Tofikmagic

Tofiq İsgəndərli - müasir Azərbaycan illüziya sənətinin banisi. Azərbaycanın ən məşhur, sevilən və ən istedadlı illüzionistidir. Beynəlxalq illüziya festivallarının laureatıdır. 2001-ci ildə Çində keçirilən illüziyaçıların beynəlxalq festivalında ilin 20 ən yaxşı illüzionistindən biri olmuşdur. Uzun müddət Azərbaycan Dövlət Televiziyasında uşaq verilişinin aparıcısı olub və xalq tərəfindən sehrbaz Tofiq əmi kimi tanınıb və sevilib.

Azərbaycanda ilk və yeganə olan Tİ-MAGİC illüziya teatrını yaradıb.

Azərbaycan İllüzionistlər Assosiasiyasının prezidentidir. Azərbaycan dilində ilk peşəkar "Fokuslar" kitabının müəllifidir. Dövlət patenti almış altı illüziya nömrəsinin müəllifidir. Azərbaycandan kənarda - İranda, Türkiyədə və başqa ölkələrdə tanınır. Bakı Uşaq Teatrının aktyorudur və Bakı Dövlət Sirki ilə əməkdaşlıq edir. Hal-hazırda "Şou magiya" adlı böyük illüziya proqramı ilə çıxışlar edir.