İtet (e. ə. təxminən 2570-ci ildə yaşayıb) Atet kimi də tanınır — qədim Misirdə yaşamış kral sülaləsinə aid bir qadın. Onun həyat yoldaşı kral Sneferunun böyük oğlu Nefermaat vəzir vəzifəsində çalışmış və kral sarayında Bastetə ibadət edən bir dini lider idi.[1] İtet üç qız və çoxlu oğul anası idi. Onun oğlu Hemiun vəzir vəzifəsində onun ərinin xələfi seçilmişdir. O, əri ilə birlikdə Meidumda 16 saylı mastabada dəfn olunub. Onların məzarı qazların və digər heyvanların rəsmləri, eləcə də gündəlik ailə həyatının təsvirləri ilə məşhurdur.[2][3][4]
| İtet | |
|---|---|
 İtet və onun iki oğlu (naməlum oğul və Anxerfenecef), Meidumdakı məzardan bir görüntü (Şərq İnstitutu, Çikaqo) | |
| Doğum tarixi | e. ə. III minillik |
| Vəfat tarixi | bilinmir |
| Uşaqları | Cefatsen, İsesu, Hemiun, İsu, Teta, Xentimereş, Pageti, İtisen, İnkaef, Serfka, Vehemka, Şepseska, Kaxent, Anxrşeretef, Anxerfenecef, Buneb, Şepsesneb, Nebxenet |
| Fəaliyyəti | əsilzadə |
İtet və Nefermaatın ümumi uşaq sayı bilinməsə də, onların Meidumdakı məzarında 15 övladının adları qeyd olunub.[5] Cefatsen və İsesu adlı qızları və Hemiun, İsu, Teta və Xentimereş adlı oğulları yetkin kimi təsvir olunublar, Pageti adlı qız və İtisen, İnkaef, Serfka, Vehemka, Şepseska, Kaxent, Anxerşeretef, Anxerfenecef, Buneb, Şepsesneb və Nebxenet adlı oğulları isə balaca uşaq kimi çəkiliblər. Onun oğlu vəzir Hemiun Xufu üçün Böyük Piramidaları planlaşdırmağa kömək etdiyi güman edilir və onun adı tez-tez tikilinin memarı kimi qeyd olunur.[6]
- ↑ Callahan, David. A History of Birdwatching in 100 Objects (ingilis). A&C Black. 14 avqust 2014. ISBN 978-1-4081-8665-7.
- ↑ Davies, Vanessa; Laboury, Dimitri. The Oxford Handbook of Egyptian Epigraphy and Palaeography (ingilis). Oxford University Press. 28 fevral 2020. ISBN 978-0-19-008373-1.
- ↑ Urbani, Bernardo; Youlatos, Dionisios; Antczak, Andrzej T. World Archaeoprimatology: Interconnections of Humans and Nonhuman Primates in the Past (ingilis). Cambridge University Press. 18 avqust 2022. ISBN 978-1-108-48733-7.
- ↑ Santillian, Beatriz; Thomas, Susanna. Snefru: Pharaoh of the 4th Dynasty (ingilis). The Rosen Publishing Group, Inc. 15 iyul 2017. ISBN 978-1-5081-7491-2.
- ↑ Reader, Colin. "The Meidum Pyramid". Journal of the American Research Center in Egypt (ingilis). 51. 2015: 203–224. doi:10.5913/jarce.51.2015.a010 (inactive 12 iyul 2025). ISSN 2330-1880.
- ↑ Dodson, Aidan and Hilton, Dyan. The Complete Royal Families of Ancient Egypt. Thames & Hudson. 2004. ISBN 0-500-05128-3, pp.52-53, 56-61