Şəhla Tahir qızı
Bu səhifədə iş davam etməkdədir. |
Şəhla Tahir qızı (tam adı: Şəhla Tahir qızı Quliyeva; 13 fevral 1971, Gədəbəy rayonu) — kitabxanaşünas-biblioqraf, ədəbiyyatşünas, yazıçı, filalogiya üzrə fəlsəfə doktoru, dosent. 2020-ci ildən Azərbaycan Milli Elmlər Akademiyası Mərkəzi Elmi Kitabxanasının öncə "Biblioqrafiya" şöbəsinin müdiri; hazırda isə direktorun kitabxana xidməti üzrə direktor müavini[1]; Azərbaycan Yazıçılar Birliyinin üzvü (2024);[2]"Bakı Dövlət Universitetinin 100 illiyi (1919–2019)" yubiley medalı (2019); "Azərbaycan milli mətbuatının 150 illiyi (1875–2025)" yubiley medalı (2025) mükafatçısı.
| Şəhla Tahir qızı | |
|---|---|
| Şəhla Tahir qızı Quliyeva | |
| Doğum tarixi | |
| Doğum yeri | Gədəbəy rayonu |
| Vətəndaşlığı |
 SSRİ Azərbaycan |
| Elm sahələri |
Kitabxanaşünaslıq Biblioqrafiyaşünaslıq Kitabşünaslıq |
| Elmi dərəcəsi | filologiya üzrə fəlsəfə doktoru |
| Elmi adı | dosent |
| İş yeri | AMEA Mərkəzi Elmi Kitabxana (direktor müavini) |
| Alma-mater | Azərbaycan Dövlət Universiteti |
| Təhsili | Bakı Dövlət Universiteti |
| Elmi rəhbəri | Almaz Məmmədova |
| Üzvlüyü | Azərbaycan Yazıçılar Birliyi |
| Mükafatları |
 "Bakı Dövlət Universitetinin 100 illiyi (1919–2019)" yubiley medalı (2019) "Azərbaycan milli mətbuatının 150 illiyi (1875–2025)" yubiley medalı (2025) |
Şəhla Tahir qızı 13 fevral 1971-ci ildə Gədəbəy rayonunda anadan olmuşdur. 1977-1988-ci illərdə Gədəbəy rayonu Rüstəm Əliyev adına 1 saylı orta məktəbdə təhsil almışdır. 1989-90-cı illərdə Cəfər Babayev adına TPM-ni bitirərək Bakı Universiteti Nəşriyyatının mətbəəsində əmək fəaliyyətinə başlamışdır.[1] 1992-1998-ci illərdə BDU-nun Kitabxanaçılıq fakültəsində təhsil alan Şəhla Tahir qızı Fərqlənmə diplomu ilə Universiteti bitirmişdir.[3]
1998-ci ildən Bakı Universiteti nəşriyyatının "Təbiət və dəqiq elmlər" redaksiyasında əvvəlcə korrektor, sonra redaktor vəzifələrində çalışmış, 1999-2019-cu illərdə "Bakı Universitetinin Xəbərləri" elmi jurnalının məsul katibi olmuşdur.
2000-ci ildən BDU-nun Kitabxanaçılıq-informasiya fakültəsinə müəllim keçirilmişdir. 2006-cı ildə "Məzahir Daşqının poeziyası" mövzusunda namizədlik dissertasiyası müdafiə edərək filologiya üzrə fəlsəfə doktoru alimlik dərəcəsi almışdır. 2011-ci ildən AAK tərəfindən Kitabşünaslıq və nəşriyyat işi ixtisası üzrə dosent elmi adını almışdır.
Şəhla Tahiq qızı 2016-cı ilin əvvəlindən Bakı Xoreoqrafiya Akademiyasının "Sənət Akademiyası" jurnalının redaktoru kimi fəaliyyət göstərir.[1] 2020-ci ildən Azərbaycan Milli Elmlər Akademiyası Mərkəzi Elmi Kitabxanasında əvvəlcə Biblioqrafiya şöbəsinin müdiri, hazırda isə direktorun kitabxana xidməti üzrə direktor müavini vəzifəsində çalışır. O, 2015–2020–ci illərdə Kitabxanaşünaslıq, biblioqrafiyaşünaslıq və kitabşünaslıq ixtisası üzrə elmlər doktoru proqramında qiyabi doktoranturada təhsil almış, hazırda "Azərbaycanda elmi jurnalların yaranması, müasir vəziyyəti və inkişaf perspektivləri" mövzusunda doktorluq işi üzərində çalışır.
Şəhla Tahir qızı 2024-cü ildən Azərbaycan Yazıçılar Birliyinin üzvüdür.
Şəhla Tahir qızı ailəlidir, iki övladı var.
Google Scholar profilinə görə, Şəhla Tahir qızının 14 nəşri vardır, h-indeksi 1-dir və 2 sitat gətirilib. Onun tədqiqat maraqları ədəbiyyatın ictimai rolu, kitabxana kadrlarının hazırlanması, nadir kitabların mühafizəsi və Nizami Gəncəvi yaradıcılığına həsr olunmuş biblioqrafik göstəricilərin tədqiqi kimi mövzuları əhatə edir. Elmi fəaliyyəti kitabxana işinin inkişafına və mədəni irsin qorunmasına yönəlmişdir.[4]
Şəhla Tahir qızı 21 kitabın (17 müxtəlif mövzulu kitabın tərtibatçısı, 2 dərs vəsaitinin, 2 monoqrafiyanın müəllifi), 6 fənn proqramının, 1 metodik göstərişin, 140–dan artıq elmi, elmi-publisistik məqalənin müəllifidir.[5][1]
Şəhla Tahir qızı 2000-2019-cu illərdə Bakı Dövlət Universitetinin Kitabxanaşünaslıq və nəşriyyat işi kafedrasında, 2021-2022-ci illərdə Azərbaycan Universitetində, 2022-2023-cü illərdə Azərbaycan Turizm və Menecment Universitetində çalışmışdır.
Şəhla Tahir qızı 2010-2022-ci illərdə Azərbaycan Respublikası Mədəniyyət Nazirliyinin Mədəniyyət üzrə Elmi-Metodiki və İxtisasartırma Mərkəzində əvəzçiliklə metodist vəzifəsində çalışmışdır.
Şəhla Tahir qızı 2019-cu ildə "Bakı Dövlət Universitetinin 100 illiyi (1919-2019)" yubiley medalı ilə,[1] 2025-ci ildə isə "Azərbaycan milli mətbuatının 150 illiyi (1875–2025)" yubiley medalı ilə təltif edilmiişdir.
- 1 2 3 4 5 "Şəhla Tahir qızı Quliyeva" (az.). https://mek.org.az. 17 yanvar 2026 tarixində arxivləşdirilib. İstifadə tarixi: 17 yanvar 2026.
- ↑ "Quliyeva Şəhla Tahir qızı" (az.). https://science.gov.az. 17 yanvar 2026 tarixində arxivləşdirilib. İstifadə tarixi: 17 yanvar 2026.
- ↑ "QULİYEVA ŞƏHLA TAHİR" (az.). http://libinfo.bsu.edu.az. 17 yanvar 2026 tarixində arxivləşdirilib. İstifadə tarixi: 17 yanvar 2026.
- ↑ "Şəhla Quliyeva" (az.). https://iremb.anas.az. 17 yanvar 2026 tarixində arxivləşdirilib. İstifadə tarixi: 17 yanvar 2026.
- ↑ "Şəhla Tahirqızı" (ingilis). https://scholar.google.com. 17 yanvar 2026 tarixində arxivləşdirilib. İstifadə tarixi: 17 yanvar 2026.
- "Şuşada kitabxana və mətbuat" adlı kitabının təqdimatı keçirilib" (az.). https://sia.az. 17 yanvar 2026 tarixində arxivləşdirilib. İstifadə tarixi: 17 yanvar 2026.