Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edin- Orhan Gültekin
İdarə Heyəti sədrinin 1-ci müavini, İdarə Heyətinin üzvü (Baş Satış İnzibatçısı)
Gültekin Orhan Rifat oğlu 06 May 1970-ci ildə Türkiyənin Bursa şəhərində anadan olmuşdur.
1987-1991-ci illərdə Türkiyənin Hacettepe Universitetində “Menecment” ixtisası üzrə bakalavr təhsili almışdır.
Bank karyerasına 1993-cü il tarixindən Türkiyənin “Garanti” Bankında auditor olaraq başlamışdır. 1997-2001 tarixlərində “Koçbank”da baş auditor və filial müdiri vəzifələrində çalışmışdır. Sonra isə 2001-2012-ci illərdə “Yapı Kredi Bank - Türkiyə”də satış üzrə regional direktor və icraçı vitse-prezident vəzifələrində çalışmışdır.
2012-2015-ci illərdə “Yapı Kredi Bank – Azərbaycan”da Baş Direktor (satış üzrə), 2016-2017-ci illərdə Caspian Development Bankda “Satış və marketinq” departamentinin Direktoru, 2017-2018-ci illərdə “Atabank” ASC-də “Marketinq və Kommunikasiyalar” departamentinin Direktoru kimi fəaliyyət göstərmişdir.
2019-ci ildən 2022-ci ilədək “Rabitəbank” ASC-də İdarə Heyəti Sədrinin müavini (Satış üzrə) vəzifəsində çalışıb.
2022-ci ildən etibarən “Rabitəbank” ASC-də İdarə Heyəti Sədrinin 1-ci müavini vəzifəsində çalışır.
- Samir Rzayev
Baş direktor, İdarə Heyətinin üzvü (Baş Maliyyə inzibatçısı)
Rzayev Samir Tofiq oğlu 12 avqust 1973-cü ildə Bakı şəhərində anadan olmuşdur.
1996-cı ildə Azərbaycan Dövlət İqtisad Universitetinin “Mühasibat uçotu” fakultəsini bitirib.
Bank karyerasına 1995-ci il tarixindən “Renessans” Kommersiya Bankında mühasib-əməliyyatçı olaraq başlamış, 1997-1999-cu illərdə isə həmin bankda baş mühasibin müavini olaraq çalışmışdır.
1999-cu ilin iyun-sentyabr aylarında Bank of Baku Kommersiya Bankında “Müxbir əlaqələr” şöbəsinin rəisi olaraq fəaliyyət göstərmişdir.
2001-2003-cü illərdə “Most Bank Azərbaycan” Kommersiya Bankında “Kommersiya əməliyyatları” şöbəsinin Treyderi, sonradan isə filialın Baş mühasibi və “Maliyyə” departamentinin “Mühasibatlıq” şöbəsinin Baş mühasibin müavini vəzifələrində çalışmışdır.
2003-2009-ci illərdə Bank Standard “Maliyyə departamentinin” Direktor müavini və “Biznes proseslər və institusional inkişaf departamentinin” Direktoru kimi çalışmışdır.
2009-2017-cı illərdə isə həmin bankın İdarə Heyəti Sədrinin müavini kimi fəaliyyət göstərmişdir.
2017- ci ildən hal-hazıradək Rabitəbank ASC-nın Baş direktoru (Maliyyə və İnfrastruktur üzrə) vəzifəsində çalışır.