Sirus Azadi

Alim Həmzə  oğlu Şıxəliyev

Alim Həmzə oğlu Şıxəliyev ,tibb üzrə fəlsəfə doktoru,Azərbaycan və Avropa kardioloqlar cəmiyyətinin üzvüdür.Hazırda” Əhmədli” tibb mərkəzinin təsisçisi və baş həkimidir.

Alim Şıxəliyev 1976-cı ildə Azərbaycan Tibb universitetini bitirdikdən sonra  Bakı şəhərində həkim kimi fəaliyyətə başlamışdır.1983-ci ildə Moskvada Mərkəzi Həkimləri təkminləşdirmə institunda aspiranturaya daxil olaraq 1987-ci ildə tibb elmlər namizədi elmi dərəcəsi almışdır.

1986-cı ildə Alim Şıxəliyevin Moskva Həkimləri təkmilləşdirmə institunun elmi konfransında təqdim etdiyi elmi iş gənc alimlərin işləri arasında ən uğurlu iş sayılaraq 1-ci mükafata  laiq görülmüşdür.

1986-ci ildən Azərbaycan dövlət həkimləri təkminləşdirmə institunda I-ci terapiya və funksional diaqnostika kafedrasında asistent və dosent vəzifələrində çalışmış Azərbaycan və başqa Sovet respublikaları üçün yüksək ixtisaslı həkim terapevtlər və kordioloqların hazırlanmasında fəal iştirak etmişdir .

1994-1995 ci illərdə İran İslam Respublikası Ərdəbil ,Meşkin şəhərlərində daxili xəstəliklər üzrə mütəxəssis kimi çalışmışdır.1997-ci ildən etibarən əsəasən özəl səhiyyə sahəsində çalışmağa başlamışdır.  Alim Şıxəliyev 40- dan çox elmi məqalə və bir monoqrafiya müəllifdir.

44 günlük vətən müharibəsində orduya göstərdiyi yardımlara , müharibə  veteranlarına göstərdiyi qayğıya görə Müdafiə nazirliyi və Azərbaycan Veteranlar birliyinin fəxri fərmanları və “Böyük Zəfər “ xatirə medalı ilə təltif olunmuşdur.

Şıxəliyev Həmzə Mirələm oğlu

Şıxəliyev Həmzə Mirələm oğlu, 1915-ci ildə Lerik rayonunun Kələxan kəndində anadan olmuşdur. 1934-cü ildən əmək fəaliyyətinə başlamış, dövlət vəzifələrində çalışmışdır.

Böyük vətən müharibəsi başladıqda Həmzə Şıxəliyev əmisi oğlu Feyruz Şıxəliyevlə birlikdə könüllü cəbhəyə gedir. Ali zabitlər məktəbini bitirdikdən sonra 412-ci Azərbaycan diviziyasında zabit kimi xidmətə başlayır. 1943-cü ildən seçmə döyüşçülərdən ibarət 5-ci zərbə ordusu sıralarında döyüşlərə qatılır.

Rota komandiri Həmzə Şıxəliyev Odessa, Kişiniyov, Minsk, Varşavanın alınmasında göstərdiyi igidliyə görə qırmızı ulduz, 1-ci və 2-ci dərəcəli vətən müharibəsi ordenləri, döyüş xidmətlərinə görə bir neçə medallarla, fəxri fərmanlarla təltif olunub.  

1945-ci ilin aprel, may aylarında Həmzə Şıxəliyevin komandir olduğu rota 5-ci zərbə ordusunun tərkibində birincilər sırasında Berlinə daxil olmuşdur. Reyx konselyariyasının alınmasında iştirak etmişdir.

Berlinin alınmasında göstərdiyi qəhrəmanlığa görə, Sovetlər birliyinin ən yüksək mükafatı – Lenin ordeni ilə təltif edilmişdir.

Müharibə bitdikdən sonra 1947-ci ilədək Berlində sahə komendantı kimi fəaliyyət göstərmişdir.

1947-ci ildən O Lerik rayonunda rəhbər işlərdə işləmiş, rayonda kənd təsərrüfatının inkişafındakı xidmətlərinə görə orden və medallarla təltif edilmişdir.

Xalqımız və dövlətimiz Həmzə Şıxəliyevin xatirəsini həmişə əziz saxlamışdır. Ölümündən sonra Lerikin küçələrindən birinə onun adı verilmişdir.