Şıxseyid Kərim oğlu Kərimov (4 oktyabr 1925, İsnov, Quba rayonu – 6 oktyabr 1995) — Azərbaycanlı dövlət xadimi, komsomol və partiya təşkilatçısı, Azərbaycan Kommunist Partiyası Quba, Daşkəsən, Cəlilabad və Abşeron rayon komitələrinin birinci katibi, Azərbaycan SSR-in Ali Soveti deputatı.
| Şıxseyid Kərimov | |
|---|---|
| 1971 – 1973 | |
| Əvvəlki | Sadıq Murtuzayev |
| Sonrakı | Nəzir Əhmədov |
| 1966 – 1971 | |
| Əvvəlki | Məmməd Orucov |
| Sonrakı | Sadıq Səlimov |
| 1960 – 1962 | |
| Əvvəlki | Allahverdi İsayev |
| Sonrakı | Əli Əliyev |
| 1953 – 1957 | |
| Əvvəlki | Sadıq Murtuzayev |
| Sonrakı | Nəzir Əhmədov |
| 1963 – 1974 | |
| Şəxsi məlumatlar | |
| Doğum tarixi | 4 oktyabr 1925 |
| Doğum yeri | |
| Vəfat tarixi | 6 oktyabr 1995 (70 yaşında) |
| Fəaliyyəti | dövlət xadimi, aqronom, alim |
| Təltifləri |
    |
Şıxseyid Kərimov 4 oktyabr 1925-ci ildə Quba rayonunun İsnov kəndində Bakıda neft buruqlarında fəhlə işləyən Kərim kişinin ailəsində doğulmuşdur. Orta təhsilini Zərqəva kənd orta məktəbində tamamlamış, erkən yaşlarında atasını itirdiyi üçün ağır maddi şəraitdə böyümüşdür.
1943-cü ildə könüllü olaraq orduya çağırılmış, 7 il sərhəd qoşunlarında xidmət etmişdir. 1947-ci ildə ordu sıralarında partiya sıralarına daxil olmuş, hərbi hissənin komsomol katibi vəzifəsinə seçilmişdir.
1950-ci ildə hərbi xidmətdən tərxis olunaraq Astaraxanbazar (indiki Cəlilabad) Rayon Komsomol Komitəsinin birinci katibi, sonra isə Xankəndidə Vilayət Komsomol Komitəsinin katibi vəzifələrində çalışmışdır. 1952–1953-cü illərdə Azərbaycan KP MK-nın komsomol orqanları bölməsinin müdiri olmuşdur.
O, Sov.İKP MK yanında Ali Partiya Məktəbini (Moskva) və S. Ağamalıoğlu adına Azərbaycan Dövlət Kənd Təsərrüfatı İnstitutunu (Gəncə) bitirmiş, alim-aqronom ixtisasına yiyələnmişdir. 1953–1957-ci illərdə Dəstəfur (indiki Daşkəsən) Rayon Partiya Komitəsinin birinci katibi, 1960–1962-ci illərdə Cəlilabad Rayon Partiya Komitəsinin birinci katibi, 1962–1966-cı illərdə Azərbaycan KP MK-nın Kənd Təsərrüfatı şöbəsinin müdiri olmuşdur.
1966–1971-ci illərdə Quba Rayon Partiya Komitəsinin birinci katibi olmuş, rayonda bağçılığın inkişafına, intensiv meyvəçiliyə, abadlıq-quruculuq işlərinə və sosial infrastrukturun yenilənməsinə böyük töhfələr vermişdir. 1971–1973-cü illərdə Abşeron Rayon Partiya Komitəsinin birinci katibi olaraq sosial-iqtisadi həyatın canlanmasına rəhbərlik etmişdir.
Sonrakı illərdə Şıxseyid Kərimov Azərbaycan Təbiəti Mühafizə Komitəsi və Respublika Könüllü Balıqçılar və Ovçular Cəmiyyətində məsul vəzifələrdə çalışmışdır. VI, VII və VIII çağırış Azərbaycan SSR Ali Sovetinin deputatı olmuş, Sov.İKP-nin XXII və XXIV qurultaylarının nümayəndəsi seçilmişdir.
Şıxseyid Kərimovun adı Quba şəhərində küçəyə verilmişdir.
- ↑ Abdullayev, Məsaim. “Xeyirxah əməllərində yaşayan insan.” Xalq qəzeti, 04 oktyabr 2025. https://xalqqazeti.az/az/sosial-heyat/241507-xeyirxah-emellerinde-yasayan-insan