İstifadəçi:Teymur Hüseynov Kamran oğlu/Qaralama

Hüseynov Kamal Dadaş oğlu 1937-ci ildə, 28 avqust tarixində Qazıməmməd rayonunda (indiki Hacıqabul rayonu) anadan olmuşdur.

Orta məktəbi bitirdikdən sonra 1957-ci ildə Azərbaycan Dövlət Pedaqoji İnstitutunun fizika və istehsalat əsasları fakültəsinə qəbul olunmuş və 1962-ci ildə həmin fakültəni fərqlənmə diplomu ilə bitirmişdir.

1964-cü ildə ailə həyatı qurmuşdur. 3 övladı var.

Qısa müddət ərzində Əli-Bayramlı rayonunda məktəbdə tədris hissə müdiri vəzifəsində çalışmışdır. Həmin ildə fizika-riyaziyyat fakültəsinin elmi şurasının qərarına əsasən aspiranturaya dəvət olunmuşdur. 1962–1965-ci illərdə fizika fakültəsinin aspiranturasında təhsil almışdır və kafedrada assistent kimi çalışmışdır.

1967-ci ildə "Теплопроводность предельных углеводородов в зависимости от температуры и давления"^[1] ("Doymuş karbohidrogenlərin temperatur və təzyiqdən asılı olaraq istiliyin keçiriciliyi") adlı namizədlik dissertasiyasını müdafiə etmişdir.

1967-ci ildə fizika kafedrasının baş müəllimi seçilmişdir. Eksperimental və nəzəri fizika kafedrasında 28 i̇yul 1971 ildə dosent elmi dərəcəsini almışdır. 1971-ci ildən həmin kafedranın dosent vəzifəsini icra edərək, fizika elminin müxtəlif sahələrindən mühazirələr və seminarlar aparmışdır.

1972-ci ildə Hüseynov Kamal Dadaş oğlu tərəfindən böyük səydən sonra Azərbaycan Dövlət Pedaqoji Universitetində elmi-tətqiqat sektoru yaradılmışdır. Bu şöbədə SSSR-də ən qabaqcıl ali məktəblərdə olduğu kimi elmi-tədqiqat işinin qoyuluşu, icrası və istehsalatda tədbiqi üzrə iş aparılırdı.

1972–1981-ci illərdə elmi sektora rəhbərlik edib. Bu 10 il ərzində həmin şöbədə SSSR-nin müxtəlif şəhərlərində (Moskva, Leninqrad, Kiyev, Novosibirsk, Kişinyov, Ordjonikidze) elmi müqavilələr əsasında xalq təssərüfatı üçün ən vacib olan işləri icra edib və istehsalata tətbiqini başa vurub. Onlarla elmi iş yerinə yetirib. Bakı kondisionerlər zavodu ücün, Azneft birliyi və muxtəlif idarələr ücün maraqlı elmi işlər aparıb və bu işlərin nəticələri istehsalata tətbiq olunub. Bakı kondisionerlər zavodu ücün yapon aparatlarını əvəz edən, böyük iqtisadi fayda verən qurğular Hüseynov Kamalın rəhbərlik etdiyi elmi- tədqiqat şöbəsində hazırlanmışdır.

1979-cu ildə "Исследование термодинамических и переносных свойств ряда кислородосодержащих органических веществ в широком интервале параметров состояния"^[2] ("Oksigen tərkibli üzvi birləşmələrin bir sıra termodinamik və daşınan geniş intervalda parametrlərinin xassələrinin öyrənilməsi.") adlı doktorluq dissertasiyası müdafiə edərək 27 i̇yun 1980-ci ildə texniki elmlər doktoru elmi dərəcəsini almışdır.

Mexanika və molekulyar fizika kafedrasında 1982-ci ilin 15 oktyabr tarixində professor elmi dərəcəsini almışdır.

1983–1989-cu illərdə Azərbaycan "Dövlət Pedaqoji Universitetində" elmi işlər üzrə prorektor vəzifəsində işləmişdir. Fizika və mühəndis kafedralarında dekan və fizika fakültəsində kafedra müdiri vəzifəsində çalışmışdır. Professor Kamal Hüseynov fasiləsiz olaraq 48 il əmək fəaliyyəti göstərmişdir.

Maye və qazların istilik-fiziki xassələrinin tədbiqi sahəsində original qurğular yaratmış, istilik-fiziki xassələrin kompleks təyini ücün 2 üsul təklif etmişdir.

Professor Kamal Hüseynov 123 elmi məqalənin, 2 monoqrafiya, 2 dərsliyin("Mexanikaya giriş","Mexanika") müəllifidir.

16 nəfərin dissertasiya işinin rəhbəri olmuşdur. Onun tələbələri hal-hazırda dosent, professor, Akademiyanın müxbir və həqiqi üzvləri kimi fəaliyyət göstərirlər. Professor Hüseynov Kamal "Azərbaycan Texniki Universitetinin", "Energetika elmi tədqiqat institutunun", "Azərbaycan Neft-Kimya institutunun" doktorluq müdafiə elmi şuralarının üzvü olmuşdur.

O, SSSR-i təhsil əlaçısı və əmək veteranı olmuşdur.

Azərbaycan Respublikası Prezidentinin 2006-cı il 26 dekabr tarixli 1855 nömrəli sərəncamı ilə Hüseynov Kamal Dadaş oğlu nümunəvi, qüsursuz əmək fəaliyyətinə görə "Tərəqqi" medalı ilə təltif edilmişdir.

https://e-qanun.az/framework/12558

https://fizika.adpu.edu.az/index.php/haqq%C4%B1m%C4%B1zda