Sədrəddin Abbas oğlu Məmmədov

Məmmədov Sədrəddin Abbas oğlu 17 yanvar 1956 cı il tarixində Tovuz rayonunun Kirən kəndində anadan olmuşdur.

1973-cü ildə Azərbaycan Politexnik İnistitutuna (indiki Azərbaycan Texniki Universiteti) daxil olmuş, 1978 ci ildə "Radio aparatların texnoloq konstrukturu mühəndisi" ixtisasına yiyələnmiş və inistitutu fərqlənmə diplomu ilə bitirmişdir.

Əmək fəaliyyətinə 1978 ci ildə "Bakı Aviasiya İstehsalat Birliyində" sınaqçı mühəndis,1985 ci ildən sex rəisi, 1988 ci ildən Texniki nəzarət şöbəsinin müdiri, 1993 cü ildən 2001-ci ilədək Baş direktorun müavini vəzifəsində çalışmışdır.

2001-2006 cı illərdə "İqlim Elm İstehsalat Birliyində" sex rəisi vəzifəsində çalışmışdır.

2006-2009 cu illərdə Azərbaycan Respublikasının Müdafiə Sənayesi Nazirliyinin Elektron Hesablama Maşınları zavodunda Baş mühəndis, 2009-2012 ci illərdə Nazirliyin "Şərq İstehsalat Birliyində" şöbə müdiri, 2012 ci ildən etibarən "Şərq İstehsalat Birliyində" istehsalat işləri üzrə Baş direktorun müavini olaraq çalışır.

Azərbaycan Respublikası Prezidentinin 2012-ci il 11 dekabr tarixli 2594 nömrəli Sərəncamı ilə Azərbaycan Respublikası müdafiə sənayesinin yaradılmasında və inkşafında xidmətlərinə görə "Tərəqqi medalı" ilə təltif edilmişdir.

Azərbaycan Respublikası Prezidentinin 2018-ci il 15 dekabr tarixli 802 nömrəli Sərəncamı ilə Azərbaycan Respublikası müdafiə sənayesinin yaradılmasında və inkşafında xidmətlərinə görə "Əməkdar Mühəndis" fəxri adı ilə təltif edilmişdir.

Ailəlidir, 2 övladı var.