Dəmirbank - Azərbaycanda ilk yaradılmış kommersiya banklarından olub.

Yaranma tarixi 6 oktyabr 1989-cu il, lisenziya alma tarixi 23 noyabr 1992-ci ildir. 1989-cu ildən fəaliyyət göstərmiş Dəmirbank ilk olaraq "Azərdəmiryol" kommersiya bankı kimi fəaliyyətə başlayıb. Daha sonra 2009-cu ildə rebrending edərək "Dəmirbank" adlandırılıb. Fəaliyyətini "Sadəcə etibarlı" şuarı altında həyata keçirib. Devalvasiyaya qədər bank xeyli güclənibmiş. 2010-2015-ci illərdə bankın aktivlərinin həcmi 73% artaraq 589 milyona çatsa da, son 2 ildə 30%-ə yaxın azalmaqla 429 milyon manata enib. Böyük neft pulları dövründə – bankın aktivlərinin qısa müddətdə az qala 2 dəfə genişləndiyi dövrdə bank, əsasən, istehlak kreditləşməsinə üstünlük verib. 2015-ci ilin yekunlarına görə bankın 428 milyon manatlıq kredit portfelinin 63.3%-ni (270 milyon manat) istehlak kreditləri təşkil edib. Azərbaycan Respublikasının Maliyyə Bazarlarına Nəzarət Palatasının (Palata) Direktorlar Şurasının 22 dekabr 2017-ci il tarixli qərarına əsasən “DəmirBank” ASC-nin lisenziyası 23 dekabr 2017-ci ildən etibarən ləğv edilib.

https://www.gununsesi.info/d%C9%99mirbank-niy%C9%99-baglandi/

https://bankombudsman.az/xeberler/demirbank-legv-edilib

https://president.az/az/articles/view/17670