Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinSaytama Şəhər İvatsuki Ninqyo Muzeyi (さいたま市岩槻人形博物館, Saytama-şo İvatsuki Ninqyo Hokubutsukan?) – Yaponiyanın Saytama prefekturasının eyniadlı şəhərində, tarixi İvatsuki bölgəsində yerləşən muzey. İvatsuki bölgəsinin ninqyo (insan kuklaları) mədəniyyətinə həsr olunmuşdur. Muzey Ninpaku ləqəbi ilə tanınır.[1]
| İvatsuki Ninqyo Muzeyi | |
|---|---|
 | |
 | |
| Açılış tarixi | 22 fevral 2020 |
| Ölkə | |
| 35°57′03″ şm. e. 139°42′00″ ş. u. | |
| ningyo-muse.jp ningyo-muse.jp/modules/i… | |
 Vikianbarda əlaqəli mediafayllar | |
İvatsuki tarixən ninqyo istehsalına görə tanınmış yerlərdən biridir. Muzeyin tikilməsi ilk dəfə 1960-cı illərdə təklif olunsa da, yerli icma ilə fikir ayrılıqları üzündən layihə baş tutmamışdır. 19 noyabr 2017-ci ildə muzeyin tikintisinə start verilmişdir və tikintisi 1.867.320.000 yenə baş gəlmişdir.[2] Muzey 22 fevral 2020-ci ildə açılmışdır. Yaponiyada kuklalara həsr olunmuş ilk ictimai muzeydir.[3] Saytama şəhərində Dizayn–Tik (DB) metodu ilə tikilmiş tikili xüsusiyyətini daşıyır.[4] 2025-ci ildə muzeyi ziyarət edənlərin sayı 200 mini keçmişdir.[5]
Muzey binası birmərtəbəlidir və İvatsuki rayonunun keçmiş inzibati binasının ərazisində tikilmişdir. İvatsuki bölgəsinin ninqyo mədəniyyətinə və tarixinə həsr olunmuşdur. Muzeyin məqsədi ninqyo kuklalarını yığmaq, mühafizə etmək və tədqiqatını təşkil etməkdir. Muzeyin kolleksiyasına 5500-dən çox material daxildir.[3] Burada XVIII əsrə aid olan Qoşo Ninqyo, hina kuklaları və döyüşçü ninqyoları sərgilənir.[6] Muzey kolleksiyasının 70%-i kukla tədqiqatçısı və rəssam Tekiho Nişizavanın kolleksiyası əsasında formalaşmışdır.[7] Muzeydə restavrasiya şöbəsi fəaliyyət göstərir və kuklaların bərpası ilə məşğul olur.[4]
Muzeydə üç sərgi zalı, kolleksiya zalı, kafe, suvenir dükkanı yerləşir. Birinci sərgi zalında kuklaların hazırlanması prosesinə həsr olunmuşdur və burada alətlər sərgilənir. İkinci sərgi zalında kuklalar sərgilənir. Üçüncü sərgi zalı müvəqqəti sərgilər üçün nəzərdə tutulub və hər il 4 sərgiyə ev sahibliyi edir.[8]
- ↑ "さいたま市岩槻人形博物館で企画展「にんぱくの人形修復～文化財を未来へ～」を開催します". PR Times (yaponca). 5 iyul 2024. İstifadə tarixi: 30 avqust 2025.
- ↑ "岩槻人形博物館ようやく着工 60年代から構想". Nikkei (yaponca). 29 noyabr 2017. İstifadə tarixi: 30 avqust 2025.
- ↑ 1 2 "さいたま・岩槻人形博物館で夏休み企画展「にんぱく動物園」動物人形大集合". Yahoo News (yaponca). 14 avqust 2025. İstifadə tarixi: 30 avqust 2025.
- ↑ 1 2 "日本初、公立の人形博物館 ― 「さいたま市岩槻人形博物館」が来年2月に開館". Internet Museum (yaponca). 26 noyabr 2019. İstifadə tarixi: 30 avqust 2025.
- ↑ "岩槻人形博物館 来館者20万人達成 開館5周年". Tokyo Shimbun (yaponca). 25 iyul 2025. 25 iyul 2025 tarixində arxivləşdirilib. İstifadə tarixi: 30 avqust 2025.
- ↑ "Discover the traditional art of Japanese doll-making at a museum in this artisan town in Saitama". Japan Travel (ingiliscə). 16 iyun 2025 tarixində arxivləşdirilib. İstifadə tarixi: 30 avqust 2025.
- ↑ "人形、芸術の高みへ 岩槻で西澤笛畝の生涯探る特別展". Tokyo Shimbun (yaponca). 5 noyabr 2021. 10 oktyabr 2023 tarixində arxivləşdirilib. İstifadə tarixi: 30 avqust 2025.
- ↑ "さいたま市岩槻人形博物館で内覧会 コレクションや人形関係資料5000点超収蔵". Omiya Keizai (yaponca). 21 yanvar 2020. 13 iyul 2025 tarixində arxivləşdirilib. İstifadə tarixi: 30 avqust 2025.
- ningyo-muse.jp — Muzeyin rəsmi saytı