Təranə Səmədova

Səmədova Təranə Nizami qızı 25 Oktyabr 1984-cü ildə Bakı şəhərində anadan olmuşdur. İlk təhsilini 17 saylı Tam Orta Məktəbdə almışdır. 1999-cu ildə 9 sinif bitirmiş və Azərbaycan Maliyyə İqtisad Kollecinin “Maliyyə və Vergi hüququ” fakultəsinə daxil olmuşdur. Tələbəlik illərində ŞHK iştirakçısı olur. Öz təhsil aldığı kollecdə “Bakılı qızlar” komandası yaradır və özü də həmin komandanın kapitanı olur. Komanda AzTv-də yayımlanan “7 Gözəl” qızlar üçün intellektual-əyləncəli viktorinanın favorit komandalarından birinə çevrilir. Layihənin rəhbəri Rüfət Hüseynovla yaxın dostluq edən Təranə Rüfətin habelə Lider Telekanalında bir neçə televiziya layihəsinin inzibatçı-redaktoru olur. 2002-ci ilin dekabr ayının 21-də Rüfət faciəvi şəkildə dünyasını dəyişir. 1 ildən bir az artıq müddət ərzində Rüfətin itkisi ilə barışmağa çalışır və iş fəaliyyətini “Xatun” cəmiyyətində davam etdirir. Az müddər ərzində “Xatun” cəmiyyətinin artıq direktoruna çevrilən Təranə Səmədova paralel olaraq individual olaraq da prodüserlik fəaliyyətinə başlayır. İlk çalışdığı müğənni isə Günel Ələkbərova olur.