Tekdam

Elman Eldaroğlu- Elman Eldar oğlu Mustafayev

3 yanvar 1966-cı ildə Yardımlı rayonunun Sırıq kəndində anadan olub. 1973-1981-ci illərdə Sumqayıt şəhərində fəaliyyət göstərən 17 saylı orta məktəbdə 8 illik təhsil aldıqdan sonra 1981-1985-ci illərdə Sumqayıt Politexnik Texnikumunda orta-ixtisas təhsilinə yiyələnmiş, eyni zamanda "Sosialist Sumqayıtı" qəzetində fəaliyyət göstərmiş iki illik jurnalist kursunda təhsil alaraq həmin qəzetin ştatdankənar müxbiri olub. 1985-1987-ci illərdə əsgəri xidmətini keçib. 1987-1993-cü illərdə istehsalatdan ayrılmadan ali texniki təhsil alıb. İxtisasca mühəndisdir. Hal-hazırda Yardımlı Xeyriyyə Cəmiyyəti ictimai birliyinin sədri, "Yardımlının Səsi" müstəqil qəzetinin təsisçisi və baş redaktorudur. "Alın yazısı", "Bir yarpaq ömrü", "Bir elin övladları" kitablarının və 20-dən çox publisistik kitabçanın müəllifidir.