Salamus aleykumus! Azərbaycanca Vikipediya daxil olmaqla Vikimedia layihələrində artıq yekə bir 10 ilim tamam olmaq üzrədir. Saytda 21 may 2015 tarixində (təxmini 17 yaşımda) qeydiyyatdan keçmişəm və hələdə niyə burdayam onu bilmirəm. İlk redaktələrə o vaxtki maraq dairəmdə olan Azərbaycan-türk tarixi ilə bağlı məqalələr üzərində başladım. Elə də Səfəvilər məqaləsi üzərində olub. İlk dövrlərdə dəstəklərinə görə Sabuhi from Baku və Samrala təşəkkür edirəm.

Burada çoxlu fərqli simalarla tanış olmuşam. Həmçinin bu 10 ildə icmanın bariz şəkildə necə dəyişdiyini izləmək ayrılıqda maraqlıdır. Daimi bir xətt üzrə fəaliyyəti sevmirəm. Yenilikləri daha çox sevirəm və buna görə də tez-tez fəaliyyət yönümdə dəyişikliklər edirəm. Layihədə 2018-ci ildən inzibatçı, 2022-ci ildən isə bürokrat seçilmişəm. Etimadına görə icmaya təşəkkür edirəm.

Bu yazını özlüyündə biraz raport kimi də düşünürəm və bu 10 ildə nə etdiyimi aşağıda qeyd etmək istəyirəm.