 Hörmətli az-viki istifadəçiləri, Çoxlarınızın bildiyi kimi, 8-10 avqust tarixlərində Böyük Britaniyanın paytaxtı London şəhərində sayca onuncu Vikimaniya konfransı keçirildi. "Polşa Vikimedia Fondu"nun maliyyə dəstəyi sayəsində az-vikini həmin konfransda təmsil edə bildim. Vikimaniya, 2005-ci ildən bu yana hər il dünyanın müxtəlif şəhərlərində Vikimedia Fondunun (VMF) həyata keçirdiyi və ya dəstəklədiyi layihələrin redaktorlarının iştirakı ilə keçirilən beynəlxalq konfransdır. Konfransda onlarla ölkədən yüzlərlə insan iştirak edir, Vikipediyanın və digər əlaqəli layihələrin problemləri və perspektivləri müzakirə olunur, VMF-in və onun yerli nümayəndəliklərinin il ərzində gördükləri işlərə dair məlumatlar verilir, mühazirələr və praktiki görüşlər təşkil edilir. Builki 3 günlük konfrans Barbikan Mərkəzində, paralel olaraq 8 auditoriyada 200-ə yaxın mövzuda mühazirə və praktiki görüşlər şəklində keçirildi. Vikipediyanın qurucusu Cimmi Ueyls, yerli nümayəndəliklərin yaradılmasına icazə verən Nümayəndəliklər Komitəsinin, inkubatordakı layihələrin müstəqil vikilayihə şəklində fəaliyyət göstərməsinə icazə verən Dil Komitəsinin, "Viki Abidələri Sevir" (Wiki Loves Monuments) qrupunun, Vikipediyanı oflayn rejimdə oxumağa imkan verən Kiwix qrupunun üzvləri, qazax və özbək vikiləri üçün əlifba konverterini hazırlamış istifadəçi və digər dillərdəki vikilərin bəzi üzvləri ilə söhbətlərim oldu və fikir mübadiləsi apardıq. Hesab edirəm ki, əldə etdiyim bilikləri az-vikidəki ikili əlifba probleminin həllinə, Vikimedia Fondunun ölkəmizdə yerli nümayəndəliyinin yaradılmasına, məqalələrin sayının artırılmasında botların düzgün tətbiqinə və istifadəçilərimizdə müxtəlif mübahisəli məsələlərə dair düzgün yanaşmanın formalaşdırılmasına sərf edə bilərəm. Hörmətlə, --Wertuose (talk) 22:12, 15 avqust 2014 (UTC)
|
|