Gülmurad Xanmurad oğlu Bəbirov — Azərbaycanlı xalça rəssamı, Azərbaycan Rəssamlar İttifaqının üzvü. O, 1958-ci il avqustun 26-da Bakı şəhərində anadan olub.

Gülmurad Bəbirov 1973-1977-ci illərdə Ə. Əzimzadə adına Azərbaycan Rəssamlıq Akademiyasını bitirib. Sonra 1982-1987-ci illərdə M.Əliyev adına Azərbaycan Dövlət İncəsənət İnstitutunda təhsilini davam etdirib.

Bəbirov süjetli və ornamental xalçaların müəllifidir. Onun yaradıcılığında miniatür janrı və şərq üslubuna böyük üstünlük verilir. O, yun və ipəkdən müxtəlif ölçülərdə orijinal xalçalar toxuyur. Həmçinin, Bəbirov Azərbaycanın milli xalça sənətinin inkişafına böyük töhfələr verib.^[1]

Gülmurad Bəbirovun əsərləri müxtəlif ölkələrdə nümayiş etdirilib. Onun xalçaları Almaniya, Bolqarıstan, Monqolustan, Ukrayna, Birləşmiş Ərəb Əmirlikləri və digər ölkələrdə sərgilənib.

Onun ən məşhur əsərlərindən bəziləri arasında "Leyli və Məcnun", "Ovçuluq", "Beyrəklə Banuçiçəyin görüşü" və "Muğam" adlı xalçalar yer alır. Bu əsərlər Azərbaycan xalçası və xalq tətbiqi sənəti Dövlət Muzeyində saxlanılır.^[2]

2023 cü ildə "Yalnız sevənlər üçün'" adlı şerilər kitabının təqdimatı olmuşdur^[3]

Beynəlxalq simpoziumlarda da fəal iştirak edib və əsərləri müxtəlif sərgilərdə nümayiş olunub. Adları dəyişdirilmiş Azərbaycan xalçaları mövzusunda çıxış edib

• “Min bir gecə”
• “Şahın ov məclisi”
• “Şeyx Zahid ibn-Sultan Əl-Nəhyan” portret xalçası

Gülmurad Bəbirov haqqında bir çox televiziya proqramı və film hazırlanıb. Onun sənətini və yaradıcılığını geniş auditoriyaya tanıtmaq məqsədilə müxtəlif yerli telekanallarda dərslər^[4],reportajlar və sənədli filmlər yayımlanıb. Bu verilişlərdə rəssamın xalça sənətinə verdiyi töhfələr, əsərlərinin yaradılması prosesi və sənətinin unikal cəhətləri geniş şəkildə işıqlandırılıb.^[5] Həmçinin, Bəbirov haqqında hazırlanmış filmlər və verilişlər, onu daha da tanıdan və geniş auditoriyaya çatdıran əhəmiyyətli layihələrdir.^[6]

1. ↑ "Xəzər TV Bakı Gündəliyi - 26.01.2025".
2. ↑ "Azərbaycan Dövlət Xalça Muzeyi".
3. ↑ ""Yalnız sevənlər üçün'" adlı kitabın təqdimatı © Gülmurad Bəbirli".
4. ↑ "Mədəniyyət TV, Ornamentlərin quruluşu, onların xalçanın aralıq hissəsində və haşiyəsində toxunması-Xalçaçı ixtisası".
5. ↑ "14 TV, Söz Səndə: Pərvin İsmayılzadə - Gülmurad Bəbirov / Azərbaycanın ən qədim sənəti - xalçaçılıq".
6. ↑ "Mədəniyyət TV , Üfüq xətti - Gülmurad Bəbirov (Xalçaçı rəssam)".