Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinŞükriyyə Axundzadə
Şükriyyə Axundzadə və ya Şükriyyə Cavad (1902, Batum – oktyabr 1993, Çinarlı, Şəmkir rayonu) — Əhməd Cavadın həyat yoldaşı, repressiya qurbanı.
| Şükriyyə Axundzadə | |
|---|---|
 | |
| Doğum tarixi | 1902 |
| Doğum yeri | |
| Vəfat tarixi | oktyabr 1993 (90–91 yaşında) |
| Vəfat yeri | |
| Həyat yoldaşı | |
1937-ci ildə Əhməd Cavadla birlikdə həbs olunub. Daha sonra 8 il sürgünə məhkum edilib. Cəzasını Vətən Xainləri Qadınlarının Akmola Düşərgəsində çəkib.
1945-ci ildə azadlığa çıxıb, 1955-ci ildə günahsız olduğu üçün bəraət qazanıb.
Həyatına aid bir neçə pyes, kitab və mahnı yazılıb, müxtəlif teatrlarda tamaşalar səhnəyə qoyulub.
Şükriyyə Süleyman qızı Bejanidze 1902-ci ildə Batumi şəhərində anadan olub.[1] Burada qızlar gimnaziyasını bitirib.[2]
Əhməd Cavad Türk Ordusuna Yardım Fondunun katibi olduğu üçün bir müddət Batumidə yaşayıb.[3] Burada olduğu dövrdə Şükriyyə xanımla tanış olub. Onunla ailə qurmaq üçün elçi getsə də Şükriyyə xanımın atasına buna razılıq verməyib. Nəticədə Şükriyyə xanım Əhməd Cavadla qaçır və onlar Gəncədə ailə qururlar.[4]
1920-ci ildə Aprel işğalından sonra Əhməd Cavad təyinatla Qusara müəllim göndərilir.[5] Şükriyyə Cavad da ailəsi ilə birlikdə Qusarın Xuluq kəndinə köçür.[6] 1922-ci ilə qədər burada yaşayırlar. Daha sonra isə Bakıya köçürlər.[7]
1937-ci il iyunun 3-dən 4-nə keçən gecə Əhməd Cavad və həyat yoldaşı Şükriyyə xanım həbs olunurlar.[8][9] Bir neçə gün sonra Şükriyyə xanım həbsdən buraxılır.[8] 1937-ci il oktyabrın 27-də onu təkrar həbs edirlər.[10][11] Əhməd Cavad həbs olunduqdan sonra Şükriyyə Cavada təklif olunur ki Əhməd Cavaddan boşanıb qızlıq soyadına qayıtsın.[12] Bununla da ona toxunmayacaqlarını, əks təqdirdə isə sürgün edəcəklərini deyirlər.[13] Şükriyyə Cavad isə boşanmaq tələbini rədd edir.[14] Bir neçə müddət həbsxanada saxlanıldıqdan sonra dekabrın 9-da Şükriyyə xanıma 8 il həbs cəzası verilir.[15][11] Onu "xalq düşməninin ailə üzvü" kimi əmək düşərgəsinə göndərirlər.[11] Cəzasını çəkmək üçün 1938-ci il fevralın 2-də Vətən Xainləri Qadınlarının Akmola Düşərgəsinə çatıb.[11][16]
1945-ci il oktyabrın 14-də[11] həbs müddəti bitdikdən sonra azadlığa çıxıb və Azərbaycana qayıdıb. Bakıda yaşamasına icazə vermədiklərinə görə Şəmkirə köçüb.[17] Sürgündən qayıtdıqdan sonra bir neçə il Əhməd Cavadın hələ sağ olduğunu düşünüb. Onunla həbsxanada görüşə bilmək üçün uzun illər, müxtəlif dövlət orqanlarına, SSRİ Nazirlər Sovetinin sədrinə belə müraciət edib. Yalnız 1955-ci ildə ona Əhməd Cavadın 1937-ci ildə öldürüldüyünün xəbərini veriblər.[2][18]
1955-ci ilin dekabr ayında bəraət qazanıb.[4]
1993-cü il oktyabr ayında Şəmkirin Çinarlı kəndində dünyasını dəyişib.[19]
1917-ci ildə Əhməd Cavad Şükriyyə xanıma "Şükriyyəm üçün" şeirini həsr edib. Daha sonra Emin Sabitoğlu bu şeirə musiqi bəstələyib və bu mahnı bir çox müğənnilər tərəfindən "Şükriyyə taleyim" adı ilə ifa olunub.
2018-ci ildə yazıçı Sevinc Ədalətqızı tərəfindən yazılmış "Cavad və Şükriyyə dastanı" adlı kitabın təqdimatı baş tutub.[20]
2019-cu ildə Bakıda açılmış "Siyasi Repressiya Qurbanları Muzeyi"-ndə repressiya qurbanı olan qadınlara həsr olunmuş guşədə Şükriyyə Axundzadənin həbsi və cəzası ilə bağlı olan sənədin surəti saxlanılır.[21]
2021-ci ildə yazıçı Ülviyyə Tahir Şükriyyə Axundzadə haqqında, onun sürgündə keçən həyatı haqqında "Şükriyyə taleyim" adlı tarixi roman yazıb.[22][23]
2022-ci il dekabrın 17-də Azərbaycan Dövlət Gənc Tamaşaçılar Teatrında Stalin repressiyaları dövründə repressiyaya məruz qalmış siyasi məhbusların həyat yoldaşlarının başına gələn hadisələr haqqında "Kod adı: "V. X. A."" və ya Kod adı "Vətən xainlərinin arvadları" tamaşasının premyerası olub.[24][25] Əsərin müəllifi Mehriban Ələkbərzadədir və burada Şükriyyə Cavadın faciəli həyatına da yer verilib.[26]
2023-cü il iyunun 30-da Akademik Milli Dram Teatrında "Şükriyyə" tamaşasının premyerası keçirilib[27][28]. Tamaşa Cavid Zeynallının "Şükriyyə" pyesi əsasında hazırlanıb və Şükriyyə Axundzadənin Qazaxıstandakı sürgün həyatı haqqındadır. Tamaşanın quruluşçu rejissoru Əməkdar incəsənət xadimi Bəhram Osmanovdur.[29]
Atası Süleyman bəy Bejanidze acar knyazlarının nəslindən olub. Əsilləri Zendidi kəndindəndir. Burada onların ailə qəbiristanlıqları var, mülkləri və limanları da olub.[30]
Şükriyyə Cavad və Əhməd Cavadın 5 övladı olub. Niyazi, Aydın, Tuqay, Yılmaz adlı oğulları və Almaz adlı qızları. 1936-cı ildə qızları Almaz 16 yaşında sarkoma xəstəliyindən dünyasını dəyişib.[31]
Əhməd Cavadın öldürülməsi və Şükriyyə Axundzadənin sürgün edilməsindən sonra 2 yaşlı Yılmaz körpələr evinə verilmiş,[6] 14 yaşlı Tuqay çətin tərbiyə olunan uşaqlar üçün nəzərdə tutulmuş yetimxanaya, 16 yaşlı Aydın isə Keşlə həbsxanasına göndərilmişdi.[32][33]
- ↑ "Ахунд-Заде Шукурия Сулейман Кизы" (az.). Жертвы политического террора в СССР. 27 noyabr 2021 tarixində arxivləşdirilib. İstifadə tarixi: 24 iyul 2023.
- ↑ 1 2 "Təhdidlərə baxmayaraq Əhməd Cavaddan boşanmadı, 8 il sürgündə oldu, ərinin ölümünü on beş ildən sonra öyrəndi – Şükriyyə Axundzadə haqqında maraqlı faktlar" (az.). kulis.az. 23 fevral 2023. 24 fevral 2023 tarixində arxivləşdirilib. İstifadə tarixi: 18 iyul 2023.
- ↑ Əyyub Qiyas. "Anar AXUNDZADƏ: "67 ildən sonra Əhməd Cavadın əmanəti bizə çatdı"" (az.). Ədəbiyyat qəzeti. 19 oktyabr 2020. 11 avqust 2022 tarixində arxivləşdirilib. İstifadə tarixi: 21 iyul 2023.
- ↑ 1 2 Həmidə Nizamiqızı. "Dözümün lal sükutu, Kabus illərin salnaməsi və ya zəncirlənmiş son ümid" (az.). Mədəniyyət qəzeti. 3 avqust 2012. 25 yanvar 2020 tarixində arxivləşdirilib. İstifadə tarixi: 24 iyul 2023.
- ↑ О.Буланова. "Ахмед Джавад: Поэт независимости, жертва красного террора" (rus). azerhistory.com. 6 may 2023 tarixində arxivləşdirilib. İstifadə tarixi: 19 iyul 2023.
- ↑ 1 2 "Azərbaycanın İstiqlal şairi - Əhməd Cavad - Nəsiman YAQUBLU". Edebiyyatqazeti.az. 5 iyul 2022. 4 iyul 2022 tarixində arxivləşdirilib. İstifadə tarixi: 23 oktyabr 2023.
- ↑ tərtibçi A.Məmmədova. Əhməd Cavad – 130 (PDF). Bakı: Azərbaycan Milli Kitabxanası. 2022. səh. 7. 24 iyul 2023 tarixində arxivləşdirilib (PDF). İstifadə tarixi: 24 iyul 2023.
- ↑ 1 2 Cəlal Qasımov . Siyasi repressiya həyatda və ədəbiyyatda (1920-1950-ci illər) (PDF). Bakı: Elm və təhsil. 2020. səh. 395. 19 iyul 2023 tarixində arxivləşdirilib (PDF). İstifadə tarixi: 19 iyul 2023.
- ↑ tərtibçi A.Məmmədova. Əhməd Cavad – 130 (PDF). Bakı: Azərbaycan Milli Kitabxanası. 2022. səh. 9. 24 iyul 2023 tarixində arxivləşdirilib (PDF). İstifadə tarixi: 24 iyul 2023.
- ↑ "Ахунд-Заде Шукурия Сулейман Кизы (1902)" (rus). openlist.wiki. 26 mart 2022 tarixində arxivləşdirilib. İstifadə tarixi: 24 iyul 2023.
- ↑ 1 2 3 4 5 "Книга памяти репрессированных бакинцев: А" (rus). ourbaku.com. 25 iyun 2021 tarixində arxivləşdirilib. İstifadə tarixi: 19 iyul 2023.
- ↑ Nəsiman Yaqublu. "Əhməd Cavad haqqında Şükriyyə xanımla söhbətlərim..." (az.). aqreqator.az. 5 may 2020. 18 iyul 2023 tarixində arxivləşdirilib. İstifadə tarixi: 18 iyul 2023.
- ↑ Leyla Sarabi. "Əhməd Cavadın nəticəsi sirləri açdı: Bağırov tövsiyə edirmiş ki, Cavad ailəsinin..." (az.). publika.az. 24 fevral 2021. 2 mart 2021 tarixində arxivləşdirilib. İstifadə tarixi: 18 iyul 2023.
- ↑ Mais Əmrahov. 1937-1938-ci il Repressiyaları Sovet Dövlətinin Azərbaycan Xalqına Qarşı Soyqırımı Siyasətinin Davamı. Akademik Tarih ve Düşünce Dergisi. 2022. səh. 814. Archived from the original on 19 iyul 2023. İstifadə tarixi: 9 sentyabr 2023.
- ↑ Azərbaycan Xalq Cümhuriyyəti Ensiklopediyası (PDF). I. Bakı: Lider nəşriyyat. 2004. səh. 356. ISBN 9952-417-14-2. 6 mart 2022 tarixində arxivləşdirilib (PDF). İstifadə tarixi: 5 dekabr 2022.
- ↑ İlahə Əhmədova. "ALJİR- Akmola siyasi repressiya qurbanları düşərgəsində 44 azərbaycanlı qadın sürgün həyatı yaşayıb" (az.). Azərbaycan Dövlət İnformasiya Agentliyi. 26 oktyabr 2017. 16 aprel 2019 tarixində arxivləşdirilib. İstifadə tarixi: 24 iyul 2023.
- ↑ Abuzər Bağırov. Жертва красного террора (PDF). Bakı: IRS Heritage. 2020. səh. 14. 19 iyul 2023 tarixində arxivləşdirilib (PDF). İstifadə tarixi: 19 iyul 2023.
- ↑ Tahir, Ulviyya. [[Şükriyyə taleyim (roman) |Şükriyyə Taleyim]] (az.). Baku: Parlaq İmzalar Nəşriyyatı. 2021. 250. ISBN 9789952525922.
- ↑ moderator.az. "Əhməd Cavad haqqında Şükriyyə xanımla söhbətlərim... - Nəsiman Yaqublu". moderator.az (az.). İstifadə tarixi: 23 oktyabr 2023.[ölü keçid]
- ↑ "Əhməd Cavad haqqında kitablar təqdim edilib" (az.). medeniyyet.az. 6 iyul 2018. 24 iyul 2023 tarixində arxivləşdirilib. İstifadə tarixi: 24 iyul 2023.
- ↑ ""Siyasi repressiya qurbanlari" muzeyi". web.archive.org. 3 fevral 2023. Archived from the original on 3 fevral 2023. İstifadə tarixi: 13 oktyabr 2023.
- ↑ Tükəzban Məmmədli. ""Şükriyyə taleyim"" (az.). yeniavaz.com. 20 dekabr 2022. 6 fevral 2023 tarixində arxivləşdirilib. İstifadə tarixi: 21 iyul 2023.
- ↑ Ceylan Mumoğlu. "Ülviyyə Tahirin Şükriyyə Taleyim romanı haqqında müzakirə" (az.). academia.edu. 4 aprel 2021. 21 iyul 2023 tarixində arxivləşdirilib. İstifadə tarixi: 21 iyul 2023.
- ↑ ""Kod adı: V.X.A" tamaşası növbəti dəfə səhnədə" (az.). Azərbaycan Dövlət İnformasiya Agentliyi. 27 fevral 2023. 28 fevral 2023 tarixində arxivləşdirilib. İstifadə tarixi: 6 mart 2023.
- ↑ "Kod adı – V.X.A – (Xalq düşmənlərinin arvadları...)" (az.). 525-ci qəzet. 17 iyun 2022. 17 iyun 2022 tarixində arxivləşdirilib. İstifadə tarixi: 6 mart 2023.
- ↑ ""Kod adı "V.X.A" – Gənc Tamaşaçılar Teatrında premyera" (az.). medeniyyet.az. 18 dekabr 2022. 18 dekabr 2022 tarixində arxivləşdirilib. İstifadə tarixi: 27 fevral 2023.
- ↑ Əli Nəcəfxanlı. "Repressiya qurbanı – "Şükriyyə" - Yeni tamaşa" (az.). sia.az. 5 iyul 2023. 18 iyul 2023 tarixində arxivləşdirilib. İstifadə tarixi: 18 iyul 2023.
- ↑ "Состоялась премьера спектакля «Шукрия»" (rus). furor.az. 4 iyul 2023. 10 iyul 2023 tarixində arxivləşdirilib. İstifadə tarixi: 18 iyul 2023.
- ↑ ""Şükriyyə" tamaşasının premyerası olub" (az.). trend.az. 1 iyul 2023. 2 iyul 2023 tarixində arxivləşdirilib. İstifadə tarixi: 18 iyul 2023.
- ↑ "Ахмед Джавад. Судьба человека" (rus). Nargis jurnalı. 25 iyul 2022. 28 mart 2023 tarixində arxivləşdirilib. İstifadə tarixi: 18 iyul 2023.
- ↑ ""Cavad adını mənə Şükriyyə nənəm verib, o dünyasını dəyişəndə 13 yaşım vardı..."" (az.). ednews.net. 27 noyabr 2021. 25 yanvar 2022 tarixində arxivləşdirilib. İstifadə tarixi: 24 iyul 2023.
- ↑ İrəvanlı, Mürsəl. "Gəlin Əhməd Cavad Axundzadəni xatırlayaq" (PDF). Türküstan qəzeti (az.). Bakı. 16 fevral 2021. 11. 26 oktyabr 2021 tarixində arxivləşdirilib (PDF). İstifadə tarixi: 24 iyul 2023.
- ↑ Abbaslı, Tahir. "Əhməd Cavad - Ümumtale-tariximizdə ilk Milli Mənlik doğuluşumuzun - Cümhuriyyətimizin Baş poetik vəsfkarı..." Mədəniyyət qəzeti. 2018-05-04. 12. 20180-06-19 tarixində arxivləşdirilib. İstifadə tarixi: 2023-10-23.