Şəmsi Adilxan oğlu Qocayev (27 aprel 1961, İlanlı, Amasiya rayonu) — Azərbaycanlı şair, publisist, pedaqoq, Azərbaycan Yazıçılar Birliyinin üzvü.[1]
| Şəmsi Qoca | |
|---|---|
| Şəmsi Adilxan oğlu Qocayev | |
| Doğum tarixi | 27 aprel 1961 (64 yaş) |
| Doğum yeri | |
| Milliyyəti | azərbaycanlı |
| Həyat yoldaşı | Fəridə İsa qızı |
| Uşaqları | Aygün Qocayeva, Tural Qocayev, Aysel Şəms |
| Atası | Adilxan Məhərrəm oğlu |
| Anası | Şahzadə Əli qızı |
| Fəaliyyəti | publisist, musiqi pedaqoqu |
| Üzvlüyü | |
| Mükafatları |
 |
Şəmsi Qoca 27 aprel 1961-ci ildə Qərbi Azərbaycanın Ağbaba mahalının Amasiya rayonunun Çaybasar (İlanlı) kəndində anadan olub. 1982-ci ildə Gəncə Dövlət Universitetinin Tarix fakültəsini bitirib.[1]
1982–2005-ci illərdə Saatlı rayonunun məktəblərində müəllim, direktor müavini, məktəb inspektoru, RTŞ-nin müdir müavini vəzifələrində işləyib.[1]
2006-cı ildən 30 yanvar 2013-cü ilə qədər Bakı Şəhəri üzrə Təhsil İdarəsinin Strateji təhlil, planlaşdılrma və kadrların idarəolunması sektorunda aparıcı məsləhətçi vəzifəsində işləmişdir. Müntəzəm olaraq dövri mətbuatda elmi-metodik, publisistik, ədəbi-tənqidi və pedaqoji məqalələrlə çıxış edir.
Bir sıra dərs vəsaitlərinin, tarix proqramlarının dərsliklərin və şeir kitablarının müəllifidir. Onlarla kitabın, "Azərbaycan tarixi" elektron dərsliklərinin redaktoru, "Bakı təhsili" qəzetinin yaradıcısı və ilk baş redaktoru olmuşdur. 2013-2017-ci illərdə Binəqədi rayonundakı 126 nömrəli tam orta məktəbin direktoru vəzifəsində işləmişdir.[1] Hal-hazırda 166 nömrəli məktəb-liseyin direktorudur.[2]
Ailəlidir. Bir oğlu, iki qızı var.[1]
Şəmsi Qoca "Qızıl qələm" və "Məmməd Araz" mükafatları laureatıdır. 2011-ci ildə "Qabaqcıl təhsil işçisi" adına layiq görülmüşdür.[1]
- 1."Gecə nəğmələri" (şeirlər), Bakı, 1999.
- 2."Könlüm bənövşə yarpağı" ( şeirlər), Bakı, 2006.
- 3."Ruhuma yağış yağır") şeirlər), Bakı, 2012.
- 4."İxtiralar və kəşflər", Bakı, 2005.
- 5."Həyati Bacarıqlara Əsaslanan Təhsil", Bakı, 2006.
- 6. "Dünyanın gözü yol çəkir" (şeirlər və poemalar) Bakı, 2011.
- 7."Hələ sevgi yaşayır" (seçilmiş şeirlər) Bakı, 2021.[1]
- İl kasad gələndə düşər qar tala… Arxivləşdirilib 2016-03-04 at the Wayback Machine
- ↑ 1 2 3 4 5 6 7 www.haqqinda.az https://www.haqqinda.az/Q%25C9%2599rbi+Az%25C9%2599rbaycan/48798-%25C5%259E%25C9%2599msi+Qoca.html (#bare_url_missing_title). İstifadə tarixi: 2025-07-09.
- ↑ "Bakı məktəblərinə yeni təyin olunan direktorların adları TAM SİYAHI". EDNEWS (az.). İstifadə tarixi: 2025-07-09.