AzWikiThinker

Hacı Ələkbər Alxanlı (Hacı Ələkbər kimi tanınır) XII sonu XIII əsrin əvvəllərində Şahbuz qəzasının Kənd Şahbuz kəndinə İrandan köçmüşdür. Alxanlı nəslindən olmuşdur. Bəy nəslinin varislərindən olmuşdur. Xeyriyyəçiliklə tanınan bəy nəslinin davamçısı olmuşdur. Çevriliş zamanı dövlət tərəfindən bütün var-dövləti müsadirə olunmuşdur. Hacı Ələkbər Əli oğlu Alxanlı 1805-cü ildə İrəvan Quberniyası Naxçıvan Mahalı Şahbuz Qəzasında Çay-Şahbuz kəndində yaşamışdır, indiki Şahbuz şəhərində yaşamış, Qoridə təhsil almışdır. Demokratik Cümhuriyyət dövründə milli orduya çoxlu yardımlar etmiş, indiki Şahbuz şəhərində Haciyeri deyilən 300 hektar ərazini əhalinin məskunlaşması üçün abadlaşdırmış və kəndlilərin öz təsərrüfatlarını formalaşdırması üçün hazırlamışdır. Bəy nəslindən olduğundan Sovetləşmə zamanı repressiya qurbanına çevrilmişdir. Bütün mal və mülkü müsadirə edilmişdir və özü isə öldürülmüşdür. Kəndlilərə daimi dəstəyilə fərqlənmişdir. Sovet dövlətinin qurulması zamanı təyin edilmiş bir kəndxuda kəndliləri çox incidərmiş. Hacı Ələkbər bir gün kəndxudaya yaxınlaşıb kəndliləri incitməməsini xahiş edir. Kəndxuda isə öz vəzifəsinə və ruslara arxalanaraq onu da acılayır. Hacı onsuz da əlindən alınmış var-dövlətindən qorxmayan biri olduğundan mübarizədə davam etmək qərarına gəlir. Öz karetasına minir və "Irəvana gedirik" deyib İrəvana - birbaş qubernatorun yanına gedir. Orada qubernatorla uzun sürən müzakirələrindən sonra kəndxudanın Ərizəsini geri oxutdurub, kağızı da götürüb Şahbuza qayıdır. Kəndxudanın qəbuluna gəlir və Ərizəsini ona uzadıb, "...vəzifəli ol, pullu ol, savadlı ol, amma kasıbları heç vaxt incitmə!" deyib evinə qayıdır. Sonra qubernatorun növbəti kağızı gəlir və kəndə kasıb təbəqədən olan bir kəndxuda təyin olunur. Və gələn yeni kəndxuda, diqqətində hər şeydən öncə kasıbların olmasını bir qayda olaraq qəbul edirlər. İndi də Şahbuzun ənənələrində kasıbı incidənlər haqda heç də yaxşı fikirlər səslənmir. Oğlu Əlini rus bolşevikləri oldürmüşdür. Nəvəsi Ələkbərov Əbülfəz Əli oğlu bəy nəvəsi kimi atasınını gözləri qarşısında öldürülməsi, rus bolşeviklərinin təqibləri, repressiya illərini qorxusuna baxmayaraq, təhsilini çətinlilərlə də olsa davam etdirərək vergi müfəttişi, baş büdcə müfəttişi, əmanət kassasının baş mühasibi, iaşə xidmətində baş mühasib, tədarük idarəsində baş mühasib, Naxçıvan şəhərində bir sıra rəhbər vəzifələrdə, rabitə sahəsində rəhbər vəzifələrdə işləmişdir. Şahbuz rayonunda və işlədiyi sahələrdə layiqli fəaliyyətinə görə xalq arasında halal adam adıyla daim xatırlanır. Müfəttiş kimi hətta təklif olunan yeməkdən belə imtina edən Əbülfəz kişi vəzifəsinə daim sadiqliyi ilə fərqlənmişdir. Stalin dövrünün çətinlikərinə dözə bilən Əbülfəz Ələkbərov, ruhani qızı olan anasının tərbiyəsilə, nahar adıyla işdən çıxıb, günorta namazını evdə gizlin qılarmış. Bacısı Sara xanım öz nökərinə ərə gedib. 1905-ci ildə Əbülfəz kişinin qaynanası Salatın Hüseynova qardaşı Məhəmmədlə erməni müsəlman davasında İrəvan Quberniyası Naxçıvan Mahalının Sədərək yaşayış məskənindən çay-Şahbuz kəndinə köçüblər. Abduləli (Abı ləhcəsi ilə tanınan əkinçi) ilə ailə quran Salatın xanımın qızı Laləzar xanımla evlənən Əbülfəz kişi gözəl övladlara atalıq edir. O ailəsində 5 fizika və riyaziyyatçı, 2 mühəndis yetişdirir. Repressiya illərindəki çətinliklərlə qarşılaşan Əbülfəz kişi Hacı Ələkbər nəslinin layiqli davamçısı olmuşdur.