Salamlar, Elvin Ağayev səhifəsi silinməyə namizədlər səhifələri içərisindədir. Halbuki başqa politoloqların səhifələri silinməyə namizəd göstərilməmişdir. Bununla bağlı fikrinizi öyrənmək istərdim. Öncədən təşəkkürlər (müzakirə) 22:46, 31 yanvar 2023 (UTC)[]

--► Hörmətlə: SolaVirum 01:04, 11 fevral 2023 (UTC)[]

Məqaləmi dəstəkləyib saxlanılmasına qərar verdiyiniz üçün minnətdaram! (müzakirə) 21:22, 26 aprel 2023 (UTC)[]

Salam. Mən sadəcə icmanın qərarı əsasında məqalənin saxlanılmasına qərar verdim. Diqqətiniz üçün mən sizə təşəkkür edirəm. — Baskervill () 21:42, 26 aprel 2023 (UTC)[]

Salam, həmkar. Zəhmət olmasa bu İP'ni bloklayın. Vandalizm redaktələri edir. — Wealszy (müzakirə) 11:48, 27 aprel 2023 (UTC)[]

Salam cənab Wealszy. Hazırdır.— Baskervill () 11:57, 27 aprel 2023 (UTC)[]

Salam, hər vaxtınız xeyir. Dünən SNS-də yekunlaşdırma və arxivləşdirmə apararkən Elif dedim məqaləsini də saxlamısınız, müzakirəni yekunlaşdırıb və arxivləşdirmisiniz. Ümumiyyətlə, yekunlaşdırdıqlarınızı həmən dəqiqə arxivləmək zənn edirəm ki, doğru deyil. Heç deyilsə, 4 gün qalmalı olduğunu düşünürəm. Sonra arxivləyərsiniz, amma bir baxımdan da orası çox qarışıq olur deyə sizə də haqq verirəm. Müraciətimin əsas səbəbi isə budur, siz müvafiq qeyd etdiyim məqaləyə sizdən qısa zaman öncə yazdığım şərhlərə nəzər yetirmisiniz? İstifadəçiləri də teq etmişdim ki, bəlkə əlavə fikir bildirən olar. Siz isə, onu nəzərə almayıb, çox güman, diqqətinizdən yayınıb, yekunlaşdırıb və arxivləşdirmisiniz. Sizdən, ümumiyyətlə, orada iş aparan inzibatçılardan xahiş edirəm ki, şablonlara əsaslanaraq yox, arqumentlərə əsaslanaraq iş aparsınlar. Arqument olmayanda konsensus yoxdur deyə müzakirəni saxlasınlar və çox vaxt ora təqdim edilməməsi gərəkən, yəni sürətli silinəcək səhifələr də təqdim edilir ki, onları da və bəzən ensiklopedik mövzular da təqdim edilir ki, bu iş yükünün artırılmasından başqa heç nəyə xidmət etmir. Sürətli silinəcəkləri də kriteriyalara əsasən silib, ensiklopedik mövzuları müvafiq şablon və düzəlişlərlə saxlamağı və ensiklopedik mövzuları da müzakirəni yekunlaşdıraraq saxlamağı xahiş edirəm. Bütün bunları nəzərə alaraq, yekunlaşdırma və arxivləşdirmə aparmağı sizdən xahiş edirəm. Yaxşı olardı ki, saxlanılan səhifələrin müzakirə səhifələrini də {{qalsın}} şablonu ilə yaradıb, arxivdəki müzakirələrin də keçidini verəsiniz. Həmçinin siz, VP:İM-dəki müriacətlərə cavab olaraq, layihə üzərindəki nəzarəti öz üzərinizə götürdüyünüzü bildirmisiniz. Zəhmət olmasa, BNS-də nəzarətinizdə olsun. Buna görə də sizə yazdım. Təşəkkür edirəm. Hörmətlə, Gadir (müzakirə) 14:57, 27 aprel 2023 (UTC)[]

Diqqətiniz üçün təşəkkür edirəm. Etiraf edirəm ki, SNS-dəki məqalə çoxluğu səbəbindən bəzi səsvermələrin yekunlaşdırılması zamanı xətaya yol vermişəm. Gələcəkdə dediyiniz məsələlərə mütləq diqqət edəcəm. — Baskervill () 20:48, 27 aprel 2023 (UTC)[]

Salam. Mənim idariçiliyimə aid burada keçirilən səsvermədə sizi iştirak etməyə dəvət edirəm. Moses✉ 15:18, 27 aprel 2023 (UTC)[]

salam hörmətli həmkar. mən bununla bağlı bir neçə gün əvvəl Sizə bir neçə dəfə bildirdim, amma hələ ki, addım atmamısınız. lütfən SNS-də yekunlaşdırdığınız yeni başlayan və 3 gündən bir az artıqdır ki, namizəd verilmiş və hələ müzakirəyə qoşulan olmayan müzakirələri ləğv edin. sildiyiniz məqalələri bərpa edərək SNS-da müzakirəsinə şərait yaradın. beləliklə müzakirə davam etsin. həmin məqalələr icazə verin ki, SNS əsasında silinsin. o cür sonlandırma doğru deyildi, ümid edirəm ki, problemi həll edəcəksiniz. təşəkkürlər. Atakhanli (müzakirə) 14:14, 1 may 2023 (UTC)[]

Həmin məqalələrdə niyə bu qədər israr etdiyiniz anlamıram. SNS-də toplanan məqalələri sonradan heç kim arxivləşdirmir və nəticədə, orada 80-100 arası məqalə cəmləşir. Dediklərinizi bir necə gün sonra edəcəm. Hal-hazırda zaman darlığı yaşayıram bir balaca. Hörmətlə:— Baskervill () 22:53, 1 may 2023 (UTC)[]

@Baskervill salam hörmətli həmkar. mənim inzibatçı seçkimdə səsinizin ilk öncə lehinə olduğu halda, müzakirə səhifənizə yazdığım bu mesajdan sonra birdənbirə əleyhinə olaraq dəyişməsini təsadüfi saymıram açıqcası. bu mənim şəxsi fikrimdir təbiiki və səsinizdə tam azadsınız digər istifadəçilər kimi. amma onu da qeyd edim ki, 2011-ci ildən vikipediyada olan bir inzibatçıdan belə addım mənə görə heç də xoş deyil. mən seçki boyu istisnasız heç bir istifadəçinin müzakirə səhifəsinə yazıb inzibatçılıq seçkimə heç kəsi dəvət etməmişəm, çünki bu öz şəxsi düşüncəmə görə mədəni səs ovçuluğudur. bilirsiz niyə? çünki, mənim inzibatçı seçilib-seçilməmə kimi xüsusi sevdam yoxdur. və indiyə qədər də bir neçə istifadəçidən gələn inzibatçılığa namizədlik təklifini də rədd etmişəm. və bu rəyimi də lütfən elə qəbul edin ki, məqsədim sizin səsinizi əleyhinədən lehinə doğru dəyişdirmək deyil. amma ortada bir səhv varsa, lütfən doğru variantını göstərin. KM-da bir neçə gün əvvəl sonlandırdığınız SNS-lar ilə əlaqədar sizə ilk olaraq təşəkkürümü bildirib və bəzi yanlışlıqlarınızı düzəltmək üçün izahla bunu bildirmişəm və bir neçə gün də gözləmişəm. daha sonra siz tərəfindən heç bir addım atılmadığını görüb sırf sizin müzakirə səhifənizə bununla bağlı yazmışam. bir inzibatçı mənim lehimə səs veribsə və inzibatçıdırsa onun etdiyi səhvləri onu düzəltməsi üçün ona bildirməyim? ya göz yummağımı gözləyirsiniz? SNS-da sonlandırdığınız məqalələr ilə bağlı az qala hər istifadəçinin mesajına cavab yazıb "mən bu qədər məqalə sonlandırdım"-ları önə çıxartmağa çalışırsınız və etdiyiniz səhvi aradan qaldırmaq üçün bu neçə gündə zaman tapa bilmirsiz və bildirirsiniz ki, SNS-də toplanan məqalələri sonradan heç kim arxivləşdirmir. sizcə, bu arqumentdir? əgər məqalə 3 gündür SNS-ya təqdim olunubsa və heç bir kəs SNS-da iştirak etməyibsə onu hansı haqla sonlandırıb silirsiniz? onda SNS-nin nə mənası qalır? hörmətli həmkar, gözləntiniz nədir? ya gözləyirsinzi ki, @Solavirum, @Dr.Wiki54, @White Demon ya @NMW03 mənə qarşı bitərəf qalıbsa onu lehinəyə cəlb etmək üçün durub nəyisə səhv edirsə bunu ona bildirib həll olunmasına nail olmaqdansa durub hər redaktəsinə təriflər yağdırım?

mən inzibatçı seçilsəm də, seçilməsəm də, bu mövqeyimdən vaz keçməyəcəm. hansı ki, bu mövqe vikiyə ancaq fayda verir. (bununla bağlı @Gadir müzakirədə açıqlayıcı gözəl rəy verib) mən obyektivəm və kiməsə qarşı qərəz güdmürəm. bəzən aqressiya kimi görünməm də yəqin ki, elə bu mövqedəndir. inzibatçı seçilsəm, son dəyişikliklərdən aktiv inzibatçı axtarıb tapmaq yerinə problemləri özüm həll edəcəm. nəticədə gecələr @Sortilegus ya digər inzibatçılar müzakirə səhifəsində daha az mesaj alar)) seçilməsəm də, SNS-da aktivliyimdən dolayı zaman-zaman uzun-uzun müzakirələrə girdiyimiz @Onyeddi @Elshad Iman (Elşad İman) @Samral kimi istifadəçilərdən bu gün lehinə almaq daha xoşdur, nəin ki, inzibatçı seçilməm.

yeni inzibatçılıq seçkiləri keçirilir? niyə? çünki hər kəs vikidə inzibatçı aktivliyindən narazıdır. digər istifadəçi arqumentinizdə bildirmisiniz ki, Ümumiyyətlə eyni anda 4 nəfərin idarəçi namizədi olması və ya kimlərsə tərəfindən təqdim edilməsi, prosesin qeyri-ciddi olduğundan xəbər verir. Azviki kimi kiçik Vikipediyalarda 4-5 nəfər eyni ayda idarəçi seçmirlər... və yenə inzibatçı çoxluğu problem edilir, ümumiyyətlə, aktiv olmayan inzibatçılar öz işinə məsuliyyətlə yanaşsa idi bu seçkilərin heç biri də olmayacaqdı. hansı ki, aktivliyi ancaq kimsə bürokratlara o hüququn alınması ilə bağlı müraciət ünvanlananda yaranır. (bunun 1 yox, 2 yox, dəfələrlə şahidi olmuşam, olmuşuq). yeni inzibatçılıq seçkiləri keçirilir? niyə? çünki hər kəs vikidə inzibatçı aktivliyindən narazıdır. amma kimsə də, kreslosundan durmaq istəmir. Atakhanli (müzakirə) 06:41, 2 may 2023 (UTC)[]

Salam Atakhanli, zəhmət olmasa keçidi və məqalə adlarını qeyd edə bilərsiz bura? — eldarado(müzakirə | fəaliyyət | meta səhifəsi) 07:15, 2 may 2023 (UTC)[]

Eldarado buyurun.

• Aysu Gülməmmədli — 23 aprel təqdim olunub, 27-si yekunlaşdırıb. müzakirədə heç kəs iştirak etməyib.
• Əvəz Qocayev — 23 aprel təqdim olunub, 27-si yekunlaşdırıb. müzakirədə sadəcə Baskervill özü müzakirəni yekunlaşdıran zaman iştirak edib.
• Qafqaz Qarapapaq Türkləri Konfederasiyası — 23 aprel təqdim olunub, 27-si yekunlaşdırıb. müzakirədə sadəcə Baskervill özü müzakirəni yekunlaşdıran zaman iştirak edib.
• Gülməmmədlilər — 23 aprel təqdim olunub, 27-si yekunlaşdırıb. müzakirədə sadəcə Baskervill özü müzakirəni yekunlaşdıran zaman iştirak edib.

mənbə:

qeyd: bu yazımdan sonra istifadəçi bəzi məqalələri yenidən bərpa edib SNS-yə təqdim etdi. ancaq bəziləri hələ ki, qalıb. Atakhanli (müzakirə) 07:31, 2 may 2023 (UTC)[]

 YBaxdım, Əvəz Qocayev xaric digərləri heç SNS-ə çıxarılmalı deyil qaydalara əsasən silinməldiri. Əvəz Qocayev isə müzakirə oluna bilər ki, o da geri qaytarılıb. Hörmətlə — eldarado(müzakirə | fəaliyyət | meta səhifəsi) 07:54, 2 may 2023 (UTC)[]

Atakhanli, təəssüf ki, mənim fikirlərimi yanıltmağa doğru gedirsiniz. Yuxarıdakı yazınızda Nəzakət qaydalarının 4-cü və 11-ci bəndini pozmusunuz. Səsverməniz getdiyi üçün bloklamağım doğru olmaz. İnzibatçılar mübahisəyə meyilli olmamalıdır, əksinə mübahisəli məqamları daha sakit və daha nəzakətli formada müzakirələrə qoşularaq həll etməyə çalışmalıdır. Fəaliyyətiniz çox yaxşıdır və qısa zamanda viki biliklərinizi artırmısınız lakin tək problem müzakirələrdəki üslubunuzdu. Rica edirəm ki, artıq buna diqqət yetirin. Müzakirələrə yazdıqlarınızı iki dəfə yoxlayıb daha sonra yayımlayın. İstəmirəm ki, inzibatçı seçildikdən sonra sizi namizəd kimi irəli sürdüyümə peşman olum. Ümid edirəm ki, bu yazımı diqqətə alıb müzakirələrdəki üslubunuza fikir verəcəksiniz. Hörmətlə — eldarado(müzakirə | fəaliyyət | meta səhifəsi) 11:17, 2 may 2023 (UTC)[]

təşəkkürlər. müzakirələrdəki üslubun yanlış anlaşılmaması üçün daha diqqətli olacam, mənim məqsədim problemləri həll etməkdir, ümid edirəm ki, @Baskervill də xoş niyyətimi anlayışla qarşılayacaq və çalışacam ki, problem olmasın. Atakhanli (müzakirə) 12:11, 2 may 2023 (UTC)[]

Cənab Atakhanli sizi Nəzakət qaydalarına əməl etməyə dəvət edirəm. Əslində yuxarıda yazmış olduğunuz yazı, inzibatçı seçilməyə layiq olmadığınızı, ancaq icmanın başqa bir variantının olmadığını da göstərir. Kim kreslosundan durmaq istəmir ? Siz indi bu sözü kimə soxursuz öz aləminizdə ? 10 ildən çoxdur ki, Azvikinin inkişafı üçün çalışmışam və fəaliyyətim bu gün belə davam edir. Bəziləri kimi özüm, atam, nənəm haqqında məqalələr yaratmamışam və ya idarəçilikdən başqa bütün növ fəaliyyətlərlə məşğul olmamışam. Sizin yazı üslubunuz kökündən səhvdir. Hökmlü, ədalı tonda danışmaq düşünməyin ki, sizə baş ucalığı gətirəcək. Gör vəziyyət nə yerdədir ki, sizi idarəçi namizədi kimi təqdim edən Eldarado belə öz əməlindən peşiman olub.— Baskervill () 00:22, 4 may 2023 (UTC)[]

hörmətli həmkar. müzakirədə yazdığım şərhi bura da əlavə edirəm: vikipediyada 10 ildən artıqdır ki, qeydiyyatda olmağınız çox gözəldir və bununla bağlı sizi təbrik edirəm. ancaq mən müzakirənin heç bir yerində "kreslonu zəbt etmək" ifadəsini istifadə etməmişəm, lütfən provokasiyaya yol verməyək. 2-si də başqa-başqa ifadələrdir. kreslodan durmaq ifadəsi dilimizdə aktiv işlənən sözdür və kobud söz kimi hesab etmirəm. zatən belə olmasaydı kiməsə qarşı da istifadə etməzdim. amma bütün hallarda sizə qarşı nəzakətsizlik kimi hesab edirsinizsə bunu üzürlü hesab etməyinizi rica edirəm. əlavə də olaraq nəzakət mövzusuna gəldikdə, fikirlərimi yuxarılarda bildirmişəm və daha üstünə düşəcəm ki, fikirlərim nəzakətsizlik kimi qəbul edilməsin. və belə hesab edirəm ki, bir istifadəçi sırf mənim lehimədir deyə, aman səhvini düzəltməsi üçün ona bildirməyim, birdən səsini dəyişib mənə əleyhinə olar, ya birdən müzakirəni digər istifadəçilər də oxuyar, fikirlərini əleyhinə dəyişər prinsipi ilə problemə yanaşsa idim, özümü nəinki inzibatçılığa, heç vikipediyaya da layiq görməzdim. amma əlbəttə, daha diqqətli olmaq lazımdır, necə dəyərlər, qaş düzəltmək əvəzinə vurub göz çıxaranlardan olmayım)) və ümidliyəm ki, gələcək hüququnundan asılı olmayaraq hər birimiz sülh altında vikipediyaya faydalı töhfə verməyə davam edəcəyik. uğurlar :) Atakhanli (müzakirə) 05:15, 4 may 2023 (UTC)[]

Salam, hörmətli Baskervill. Sizi Bilirsinizmi bölməsi ilə bağlı narahat edirəm. Əvvəla qeyd edim ki, Bilirsinizmi bölməsindəki son töhfələriniz çox gözəldir, ölkələr üzrə buraxılışlar yaratmaq əslində gözəl ideyadır. Mən özüm də bu bölmənin aktivliyi üçün bir müddət çalışmışdım. Amma sizin yaratdığınız buraxılışlarla bağlı böyük bir iradım olacaq. Məsələ burasındadır ki, Bilirsinizmi bölməsi Vikipediya məqalələrindəki faktlar əsasında yaradılır. Yəni həmin məlumatlar müvafiq məqalələrdə öz əksini tapmalıdır. Amma yaratdığınız buraxılışlarda bunun əksinə şahid oldum. Məsələn, Argentina haqqında yaratdığınız buraxılışda radio ilə bağlı fakt nə Argentina məqaləsində, nə də radio məqaləsində yer alıb. İtkin adamların dövrü və Vəli bəy Yadigar ilə bağlı faktlar da müvafiq məqalələrin mətnində qeyd olunmayıb. Oxucunun bu faktları oxuduqdan sonra onları müvafiq məqalələrdə tapa bilməməsi problem yaradır.

Mən bir müddət əvvəl Bilirsinizmi üçün buraxılışlar hazırlayırdım və həmin buraxılışlardakı bütün faktları məqalələrdən götürürdüm. Nümunə kimi bu yaratdığım bu buraxılışlara nəzər yetirə bilərsiz: 34-2021, 38-2021, 42-2021, 43-2021, WhiteDem✪n 21:06, 5 may 2023 (UTC)[]

Salam, cənab White Demon. Diqqətiniz üçün təşəkkür edirəm. Gəlin qəbul edək ki, Bilirsinizmi bölməsi ən çox diqqətdən kənarda qalan bölmələrdən biri olub hər zaman. Faktiki olaraq heç bir idarəçi və ya aktiv istifadəçi həmin bölmə ilə bağlı son illərdə ardıcıl fəaliyyət göstərməyiblər. Bilirsinizmi bölməsi ilə bağlı Azvikidə müvafiq qaydanın qəbul edilməməsi səbəbindən, siz deyən məsələnin ciddi problem yaradacağına inanmıram. Yəni Azvikidə olan məqalələr əsasında həmin bölməni zənginləşdirməmək hər hansısa bir qaydanı pozurmu ? Digər bir tərəfdən həmin bölmədə yeni məqalələr haqqında məlumatlar yaratmaq və onları qırmızı keçidlərlə göstərməklə istifadəçiləri həmin məqalələri yaratmağa həvəsləndirməkdə mümkündür. — Baskervill () 16:48, 6 may 2023 (UTC)[]

Qayda pozuntusuna yol verdiyinizi nəzərdə tutmurdum, sadəcə məsələyə daha məntiqi cəhətdən yanaşmağa çalışıram. İstər EnViki, istər TrVikidə buraxılışlar məqalələrdəki faktlar əsasında hazırlanır, hətta istinadlı fakt olması tələb olunur. Əgər AzVikidə həmin faktlar məqalələrdə yoxdursa, buraxılışların əvvəlində niyə görə "Vikipediya məqalələrindən" qeydi var? Bundan əlavə, belə bir problem var: oxucu Ana səhifəyə çıxarılmış həmin faktın doğru olub-olmadığını necə yoxlayacaq? Fakt məqalədə yoxdursa, oxucunun həmin maraqlı faktın doğru olub-olmadığını birbaşa müəyyən etməsi mümkün deyil. WhiteDem✪n 16:59, 6 may 2023 (UTC)[]

Dediklərinizdə həqiqət var. Təklif edirəm ki, gələcək həftədən etibarən, bölmənin üzərindəki "Vikipediya məqalələrindən" başlığını silək və beləcə heç bir anlaşılmazlıqda olmasın. Envikidə 6 milyon məqalə var, ancaq bizdə hər bir ölkə haqqında o ətraflı məqalələr tapmaq hələ ki, mümkün deyil. Əgər bunu əhəmiyyətli bir problem olaraq görürsünüzsə, təklif edirəm ki, Kənd meydanında müzakirə edilsin. Mənim ən azı 100 ölkə haqqında belə başlıqlar hazırlamaq fikrim vardı. Həvəsdən düşdüm bir balaca :) — Baskervill () 17:02, 6 may 2023 (UTC)[]

Mən düşünürəm ki, Kənd meydanında müzakirə açıb Bilirsinizmi bölməsi ilə bağlı sistemi, qaydaları oturdaq. Digər Vikipediyalarda bu məsələyə ciddi yanaşılır, faktın uzunluğu, istinadlı olması, məqalədə olması kimi nüanslara diqqət yetirilir. Mən iyun ayında Bilirsinizmi bölməsi ilə bağlı geniş islahatlar işləməyi və təklif etməyi planlaşdırıram. Düşünürəm ki, bu bölmənin belə diqqətdən kənarda qalmasının səbəblərindən biri bölmə ilə bağlı sistemimizin olmamasıdır. İstifadəçilərə bu bölməyə fakt təqdim etmək üçün yol təqdim etməliyik, elə etməliyik ki, istifadəçilər fəxrlə deməlidirlər ki, "mənim x sayda təqdim etdiyim fakt Ana səhifəyə çıxıb". WhiteDem✪n 17:11, 6 may 2023 (UTC)[]

Belə bir müzakirənin həmin bölməyə faydadan çox zərər vuracağına inanıram. İcma bir deyəcək ki, Azvikidə olan məqalələr haqqında yeni bölmələr yardılsın və beləliklə heç kim ora maraq göstərməyəcək. Siz təsəvvür edin ki, 2023-cü il şablonu hələ yaradılmamışdı və mən onu bir necə gün öncə yaratdım. Məsələn, sonuncu dəfə Bilirsinizmi bölməsi üçün kim tərəfidən yeni bir başlıq hazırlanıb ? Faktiki olaraq həmin bölmə unudulub və heç kim tərəfindən yenilənmir. Vəziyyətin belə olduğu bir məqamda, mənim ölkələr haqqında başlıqlar hazırlamam və həmin başlıqlar əsasında qırmızı keçidlər əlavə etməm daha yaxşı olmazdımı ? Ordakı fakt kiməsə maraqlı gəlsə, həmin məqaləni Azvikidə də yarada bilərdi. Bölmənin yuxarı hissəsində olan Vikipediya məqalələrindən hissəsini də ləğv edə bilərik. — Baskervill () 16:48, 7 may 2023 (UTC)[]

Mən də onu izah etməyə çalışıram ki, bu bölmənin diqqətdən kənarda qalmasının səbəblərindən biri Bilirsinizmi bölməsi ilə bağlı sistemizin və qaydaların olmaması ilə bağlıdır. Təsəvvür edin ki, Seçilmiş və ya Yaxşı məqalə üçün tələblərimiz yoxdu, namizədlik və qiymətləndirmə sistemi yoxdu, inzibatçılar bəyəndikləri, yaxşı hesab etdikləri məqalələri Ana səhifəyə çıxarırlar. Belə olan halda bizdə Seçilmiş və ya Yaxşı məqalə yaratmaq kiminsə marağında olardı? Bundan əlavə, daha əvvəl də dediyim kimi, məqalələrdə olmayan faktları həmin bölmədə verəndə, oxucular həmin faktın doğruluğunu yoxlaya bilmirlər, Ana səhifə əsasən oxucular nəzərdə tutulub. Məsələn, hazırda Bilirsinizmi bölməsində ağ ayı dustaqxanası haqqında yazdığınız faktda qeyd olunub ki, həmin tikili əvvəllər təyyarə anqarı olub, amma məqalənin içərisində qeyd olunub ki, əvvəllər morq olub. Sizcə də belə qeyri-dəqiqliklər oxucularda çaşqınlıq yaratmayacaq? Oxucu və ya istifadəçi üçün faktın doğru olub-olmadığını müəyyən etmək daha vacibdir. WhiteDem✪n 20:18, 7 may 2023 (UTC)[]

Salam. Siz mənim yaratdığım " Cavadov Elçin Məhəmməd oğlu" səhifəsini ensklopedik əhəmiyyətli şəxs olmamasını səbəb gstərib silmisiniz. Cavadov Elçin Məhəmməd oğlu, Gəncə Dövlət Universitetinin "Ümumi texniki fənlər və texnalogiya" kafedrasının müdiri,Texnika elmləri üzrə fəlsəfə doktoru, dosentdir. Tədqiqatçı alimdir,hal-hazırda doktorluq dissertasiyası üzərində işləyir. Çox saylı dərs vəsaitlərinin, elmi kitab və məqalələrin müəllifidir.Kitabları istifadiçilər tərəfindən internetdən çox sayda endirilib. Düşünürəm Cavadov Elçin Məhəmməd oğlu ensklopedik şəxs kriteryasına uyğun gəlir. Ola bilər məqaləni tam işləməmiş vikipediləşdirmişəm. Xahiş edirəm, köməklik ediin, məqaləni qaralama halına qaytarın. Üzərində yenidən işləmək istəyirəm. Arif Qiyas (müzakirə) 20:28, 6 may 2023 (UTC)[]

Salam, cənab Arif Qiyas. Şəxsin Ensiklopedik əhəmiyyətlilik kriteriyalarına cavab vermədiyi üçün silmək məcburiyyətində qaldım. Yenidən, məqaləni yaradıb SNS-ə təqdim edə bilərik və şəxsin ensiklopedik olub-olmadığını icma dəyərlənirə bilər. Təəssüflər olsun ki, sözügedən məqaləni zənginləşdirməkdə sizə köməklik edə bilməyəcəm. Buna zamanım yoxdur.— Baskervill () 16:51, 7 may 2023 (UTC)[]

Salam,cənab Baskervili. Siz məsləhət gördüyünüz kimi "İş gedir" şablonu qoysamda, bu dəəfədə cənab @White Demon White(İ)Dem✪n imkan vermədi məqaləni sona çatdırım. Elçin Cavadov məqaləsi yenidən silindi. Çox xahiş edirəm inzibatçılar imkan versin məqaləni tam başa çatdırım, zənginləşdirim. Cavadov Elçin Məhəmməd oğlu, Gəncə Dövlət Universitetinin "Ümumi texniki fənlər və texnalogiya" kafedrasının müdiri,Texnika elmləri üzrə fəlsəfə doktoru, dosentdir. Tədqiqatçı alimdir,hal-hazırda doktorluq dissertasiyası üzərində işləyir. Çox saylı dərs vəsaitlərinin, elmi kitab və məqalələrin, 4 ixtiranın müəllifidir.Kitabları istifadiçilər tərəfindən internetdən çox sayda hər gün endirilir. Düşünürəm Cavadov Elçin Məhəmməd oğlu ensklopedik şəxs kriteryasına uyğun gəlir. Arif Qiyas (müzakirə) 02:52, 8 may 2023 (UTC)[]

Sözügedən məqalə 2022-ci ilin noyabrında SNS-dəki müzakirə əsasında silinmişdi. WhiteDem✪n 03:26, 8 may 2023 (UTC)[]

Başqa istifadəçi tərəfindən hazırlanmış məqalə 2022-ci ilin noyabrında SNS-dəki müzakirə əsasında silinmişsə, bu məqaləni yenidən işləmək olmurmu? Mən bu məqaləni yenidən işləyirdim və şəxsin ensklopedik olmasına aid kifayət qədər mənbə göstərə bilərəm. Nədən imkan vermirsiz məqaləni axıra çatdırım? "İş gedir" şablonu qoysam belə, məqaləni sona çatdırmamış silirsiz. Xahiş edirəm, imkan verin məqaləni sona çatdırım, sonra istərsiz yenidən SNS-də müzakirə edərsiz. Arif Qiyas (müzakirə) 04:02, 8 may 2023 (UTC)[]

Salam hörmətli Baskervill. Sizi bu səhifədə keçirilən səsvermədə iştirak etməyə dəvət edirəm.-Wikipediya M (müzakirə) 15:22, 15 may 2023 (UTC)[]

İştirak etdim hörmətli Wikipediya M. Diqqətiniz üçün təşəkkür edirəm.— Baskervill () 21:58, 16 may 2023 (UTC)[]