Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinBu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. |
Bu məqaləni vikiləşdirmək lazımdır. |
Şəmsəddin Hüseynqulu oğlu Xan-Babayev (1 aprel 1939, Aşağı Əndəmic, Ordubad rayonu – 13 yanvar 2025, Xaçmaz) — Azərbaycan ictimai-siyasi və dövlət xadimi.
| Şəmsəddin Xanbabayev | |
|---|---|
| 23 oktyabr 2004 – 31 oktyabr 2019 | |
| Əvvəlki | Əbülfəz Hüseynov |
| Sonrakı | Elnur Rzayev |
| 2000 – 2004 | |
| 1992 – 2000 | |
| Əvvəlki | Becan Fərzəliyev |
| Sonrakı | Əlövsət Baxşıyev |
| 12 dekabr 1983 – 1990 | |
| Əvvəlki | Elmira Qasımova |
| 1980 – 1983 | |
| Şəxsi məlumatlar | |
| Doğum tarixi | 1 aprel 1939 |
| Doğum yeri | |
| Vəfat tarixi | 13 yanvar 2025 (85 yaşında) |
| Vəfat yeri | |
| Fəaliyyəti | siyasətçi |
|
|
|
| Təltifləri |
   |
.svg){kind=small}
Şəmsəddin Hüseynqulu oğlu Xan-Babayev 1939-cu il aprelin 1-də Naxçıvan MSSR Ordubad rayonunun Aşağı Əndəmic kəndində anadan olmuşdur. Orta təhsilini doğulduğu kənddə almışdır. 1959-cu ildə Azərbaycan Kommunal və Tikinti Texnikumunu bitirmişdir. 1964–1969-cu illərdə Azərbaycan Politexnik İnstitutunda təhsilini davam etdirmişdir.
Əmək fəaliyyətinə 1963-cü ildə Bakı şəhərindəki Ağac Emalı Kombinatında başlamışdır. 1965-ci ilədək II dərəcəli dəzgahçı, yığma sexinin ustası işləmişdir. 2 il Abşeron Rayon Kommunal Təsərrüfatı şöbəsində mühəndis olmuşdur. 1967-ci ildən Abşeron Rayon Təmir-tikinti idarəsində iş icraçısı, baş mühəndis, 1968-ci ildən həmin idarənin rəisi, 1976-cı ildən Naxçıvan MR Kommunal Təsərrüfatı nazirinin müavini, 1977-ci ildən Ordubad Rayon İcraiyyə Komitəsinin sədri, 1980-ci ildən Ordubad Rayon Partiya Komitəsinin birinci katibi, 1983-cü ildən Naxçıvan Şəhər Partiya Komitəsinin birinci katibi, 1990–1992-ci illərdə Naxçıvan Muxtar Respublikası Dövlət Plan Komitəsinin sədri — Baş nazirin müavini, 1992-ci ildən Naxçıvan Muxtar Respublikasının Baş naziri, 2000–2004-cü illərdə isə Azərbaycan Respublikası Əmək və Əhalinin Sosial Müdafiəsi nazirinin müavini vəzifələrində çalışmışdır.
Azərbaycan Respublikası Prezidentinin 23 oktyabr 2004-cü il tarixli Sərəncamı ilə Xaçmaz Rayon İcra Hakimiyyətinin başçısı vəzifəsinə təyin edilib.[1]
Azərbaycan Respublikasının Prezidentinin 30 mart 2009-cu il tarixli sərəncamı ilə "Şöhrət" ordeni, 4 aprel 2014-cü il tarixli sərəncamı ilə "Şərəf" ordeni, 28 mart 2019-cu il tarixli sərəncamı ilə 1-ci dərəcəli "Əmək" ordeni, 2 fevral 2024-cü il tarixli sərəncamı ilə "Heydər Əliyevin 100 illiyi (1923–2023)" yubiley medalı ilə təltif olunmuşdur.
Ailəli idi. İki övladı var.
13 yanvar tarixində vəfat edib. "Qurd qapısı" qəbiristanlığında dəfn olunub.[2]
- ↑ Ş. H. Xan-Babayevin Xaçmaz Rayon İcra Hakimiyyətinin başçısı təyin edilməsi haqqında Azərbaycan Respublikası Prezidentinin 23 oktyabr 2004-cü il tarixli Sərəncamı [ölü keçid]
- ↑ "Şəmsəddin Xanbabayev dəfn olundu". Oxu.az (az.). 14 yanvar 2025 tarixində arxivləşdirilib. İstifadə tarixi: 14 yanvar 2025.
- "Azərbaycanda Kim Kimdir" Ensiklopedik məlumat kitabı.