İstifadəçi:Rozalinda19/Qaralama

Nəbi Rüstəmov 24 avqust 1980-ci il tarixdə Şamaxı rayonunun Qurbançı kəndində ziyalı ailəsində anadan olmuşdur. 1997-ci ildə orta məktəbi bitirərək Azərbaycan Tibb Universitetinin Müalicə-Profilaktika fakültəsinə daxil olmuşdur. 2003-cü ildə Azərbaycan Tibb Universitetini bitirmiş və 2003–2004-cü illərdə akademik M. Mirqasımov adına Respublika Kliniki Xəstəxanasında nevrologiya üzrə internatura keçmişdir. 2007–2010-cu illərdə Azərbaycan Tibb Universitetinin nevrologiya kafedrasında çalışmışdır.

2010–2013-cü illərdə Almaniyada Hannover Tibb Məktəbinin (Medizinische Hochschule Hannover) Nevrologiya şöbəsində doktorantura təhsili almış və 2013-cü ildə dissertasiya müdafiə edərək tibb üzrə fəlsəfə doktoru elmi dərəcəsi (PhD) almışdır.

2014–2019-cu illərdə Kanadanın Kvebek (Quebec) Universitetində işləmiş, 2019-cu ildən hal-hazırkı dövrə kimi Amerika Birləşmiş Ştatlarında fəaliyyət göstərir.

Nəbi Rüstəmov ingilis, alman, rus, türk dillərini sərbəst bilir.

Ailəlidir, bir övladı var.

1997–2003 — Azərbaycan Tibb Universitetinin Müalicə-Profilaktika fakültəsi

2003–2004 — Akademik M. M. Mirqasımov adına Respublika Klinik xəstəxanasında nevrologiya üzrə internatura

2010–2013 — Almaniyanın Hannover Tibb Məktəbinin (Medizinische Hochschule Hannover) nevrologiya şöbəsində doktorant

• 2007–2010 — Azərbaycan Tibb Universitetinin Nevrologiya kafedrasında nevroloq;
• 2007–2010 — Epilepsiyaya Qarşı Beynəlxalq Liqanın (ILAE) Azərbaycan bölməsinin baş katibi;
• 2007 — Epilepsiyaya Qarşı Beynəlxalq Liqanın (ILAE) və Avropa Epilepsiya Akademiyasının (EUREPA) təşkilatçılığı ilə Serbiyada keçirilmiş bir həftəlik "First Migrating Course on Epilepsy" yay məktəbində iştirakçı;
• 2008 — Epilepsiyaya Qarşı Beynəlxalq Liqanın (ILAE) və Avropa Epilepsiya Akademiyasının (EUREPA) təşkilatçılığı ilə Litvada keçirilmiş bir həftəlik "Second Migrating Course on Epilepsy" yay məktəbində iştirakçı;
• 2009 — İngiltərənin London şəhərində Great Ormond Street Hospital və National Hospital for Neurology and Neurosurgery xəstəxanalarında 4 aylıq epilepsiya və klinik elektroensefaloqrafiya (EEQ) üzrə təcrübəçi;
• 2014 – 2019 — Kanadanın Kvebek Universitetində xroniki ağrının müalicəsi üzrə elmi tədqiqatçı;
• 2019 – 2024 — Amerika Birləşmiş Ştatlarında Washington University School of Medicinein St. Luois’de Neyrocərrahiyyə şöbəsində süni intellekt əsasında yaradılmış cihazlardan istifadə edərək xroniki ağrının müalicəsi və xroniki insultun reabilitasiyası sahələrində elmi tədqiqatçı;
• 2024 – 2025 — Amerika Birləşmiş Ştatlarının New York Ştatında Wynn Hospitalda rezident həkim;
• 2025 – 2028 — Amerika Birləşmiş Ştatlarının Washington DC şəhərində Howard University Hospitalda rezident nevroloq.

2007–2010-cu illərdə Azərbaycan Tibb Universitetinin Nevrologiya kafedrasında həmin kafedranın rəhbəri, professor Şərif Mahalovun rəhbərliyi altında epilepsiyanın epidemiologiyası, epilepsiya xəstələrində həyatın sosial aspekti mövzusunda elmi tədqiqat işləri aparmışdır.

2010–2013-cü illərdə Almaniyada Hannover Tibb Universitetinin (Medizinische Hochschule Hannover) nevrologiya şöbəsində professor Reinhard Denglerin (Nevrologiya Şöbəsinin müdiri) elmi rəhbərliyi altında "Petermax-Müller" fondunun maliyyə dəstəyi ilə doktorantura (PhD) təhsili almışdır. Dissertasiya işinin həm də iki həmrəhbəri olmuşdur: professor Claudia Grothe (Neyroanatomiya İnstitutu, Hannover Tibb Universiteti) və professor Heinrich Lanfermann (Diaqnostik və İnvaziv Neyroradiologiya İnstitutu, Hannover Tibb Universiteti).

Dissertasiya mövzusu: "Parkinson xəstəliyinin neyrokoqnitiv aspektləri: elektroenseloqrafiya (EEQ) ilə tədqiqat" (Neurocognitive correlates of Parkinson’s disease: an investigation with EEG)

Parkinson xəstələrində koqnitiv test yerinə yetirərərək onların beyin potensialları tədqiq edilmişdir. Bu istiqamətdə aparılan elmi tədqiqatlar nəticəsində Parkinson xəstəliyi zamanı məqsədyönlü davranışın pozulması, avtomatik davranışın isə nisbtən intakt qalması aşkar edilmişdir.

Doktorant olarkən məqalələri "Neuropsychologia" və "Neuropsychology" jurnallarında dərc edilmişdir. Nəbi Rüstəmov bu məqalələrdə birinci müəllifidir. Hər iki jurnal yüksək beynəlxalq səviyyəli və resenziyadan keçən jurnaldır.

N. Rüstəmov Almaniya Klinik Neyrofiziologiya və Funksional Görüntüləmə Cəmiyyətinin (German Society of Clinical Neurophysiology and Functional İmaging) təşkilatçılığı ilə Köln (2012-ci ildə) və Leipzig (2013-cü ildə) şəhərləridə baş tutmuş konfranslarda elmi tədqiqatlarının nəticələri barədə məruzə etmişdir. 2013-cü ildə Almaniyanın Hannover Tibb Universitetində professor Reinhard Denglerin rəhbərliyi altında "Parkinson xəstəliyinin neyrokoqnitiv aspektləri: elektroenseloqrafiya (EEQ) ilə tədqiqat" mövzusunda, 3223.01 – sinir xəstəlikləri ixtisasında fəlsəfə doktoru dissertasiyası müdafiə etmiş və tibb üzrə fəlsəfə doktoru elmi adı (PhD) almışdır.

2014–2019-cu illərdə Kanadanın Kvebek Universitetində xroniki ağrının müalicəsi üzrə elmi araşdırma aparmışdır. Bu tədqiqatlar zamanı elektroensefaloqrafiyadan (EEQ) istifadə edərək xroniki ağrıdan əziyyətçəkən xəstələrin mərkəzi sinir sistemindəki pozuntular tədqiq edilmiş və ağrının zəifləməsinə cavabdeh olan beyin strukturları aşkar edilmişdir. Növbəti mərhələdə isə Transcranial Direct Current Stimulation (tDCS) üsulundan istifadə olunaraq baş beynin alın payında yerləşən Dosrsolateral Prefrontal Cortex (DLPFC) stimullaşdırılmaqla ağrını azaltmağa nail olmuşdur. 2019-cu ildən Amerika Birləşmiş Ştatlarında Washington University School of Medicine in St. Louis’da, Neyrocərrahiyyə şöbəsində profressor Eric Leuthardtın rəhbərliyi altında süni intellekt əsasında yaradılmış cihazlardan istifadə edərək xroniki insultun reabilitasiyası və xroniki ağrının müalicəsi mövzularında elmi tədqiqat işlərini davam etdirir. N. Rüstəmovun və həmkarlarının ixtira etdikləri süni intellekt cihazından istifadə edilərək insultdan sonra itirilmiş hərəki funksiyaların bərpası istiqamətində elmi tədqiqat işləri aparmışdır. Həmin süni intellekt cihazı 2021-ci ildə United States Food və Drug Adminstration (FDA) tərəfindən lisenziyalaşdırılmışdır.

N. Rüstəmov aşağıdakı yüksək impakt faktorlu jurnallarda xüsusi rəyçidir:

— European Journal of Pain (Avropa aqri Federasiyasının rəsmi jurnalı) — 2023-cü ildə impakt faktoru 3.5

— Journal of Physiological Sciences(Yaponiyanın Fiziologiya Cəmiyyətinin rəsmi jurnalı) — 2023-cü ildə impakt faktoru 2.6

— Frontiers in Neuroscience, Translational Neuroscience — 2023-cü ildə impakt faktoru 3.2

2023-cü ildə Amerika Birləşmiş Ştatlarında USMLE (United States Medical Licensing Examination) Step 1 (fundamental tibbi elmi biliklər), Spep 2 CK (kliniki biliklər), Step 2 CS (kliniki bacarıqlar) və Step 3 (həkimmlərin bilik və bacarıqlarının qiymətləndirilməsi) imtahanlarından uğurla keçərək ECFMG (Educational Council for Foreign Medical Graduates) sertifikatı əldə etmişdir.

1. Nabi Rustamov, Rea Rodriguez-Raecke, Lydia Timm, Deepashri Agrawal, Dirk Dressler, Christoph Schrader, PawelTacik, Florian Wegner, Reinhard Dengler, Matthias Wittfoth, Bruno Kopp. Absence of the congruency sequence effect reveals neurocognitive inflexibility in Parkinson’s disease. Neuropsychologia 2013, 51: 2976–2987.

2. Nabi Rustamov, Rea Rodriguez-Raecke, Lydia Timm, Deepashri Agrawal, Dirk Dressler, Christoph Schrader, Pawel Tacik, Florian Wegner, ReinhardDengler, Matthias Wittfoth, Bruno Kopp. Attention shifting in Parkinson’s disease: an analysis of behavioral and cortical responses. Neuropsychology 2014, 28: 929–944.

3. Nabi Rustamov, Stéphane Northon, Jessica Tessier, Hugues Leblond, Mathieu Piché. Integration of bilateral nociceptive inputs tunes spinal and cerebral responses. Scientific Reports 2019, 9(1):7143.

4. Zoha Deldar, Nabi Rustamov, Isabelle Blanchette, Mathieu Piché. Improving working memory and pain inhibition in older persons using transcranial direct current stimulation. Neuroscience Research 2018, 148:19–27.

5. Nabi Rustamov, Joseph Humphries, Alexandre Carter, Eric C. Leuthardt. Theta- gamma coupling as a cortical biomarker of brain-computer interface mediated motor recovery in chronic stroke. Brain Communications 2022, 4(3): fcac136.

6. Nabi Rustamov, Lauren Souders, Lauren Sheehan, Alexandre Carter, Eric C. Leuthardt. IpsiHand Brain-Computer Interface Therapy Induces Broad Upper Extremity Motor Rehabilitation in Chronic Stroke. Neurorehabil Neural Repair, 2024, 20: 535–546. Online ahead of print.

7. Phillip Demarest, Nabi Rustamov, James Swift, Tao Xie, Markus Adamek, Hohyun Cho, Elizabeth Wilson, Zhuangyu Han, Alexander Belsten, Nicholas Luczak, Peter Brunner, Simon Haroutounian, Eric C. Leuthardt. A novel theta-controlled vibrotactile Brain-Computer Interface to treat chronic pain: a pilot study. Scientific Reports 2024, 14: 3433.