | |
|---|---|
| Şəmsiyyə Musa qızı Kərimova | |
 | |
| Doğum tarixi | |
| Doğum yeri | Tovuz, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| İxtisası | jurnalistika |
| Təhsili | Azərbaycan Dövlət Universitetinin Jurnalistika fakültəsi |
| Fəaliyyəti | Azərbaycan Qızıl Aypara Cəmiyyəti qəzetinin həmtəsisçisi olduğu "Yeni Təfəkkür" qəzetinin baş redaktoru, əməkdar jurnalist |
| Fəaliyyət illəri | 1979 - bu günədək |
| Mükafatları |
 |
Şəmsiyyə Kərimova 24 noyabr, 1955-ci ildə Azərbaycanın Tovuz şəhərində anadan olmuşdur. 1974-cü ildə Tovuz şəhər 1 nömrəli orta məktəbi bitirmiş, elə həmin ildə Saatlı rayonundakı 109 saylı texniki peşə məktəbinə göndərilmiş və sürücü-mexaniklik kursunu oxumuşdur. Həmin məktəbi də fərqlənmə ilə bitirdikdən sonra 1976-cı ildə Azərbaycan Respublikası Komsomolun Mərkəzi Komitəsini onu Bərdə rayonuna göndərmişdir. Orada “Bakı” kolxozunda sürücü-mexanik kimi çalışmışdır. 1977-ci ildə respublikada ilk dəfə sükan arxasına keçən gənclər arasında 3-cü yeri tutmuşdur. Hələ orta məktəbdə oxuyarkən respublika mətbuatında məktəbli olaraq tez-tez çıxış edirdi. Yazıları “Azərbaycan Gəncləri” qəzetində və o vaxtı rayonda çıxan “Həqiqət” qəzetində dərc olunurdu. Azərbaycan mətbuatında ilk dəfə orta məktəbdə oxuyarkən “Azərbaycan gəncləri” qəzetinin Bakı Dövlət Universitetinin Jurnalistika fakultəsi ilə birgə açdığı “Jurnalist... jurnalist? jurnalist!” müsabiqəsinə göndərdiyi “Çərkəz qızı Tellinin nağılı” oçerki ilə tanınmış, oçerk müsabiqənin qalibi olmuşdur.
Uşaqlıqdan yazıya böyük marağı olan jurnalist 1979-cu ildə Bakıya gəlmiş, o vaxtki “Komunist” nəşriyyatında işə başlamışdır. 1977-ci ildə Azərbaycan Dövlət Universitetinin jurnalistika fakültəsini bitirmiş, 1980-ci ildə Azərbaycan Dövlət Radio və Televiziya Verilişləri Komitəsində radionun “Gənclik” baş redaksiyasında müxbir kimi fəaliyyətə başlamışdır. Eyni zamanda ölkə mətbuatında mütəmadi olaraq çıxış etmiş, 1987-ci ildən isə “Azərbaycan gəncləri” qəzetində çalışmışdır. Respublikada baş verən ictimai-siyasi proseslər nəticəsində komsomolun orqanı olan həmin qəzet fəaliyyətini dayandırdıqdan sonra, 1996-cı ildən “İki sahil” qəzetində çalışmışdır. 2003-cü ildə “Naxçıvan” qəzetində şöbə müdiri vəzifəsinə təyin olunmuş, 2005-ci ildən isə “Yeni Təfəkkür” qəzetinin təsisçisi və baş redaktorudur. 2007-ci ildən Azərbaycan Qızıl Aypara Cəmiyyəti qəzetinin həmtəsisçisi olduğu "Yeni Təfəkkür" qəzetinin baş redaktorudur. 1980-ci ildə Azərbaycan Dövlət Radio və Televiziya Verilişləri Komitəsində radionun “Gənclik” baş redaksiyasında müxbir kimi fəaliyyətə başlayıb. Eyni zamanda ölkə mətbuatında mütəmadi olaraq çıxış edib. 1987-ci ildən “Azərbaycan gəncləri” qəzetində çalışıb. Respublikada baş verən ictimai-siyasi proseslər nəticəsində komsomolun orqanı olan həmin qəzet fəaliyyətini dayandırdıqdan sonra 1996-cı ildən “İki sahil” qəzetində çalışıb. 2003-cü ildə “Naxçıvan” qəzetində şöbə müdiri vəzifəsinə təyin olunub. 2005-ci ildən isə “Yeni təfəkkür” qəzetinin təsisçisi və baş redaktorudur. 2007-ci ildən Azərbaycan Qızıl Aypara Cəmiyyəti qəzetə həmtəsisçi olub. Qəzet rəsmi qaydada Ədliyyə Nazirliyindən qeydiyyatdan keçib. Respublikanın həyatında baş verən ictimai-siyasi proseslərə daim düzgün münasibət bildirən, xeyriyyəçiliyi, humanistliyi gənc nəsilə təbliğ edən bu qəzet hələlik həftədə 1 dəfə nəşr olunur. 2010-cu ildə Milli Mətbuatımızın 135 illiyində ölkə Prezidentinin sərəncamı ilə “Əməkdar jurnalist” fəxri adına layiq görülüb. “Qızıl qələm” media mükafatı laureatıdır. “Nailiyyət” diplomu ilə mükafatlandırılıb. Son illər Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun keçirdiyi fərdi jurnalist müsabiqələrində bir neçə dəfə qalib olub və KİVDF-nin diplomları ilə təltif edilib. Azərbaycan mətbuatında hələ orta məktəbdə oxuyarkən ilk dəfə “Azərbaycan gəncləri” qəzetinin Bakı Dövlət Universitsetinin jurnalistika fakültəsi ilə birgə açdığı “Jurnalist! Jurnalist? Jurnalist!” müsabiqəsinə göndərdiyi və qalib gələn “Çərkəz qızı Tellinin nağılı” oçerki ilə tanınıb. Seçmə yazılarından ibarət “Şəmsiyyənin kitabı” və 70 illiyi münasibəti ilə “Özüm, sözüm, izim” adlı kitabları nəşr olunub. Bir neçə kitabın redaktorudur. Azərbaycan Jurnalistlər Birliyinin üzvüdür.
2010-cu ildə Milli Mətbuatın 135 illiyində ölkə Prezidentinin sərəncamı ilə “Əməkdar jurnalist” fəxri adına layiq görülmüşdür. “Qızıl qələm” media mükafatı laureatıdır. “Nailiyyət”, “Fəxri jurnalist” diplomu ilə mükafatlandırılmışdır. İşlədiyi 2 il yarım ərzində hər il “Ən yaxşı pambıqçı” döş nişanı ilə təltif olunmuşdur. Son illərdə Azərbaycan Respublikasının Prezidenti yanında Kütləvi İnformasiya Vastələrinin inkişafına Dövlət Dəstəyi Fondunun keçirdiyi fərdi jurnalist müsabiqələrində bir neçə dəfə qalib olmuş, KİVDF-nin Diplomları ilə mükafatlandırılmışdır.
- ↑ "Əməkdar Jurnalistin kitabının təqdimatı olub". 12 iyun 2019 tarixində arxivləşdirilib. İstifadə tarixi: 9 iyul 2018.
- ↑ "Mətbuat Şurası jurnalist Şəmsiyyə Kərimovanın 60 illik yubileyi münasibətilə toplantı təşkil edib". Zim.az (az.). İstifadə tarixi: 11 dekabr 2025.
- ↑ "Onun kitabı". Modern.az (az.). 29 yanvar 2016. İstifadə tarixi: 11 dekabr 2025.
- ↑ "Əməkdar jurnalist ölən oğlundan yazdı". Rakus.az (az.). İstifadə tarixi: 11 dekabr 2025.
- ↑ "Şəmsiyyə Kərimovanın "Şəmsiyyənin kitabı" kitabının təqdimat mərasimi keçirilib". 10 aprel 2016 tarixində orijinalından arxivləşdirilib. İstifadə tarixi: 9 iyul 2018.