Xaliddin

Mahmud Məhəmməd oğlu Əliyev

Mahmud Məhəmməd oğlu Əliyev 1924-ci ildə Qazax rayonunun Yuxarı Salahlı kəndində kəndli ailəsində anadan olmuşdur. 1933-cü ildə Yuxarı Salahlı kəndində natamam orta məktəbə daxil olub, 1940-cı ildə həmin məktəbin 8-ci sinfini bitirmişdir. 1940-cı ildə Qazax rayon Kənd Təsərrüfatı Texnikumuna daxil olub, 1942-ci ildə texnikumun 2-ci kursunda oxuyarkən sentyabr ayında ordu sıralarına çağırılmışdir. 1942-ci ilin sentyabr ayından dekabr ayına qədər Qara Dəniz Hərbi Donanmasında matros və kursant olmuşdur. 1942-ci ilin dekabr ayından 1945-ci ilin may ayına qədər olan dövrdə 83-cü Qırmızı Bayraqlı Qara Dəniz Donanması briqadasının tərkibində olmaqla “Kiçik Torpağa” ilk dəfə desant kimi düşərək qanlı döyüş əməliyyatlarında iştirak etmişdir. İki dəfə agir yaralanmış və sağlamlığı bərpa edildikdən sonra yenidən agir döyüşlərə qatılmışdır. 1947-ci ilin mart ayında Berlin şəhərində ordu sıralarından tərxis edilmişdir. Həmin vaxtdan 1947-ci ilin sentyabr ayına qədər Yuxarı Salahlı kəndində Kalinin adına kolxozda hesablayıcı işləmişdir. 1947-ci ilin sentyabr ayından 1948-ci ilin may ayına qədər Qazax Kənd Təsərrüfatı Texnikumunda yarımçıq qalmış təhsilini davam etdirərək zootexnik ixtisasına yiyələnmişdir. Həmin vaxtdan 1953-cü ilin fevral ayına qədər zootexnik və kolxoz sədrinin müavini vəzifələrində işləmiş, 1953-cü ilin fevral ayından 1968-ci ilin yanvar ayına qədər isə Vaqif adına kolxozda kolxoz sədri, 1968-ci ilin yanvar ayından 1969-cu ilin fevral ayına qədər həmin sovxozda direktor vəzifəsində işləmişdir. 1969-cu ilin fevral ayından 1971-ci ilin yanvar ayına qədər Qazax rayon Kənd Təsərrüfatı idarəsinin rəisi vəzifəsində, 1971-ci ilin yanvar ayından 1975-ci ilin may ayına qədər Azərb. SSR Sovxozlar Nazirliyinin Tovuz-Qazax rayonlararası trestində rəis vəzifəsində, 1975-ci ilin may ayından 1979-ci ilin iyun ayının 8-ə qədər Vaqif adına sovxozda direktor vəzifəsində işləmişdir. 2 orden və 6 medalı vardır. Qazax rayon Partiya Komitəsinin büro üzvü olmuş, Rayon XDS İK prezidium üzvü, 1963-1967-ci ildə 6-cı, 1967-1971-ci ildə isə 7-ci çağırış Azərb. SSR Ali Sovetinin deputatı olmuşdur. Mahmud Əliyevin rəhbər vəzifələrdə işlədiyi dövrlərdə Qazax rayonu Yuxarı Salahlı kəndinin Kür çayının sel daşqınıarından qorunması üçün Qazax rayon rəhbərliyi elecə də respublika səviyyəsində yuxarı təşkilatlar qarşısinda məsələ qaldıraraq təbirlərin görülməsi və o cümlədən kəndin abadlaşdırılmasında xüsusi xidmətləri olmuşdur. Belə ki, Yuxarı Salahlı kəndində Səməd Vurğun adına poyeziya evinin, sürücülük məktəbinin, 2 mərtəbəli müasir tipli orta məktəbin, 2 mərtəbəli 50 çarpayılıq xəstəxananın, 2 mərtəbəli qonaq evinin, 2 uşaq baxçasının, ATS, poçt, radio qovşağı binasının, kino klubun, dəyirmanın, çörək bişirmə sexinin, şərab zavodunun, agac-mişar sexinin, hamamın, içməli su xəttlərinin çəkilməsi, kəndarası yolların asfaltlanması, kəndin mərkəzi küçələrinin işıqlandırılması, kənddə qaz və işıq, su xətlərinin çəkilməsi, kəndin seldən qorunması üçün kəndarası sel ötrücü kanallarının tikilməsi, kəndin Kür çayı boyunca sel və daşqınlardan qorunması üçün 7 ədəd nəhəng beton bəndin tikilməsinə özünün fədakar əməyi nəticəsində nail olmuşdur. Mahmud Əliyevin 1990-cı ilin may ayının 17-də vəfat etmişdir.