Ziya Suleymanly

Süleyman Xanzadə oğlu Aliyev (şəhid) -20 iyun 1960-cı ildə Qazaxıstanın Kustanay şəhərində anadan olub.1961-ci

ildən 1 yaşından etibarən isə ata yurdu olan Qərbi Azərbaycanın Zəngəzur mahalının Qızıl-Şəfəq kəndində böyüyüb boya-başa çatmışdır.Ailədə 8 uşağın ən böyüyü olub,orta təhsilini 1977-ci ilde bitirib.1978-80-ci illərdə Estoniya SSRİ-də hərbi xidmətdə olub.1982-ci ildə ailə həyatı qurub və 3 övladı var.1988-ci ildə məlum hadisələrlə bağlı ailəsi ilə birlikdə Rusiyaya köçüb.Lakin burada 1 il yaşadıqdan sonra 1989-cu ilin axırları Bakıya Pirallahı qəsəbəsinə köçüb və il yarım neft daşlarında neftçi kimi işləyib.1991-ci il yenicə ermənilərdən boşalmış Xanlar (indiki Göygöl) rayonunun Çaykənd kəndinə köçür,artıq müharibə başlamışdı.O könüllü Xanlar taboruna yazılır və vətəni uğrunda döyüşməyə başlayır.Ağdərə,Tərtər,Goranboy,Başkənd kimi uğurlu döyüşlərdə iştirak edir.Dəfələrlə düşmənə ağır zərbələr vurub.Artıq onu ermənilər tanıyırdı (qeyd edim ki, Süleyman Alıyevin 195 sm boyu vardı) və göstərdiyi igidliyə görə bir-neçə dəfə dövlət tərəfindən mükafatlandırılmışdır.Şəhidin son döyüş yeri Ağdərənin Mağadız kəndi olub.Qızğın gedən döyüşdə döyüş yoldaşı Novruz Məhərrəmov ağır yaralanaraq neytral bölgədə qalır və bunu görən Süleyman onun düşmənə əsir düşəcəyindən ehtiyat edərək düşmənə atəş aça-aça onun yanına gedir və sürüyərək səngərə tərəf gətirir,lakin səngərə girməyə düşmən snayperi aman vermir.Güllə onun ürəyindən dəyir və 29.06.1992-ci il o, şəhidlik zirvəsinə ucalır.Döyüş yoldaşlarının dediyinə görə o yerə yıxılanda barmaqları ilə 3 rəqəmini göstərdi və bununla o 3 övladını işarə edirmiş.Süleymanın vurulduğunu görən yoldaşları həmin an qalxaraq hücuma keçirlər,bütün erməni postlarını darmadağın edərək kəndi ələ keçirirlər. P.s: Çaykəndin ilk şəhidi olaraq,Çaykənd kənd orta məktəbin adı onun adını daşıyır.