Vusal lider

Vüsal Qaraca. Vüsal Şəmsəddin oğlu İsayev (QARACA) 1991-ci il Sentyabr ayının 20-də Beyləqan şəhərində anadan olub. Hələ kiçik yaşlarından fəallığı ilə diqqətləri üzərinə çəkən Vüsal 1998-ci ildə Bakı şəhəri, Nizami rayonu 238 saylı orta məktəbin 1-ci sinfinə daxil olub. 2000-ci ildən etibarən təhsilini Bakı şəhəri, Xətai rayonu 194 saylı orta məktəbdə davam etdirib. Məktəbin ictimai həyatında fəallığı ilə diqqətləri üzərinə çəkən gənc 2009-cu ildə orta məktəbi bitirib. Orta təhsilini müvəffəqiyyətlə başa vuran İsayev sevdiyi "Jurnalistika" peşəsinə yiyələnmək üçün ali məktəbin humanitar fənnlər fakültəsinin jurnalistika ixtisası üzrə bakalavr pilləsinə daxil olub. Universitetdə oxuyarkən "Radio və Televiziya jurnalistikası" fənnindən dərs deyən müəllimi Rövşən Raqifoğlu tərəfindən "LİDER" televiziyasına dəvət olunub. Vüsal İsayev burada özünü təsdiqlədikdən sonra "SƏDA" informasiya proqramında "MÜXBİR" kimi çalışmağa başlayıb. Televiziya fəaliyyətinə başladığı andan babasının adını özünə təxəllüs götürüb və VÜSAL QARACA kimi tanınmağa başlayıb. Sonradan Müəllimi Rövşən Rafiqoğlunun rəhbərlik etdiyi "SƏDA" informasiya proqramının "İDMAN VƏ VƏTƏNPƏRVƏRLİK" redaksiyasının müxbiri kimi çalışıb. Bir müddət sonra həmin redaksiyanın tərkibində fəaliyyət göstərən "SƏDA İDMAN" verilişinin aparıcısı təyin olunub. İdman aparıcısı kimi fəaliyyətini dayandıran Vüsal Qaraca yenidən "XƏBƏRLƏR"in müxbiri olaraq çalışıb. Sonra "SƏDA" informasiya proqramında xəbər aparıcısı kimi çalışmağa başlayıb. 2018-ci ilin Oktyabrında Lider televiziyasından ayrılıb və Arb-24 televiziyasında "xüsusi müxbir" kimi fəaliyyətə başlayıb. 2019-cu ilin Fevral ayının 1-indən etibarən Azərbaycan televiziyasında (AZTV) "müxbir" kimi fəaliyyətə başlayıb. Bir müddətdən sonra "Xəbərlər"in tərkibində yaradılmış "Mobil reportyor qrupu"na rəhbərlik edib. Hazırda "Aztv Xəbər"in prodüseridir. Ailəlidir. 1 qız övladı var.