İtqıran yaşayış yeri

İtqıran yaşayış yeri — El arasında Dərələyəz sıra dağlarının ən hündür yeri Mailxan adlanır. Mailxan dağının arxasında yerləşən İtqıran yaşayış yerinin xarabalıqları indi də qalmaqdadır. Evlər düzbucaqlı formalıdır. Yaşayış binaları daşdan inşa edilmiş, bəzi evlərin tikintilərində çiy kərpic və möhrədən istifadə olunmuşdur. Evlərin içərisində dördkünc və tağşəkilli taxçalar vardır. Yerüstü materiallar çəhrayı rəngli şirli və şirsiz keramikadan ibarətdir. Yaşayış yeri IX–XVII əsrlərə aiddir^[1].