Zahid Şirinli

Zahid Şirinli (tam adı: Zahid Xanlar oğlu Şirinov; 3 noyabr 2000, Tapqaraqoyunlu, Goranboy, Azərbaycan) — Azərbaycan şairi, musiqili meyxana ifaçısı və söz yazarı. Müxtəlif janrlarda – sevgi, vətən, ailə və təbiət mövzularında yazdığı şeirləri və ifa etdiyi mahnıları ilə tanınır. TikTok və sosial media platformalarında yayımlanan ifaları gənclər arasında geniş auditoriya qazanmışdır.

Zahid Şirinli 3 noyabr 2000-ci ildə Goranboy rayonunun Tapqaraqoyunlu kəndində anadan olub. Ailədə iki qardaşdan biridir. Orta təhsilini Niyazi Aslanov adına Tapqaraqoyunlu kənd tam orta məktəbində alıb. Uşaqlıqdan şeir və meyxana janrına maraq göstərib, məktəb tədbirlərində aktiv iştirak edib. Hazırda Bakı şəhərində yaşayır və yaradıcılığını davam etdirir.

Zahid Şirinli 7-ci sinifdə oxuyarkən yazdığı ilk şeiri – “Kəlbəcər” ilə bədii fəaliyyətinə başlayıb. Sonradan yazdığı çoxsaylı şeirləri və ifa etdiyi musiqili meyxanalarla sosial şəbəkələrdə tanınmağa başlayıb. Oxuduğu bütün mahnıların sözləri və musiqiləri özünə aiddir. Əsas yaradıcılıq istiqaməti musiqili meyxana janrıdır.

Onun şeirlərində sevgi, vətən, valideyn, təbiət və ictimai hisslər mühüm yer tutur. Zahidin şeirlərinə səmimiyyət, lirika və emosional təsir gücü xasdır. Dinləyiciləri xüsusilə “Toyuna gəlmişdim” şeirini yüksək qiymətləndirir.

Məşhur əsərləri:

• “Gecənin bir aləmi” (mahnı)
• “Xəyanət” (şeiri)
• “Toyuna gəlmişdim” (şeiri)

• “İstedad” TikTok yarışması – 3-cü yer, diplom
• “Söz Savaşı” adlı şeir müsabiqəsi – 2-ci yer, diplom
• Səlis qiraət üzrə göstərdiyi bacarıqlara görə – təşəkkürnamə

Zahid Şirinlinin şeirləri və ifaları aşağıdakı internet platformalarında yayımlanır:

• YouTube – Zahid Şirinli
• TikTok – Zahid Şirinli
• Instagram – Zahid Şirinli
• Facebook – Zahid Şirinli

Yazılı şeirləri və bioqrafiyası Yazyarat.com saytında da yer alır.

Hazırda ilk şeirlər kitabının nəşri üzərində işləyir.